ÉXODO 14:17 - Dios Rimashcata Quillcashcami

¹⁷ Ñucami Egipto runacunapac shunguta sinchiyachisha. Chashna ruhuacpimi, cancunata catishpa, cuchaman yaicunga. Chashna yaicucpimi, Faraontapish, paipac soldadocunatapish, tucui paipac carretacunapi tiyaccunandi tucuchishpa, ñuca jatun cashcata ricuchisha.

ÉXODO 14:17 ပူးပေါင်းရင်းမြစ်များ

GÉNESIS 50:9

Chashnami achca gentecuna caballopi, carretacunapi rirca.

GÉNESIS 6:17

Riqui, tucui cai pachapi causaita chariccunata tucuchingapacmi cai pachamanca yacu juizhuta cachagrini. Chaipica tucui cai pachapi causaccunami huañunga.

GÉNESIS 9:9

«Riquichic, canhuanpish, cancunapac huahua huahuacunahuanpish,

ÉXODO 14:23

Egipto runacunapish, paicunapac tucui caballocunapish, carreta aisashcacunapish, caballopi ric soldadocunapish catishpami yaicurca.

ÉXODO 14:4

Ñucami cancunata catichun, Faraonpac shunguta sinchiyachisha. Chaimantami Faraontapish, paipac tucui soldadocunatapish tucuchishpa, ñuca jatun cashcata ricuchisha. Shina ruhuacpimi, Egipto runacunaca ñucataca Mandac Dios cashcata yachanga» nirca. Chashna nicpica, paicunaca chashnami ruhuarcacuna.

ÉXODO 14:8

Mandac Dios Egipto llactata jatun mandac Faraonpac shunguta sinchiyachicpimi, israelcunata catirca. Ashtahuanpish israelcunaca imatapish mana manchashpami llucshirca.

ÉXODO 4:21

Mandac Diosca Moisestaca: —Egiptoman cutishpa, Faraonpac ñaupapi tucui ñuca ruhuachun nishca ricuchinacunata ruhuashpa ricuchingui. Ashtahuanpish ñucaca paipac shunguta sinchiyachishami. Shina ruhuacpica, israelcunataca mana cacharingachu.

ÉXODO 4:23

Ñuca huahuacuna ñucata servingapac richun saqui. Mana richun saquicpica, punta cari huahuacunatami huañuchigrini’ ninmi” ningui— nirca.

ÉXODO 7:3

Ñucami Faraonpac shungutaca sinchiyachisha. Chaimantami Egiptopica mancharina ricuchinacunata ruhuashpa ricuchisha.

ISAÍAS 48:15

Ñucallatacmi chashna rimashpa, cayashpa pushamurcani. Chaimantami tucui pai ima ruhuashcaca alli canga.

ISAÍAS 51:12

Mandac Diosca: «Ñucami cancunata cushichic cani. ¿Ima nishpatac cupa shina huañushpa chingariclla runata mañanguichic?

JEREMÍAS 23:39

cancunataca shitashpami saquisha. Cancunatapish, cancunaman, cancunapac taitacunaman cushca llactatapishmi ñuca ñaupamanta tucui chingachisha.

EZEQUIEL 28:22

“Mandac Diosca: Sidón llactalla, canhuanca piñarishcami cani. Canta llaquichishpami jatunyachishca casha. Chashnami ñucaca jucha illac cashcata ricuchisha. Shina ruhuacpimi, ñucataca Mandac Dios cashcata yachangacuna.

EZEQUIEL 34:11

Mandac Dios ñucaca: Riquichic, ñucallatacmi ñuca ovejacunataca mashcashpa cuidasha.

EZEQUIEL 34:20

Chaimantami Mandac Dios ñucaca: Ñucami huira ovejacunatapish, tullu ovejacunatapish taripasha.

EZEQUIEL 5:8

Chaimantami Mandac Dios ñucaca cancunahuan piñarircani. Ñucallatacmi cancunataca tucui llactacunapi causaccunapac ñaupapi llaquichisha.

EZEQUIEL 6:3

Chai urcucunataca: “¡Israel llacta urcucunalla, Mandac Dios rimashcata uyaichic! Mandac Dios urcucunatapish, lomacunatapish, chaipi tiyac yacucunatapish, pambacunatapish rimashpaca: Riquichic, ñucami cancunata llaquichichun, jatun macanacuita cachashpa, lomacunapi tiyac altarcunatapish tucuchigrini.

OSEAS 5:14

Ñucaca Efraín aillutaca león shinami llaquichisha. Judá llactapi causaccunataca huahua león shinami apasha. Ñucallatacmi paicunataca apa risha. Ñuca maquimanta cacharichicca pi mana tiyangachu.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

LEVÍTICO 26:28

ñucapish piñarishpami canchis cutin yallihuan cancunapac juchamantaca llaquichisha.

ROMANOS 9:18

Shina cacpica, Diosca maijanta llaquisha nishpaca llaquinllami, maijanta shunguta sinchiyachisha nishpaca sinchiyachinllami.

DEUTERONOMIO 32:39

Ñucaca shuclla Diosmi cani. Shuctac Diosca mana tiyanchu. Ñucaca huiñaita causac Diosmi cani. Chugrichicpish, allichicpishmi cani. Ñuca maquimantaca pi mana quichungachu.

JOSUÉ 11:20

Mandac Diosca Moisesta mandashca shinami paicunataca israelcunahuan macanacuchun, chashna macanacushpaca mana llaquishpa tucuchishca cachun, sinchi shunguta ruhuarca.

JUECES 4:7

Ñucaca Cisón huaicumanmi Jabinpac macanacuc runacunata, mandac Sisarata carretacunandi apamushpa, cancunapac maquipi churasha” ninmi— nirca.

1 SAMUEL 6:6

¿Ima nishpatac cancunapac shungutaca Egiptopi causaccuna shina, Faraón shina sinchiyachinguichic? ¿Manachu Dios llaquichicpi, israelcunataca richun saquircacuna?