ÉXODO 12:28 - Dios Rimashcata Quillcashcami

²⁸ Chai quipaca israelcunaca Mandac Dios Moisestapish, Aarontapish mandashca shinallatacmi tucui ruhuarca.

ÉXODO 12:28 ပူးပေါင်းရင်းမြစ်များ

2 SAMUEL 5:25

Jatun mandac Davidca Mandac Dios nishca shina ruhuashpami, filisteocunataca Geba pueblomantaca Gezer pueblo yaicunacaman catishpa huañuchirca.

1 REYES 17:5

Eliasca Mandac Dios mandashca shinallatacmi Jordán yacu chimba ladopi cac Querit yacu huaicupi causagrirca.

ÉXODO 12:27

“Mandac Dios Egipto runacunata huañuchicushpaca, israelcunapac huasicunamanca mana yaicushpami pasarcalla. Shina mana huañuchishpa, ñucanchicta quishpichishcamantami Pascua fiestata ruhuanchic” ninguichic— nirca. Cai nishcacunata yuyarishpami, israelcunaca Mandac Diosta allimari cangui nishpa cumurirca.

ÉXODO 12:29

Mandac Diosca Egipto llactapi punta huacharishca cari huahuacunataca chaupi tutami huañuchirca. Faraón mandashpa tiyana huasipi causacuc punta churimanta callarishpa, carcelpi tiyaccunapac punta churicunacamanmi huañuchirca. Shinallatac punta huacharishca cari animalcunatapish tucuimi huañuchirca.

ÉXODO 12:35

Israelcunaca Moisés mandashca shinallatacmi, Egipto runacunaman cullquimanta, curimanta ruhuashca charinacunatapish, churanacunatapish mañarca.

ÉXODO 14:4

Ñucami cancunata catichun, Faraonpac shunguta sinchiyachisha. Chaimantami Faraontapish, paipac tucui soldadocunatapish tucuchishpa, ñuca jatun cashcata ricuchisha. Shina ruhuacpimi, Egipto runacunaca ñucataca Mandac Dios cashcata yachanga» nirca. Chashna nicpica, paicunaca chashnami ruhuarcacuna.

ÉXODO 36:1

Mandac Diosmi Bezaleelmanpish, Aholiabmanpish, yachac runacunamanpish paihuan tupana huasita ruhuachun, alli yachaita, alli yuyaita curca. Paicunami Mandac Dios mandashcata tucuita ruhuanga» nirca.

ÉXODO 39:32

Chashnami Dios-huan tupana huasita ruhuashpa tucuchirca. Mandac Dios Moisestaca mandashca shinallatacmi tucuita ruhuarca.

ÉXODO 39:42

Mandac Dios Moisesta mandashca shinallatacmi israelcunaca tucuita ruhuarca.

ÉXODO 39:43

Mandac Dios mandashca shinallatac ruhuashcatami Moisesca ricurca. Chaita ricushpami bendiciarca.

ÉXODO 7:10

Moisespish, Aaronpish Faraonpac ñaupaman rishpaca, Mandac Dios mandashca shinallatacmi ruhuarca. Chaipimi Aaronca Faraonpac, paita serviccunapac ñaupaman rishpa, paipac varata shitarca. Chaipica, varaca culebrami tucurca.

ÉXODO 7:6

Chashnami Moisespish, Aaronpish Mandac Dios mandashca shina ruhuarca.

LEVÍTICO 24:23

Moisés tucui caicunata israelcunaman huillacpica, Diospac shutita mana alli nishpa rimactaca carpa huasimanta canzhaman llucchishpami, rumihuan shitashpa huañuchirca. Israelcunaca Mandac Dios ima shinami Moisesman nishca shinallatacmi ruhuarca.

NÚMEROS 1:54

Israelcunaca Mandac Dios Moisesta nishca shinallatacmi tucuita ruhuarca.

NÚMEROS 31:31

Shina nicpimi, Moises-huan Eleazar curahuanca ima shinami Mandac Dios Moisesta mandashca shinallatac ruhuarca.

NÚMEROS 31:41

Moisesca Mandac Dios mandashca shinallatacmi huichai alzashpa cushca ofrendataca Eleazar curaman curca.

NÚMEROS 31:47

Moisesca israelcunaman chaupishpa cushca gentecunatapish, animalcunatapish cada pichca chungamantami shucta Mandac Dios-huan tupana huasita cuidac levitacunaman Mandac Dios mandashca shina curca.

NÚMEROS 5:4

Israelcunaca Mandac Dios Moisesta mandashca shinallatacmi chashna mapayashcacunataca carpa huasimanta llucchishpa cacharca.

DEUTERONOMIO 34:9

Nunpac churi Josueca Moisés maquita uma jahuapi churashcamantami alli yachac carca. Chaimantami israelcunaca Mandac Dios Moisesta mandashca shina Josué tucui nishcata cazurca.

HEBREOS 11:28

Crishcamantami Moisesca Pascuata ruhuashpa, israelcunapac punta huahuacunata ángel ama huañuchichun, tucui pungucunapi yahuarhuan cahuirca.

JOSUÉ 14:5

Mandac Dios Moisesta mandashca shinami, israelcunaca allpata chaupinacurca.

JOSUÉ 2:21

Shina nicpimi, chai huarmica: —Cancuna nishca shinallatacmi pactachisha— nirca. Caya minchacaman nicpimi, chai runacunaca rircacunalla. Chai quipami, chai huarmica puca huascata ventanapi huarcuchirca.

JOSUÉ 4:8

Israelcunaca Mandac Dios Josueta mandashca shinallatacmi chunga ishcai rumita aparcacuna. Cada Israel aillucunamanta acllashca chunga ishcai runacunami cada shuc rumita aparca. Chaitaca maipimi paicuna pacarina pushtupimi churarca.