ESTER 9:27 - Dios Rimashcata Quillcashcami

²⁷ Judá gentecunaca chai ishcai punzhacunapica paicunaman quillcashca shinallatac paicunapac huahua huahuacunamanpish, paicunapura tandanacushcamanpish, mana cungarishpa pactachingapac, shinallatac ima punzhacunapi ruhuana cashca shinallatac huatanta ruhuangapacmi ari nircacuna.

ESTER 9:27 ပူးပေါင်းရင်းမြစ်များ

ESTER 8:17

Cada llactapi, cada pueblopi jatun mandac mandashca chayacpica, Judá gentecunaca yallita cushicushpami jatun micuita ruhuashpa fiestata ruhuarcacuna. Cai llactapi causac shuctac gentecunapish Judá gentecunata manchashpami Judá gentecunapura tucurcacuna.

ESTER 9:20

Mardoqueoca tucui chaicunatami quillcashpa jatun mandac Asuero mandacuc tucui llactacunapi cuchullapi causac, carupi causac Judá gentecunaman cacharca.

ESTER 9:21

Chai quillcacunapica Adar quilla chunga chuscu punzhapipish, chunga pichca punzhapipish huatanta fiestata ruhuachunmi mandashpa cacharca.

ESTER 9:28

Cai Purim punzhacunataca tucui huahua huahuacunapish, familiacunapish mai llactacunapi, mai pueblocunapi causaccunapish mana cungarishpami Judá llactapi causaccunaca huatanta yuyarishpa pactachina can.

SALMOS 78:7

Chashna yachashpa Diospi shunguta churachun. Dios ruhuashcacunata ama cungarishpa, pai mandashcacunata pactachichunmi mandarca.

ISAÍAS 2:3

Achca gentecuna shamushpaca: «Mandac Dios munashca shina causanata yachachicpi, allita yachacushpa, paipac alli ñanta catingapac paipac urcuman rishunchic. Jacobopac Diospac huasiman jacuchic» ningami. Chaica Sión llactamantami mandashcacunaca llucshinga. Jerusalenmantami Mandac Dios rimashcaca llucshinga.

ISAÍAS 56:3

Caru llacta runa Mandac Diosta catic cashpaca: «Mandac Diosca pai acllashcapuramantaca ñucataca chicanyachingami» ama nichun. Eunuco runapish: «Ñucaca chaquishca yura shinami cani» ama nichun.

ISAÍAS 56:6

Caru llacta runacunapac churicuna Mandac Dios ñucata servingapac, ñuca shutita cuyashpa ñucata servingapac shamucpi, shinallatac samana punzhata mana yangapi churashpa, ñuca ari nishcatapish ucllaric shina, chai yuyailla causacpica,

EZEQUIEL 16:61

Cambac punta ñañacunata, quipa ñañacunata cambac huahuacuna cachun ñuca cucpica, can ima shina causashcata, ima shina purishcata yuyarishpa pinganguimi. Mana canhuan ari nishcamantachu, paicunaca cambac huahuacuna shina canga.

ZACARÍAS 2:11

Chai punzhapica achca llactacunami Mandac Dios ñucapacman tandanacunga. Paicunaca ñuca acllashcacunami canga. Ñucaca cancunapac chaupipimi causasha» ninmi. Chaita ricushpami, Mandac Diosllatac cancunapacman ñucata cachashcata yachanguichic.

ZACARÍAS 8:23

Chai punzhacunapica tauca llactacunamanta chican rimaicunata rimac chunga runacunami shamunga. Paicunaca Judá llactamanta runata jahualla churanapi japirishpa: “¡Ñucanchicpish cancunahuan rinatami munanchic. Mandac Diosca cancunahuan cactami yachanchic!” ninga» nirca.

NÚMEROS 15:15

Cancunapish, shuctac llactamanta shamushpa, cancunahuan causaccunapish cai mandashcallatatacmi ruhuana canguichic. Cai mandashcaca huiñaitami cancunapacpish, cancunapac huahuacunapacpish canga. Shuctac llactamanta shamushca runapish cancuna shinallatacmi Mandac Dios ñucapac ñaupapi ruhuana can.

DEUTERONOMIO 5:3

Mandac Diosca mana ñucanchic taitacunallahuanchu ari nishca, ashtahuanpish cunan caipi cac tucui ñucanchic-huanpishmi ari nishca.

JOSUÉ 9:15

Chai quipami Josueca paicunahuan apanacushpa causangapac, mana huañuchingapac ari nirca. Chashnallatacmi tandanacushca israelcunata mandaccunapish ari nirca.

JUECES 11:40

Chaimantami israelcunaca, Galaad pueblomanta Jeftepac ushita yuyarishpa tucui solteracuna cada huata chuscu punzhata huacangapac llucshincuna.

1 SAMUEL 30:25

Cai mandashcaca chai punzhamanta pacha cunan punzhacamanmi Israel llactapica shuc mandashca tucushca. Cai mandashcataca pactachishpami catincuna.