ÉXODO 14:5 - Dios Rimashcata Quillcashcami

⁵ Egipto llactata jatun mandacman israelcuna miticushpa rishcataca huillacpica, Faraonpish, paita serviccunapish shungupi piñarishpami: «¿Ima nishpatac israelcuna ñucanchicta servinata saquishpa richunca saquircanchic?» nirca.

ÉXODO 14:5 ပူးပေါင်းရင်းမြစ်များ

GÉNESIS 31:22

Quimsa punzha quipami, Labanca Jacobo rishcataca yachac chayarca.

SALMOS 105:25

Shina cashpapish Diosca pai acllashcacunata piñachun, paita serviccunataca llullashpa llaquichichunmi chai gentecunapac shungupi piñana yuyaita churarca.

ÉXODO 12:33

Tucui Egipto runacunaca: «Tucuimari huañugrinchic» nishpami, tucui israelcunata utca llucchishpa cacharca.

ÉXODO 14:4

Ñucami cancunata catichun, Faraonpac shunguta sinchiyachisha. Chaimantami Faraontapish, paipac tucui soldadocunatapish tucuchishpa, ñuca jatun cashcata ricuchisha. Shina ruhuacpimi, Egipto runacunaca ñucataca Mandac Dios cashcata yachanga» nirca. Chashna nicpica, paicunaca chashnami ruhuarcacuna.

ÉXODO 14:6

Chaimantami Faraonca tucui carretata caballocunapi aisachishpa, paipac soldadocunatapish tandachirca.

ÉXODO 15:9

Ñucanchicta piñaccunaca: “Cati rishpa japishunmi, paicunamanta quichushpa, chaupinacushpa cushicushunmi. Espadata llucchishpami, ñucanchic maquihuan tucuchishun” nircami.