ESTER 9:25 - Dios Rimashcata Quillcashcami

²⁵ Shina cacpipish Ester jatun mandacpac ñaupaman ricpica Judá gentecunata llaquichishpa jatun llaquita ruhuachun saquinapac randica, chai llaqui paillamantac urmachunmi shuc quillcata cacharca. Shinallatac paitapish, paipac churicunatapish huarcushpa huañuchichunmi mandarca.

ESTER 9:25 ပူးပေါင်းရင်းမြစ်များ

1 REYES 8:32

jahua pachapi uyashpa, canta serviccuna imata ruhuana cashcata ricuchingui. Canta mana manchactaca pai mana allita ruhuashca shinallatac paipac jahuapi llaquita churangui. Cashcata ruhuactaca imatapish cashcata ruhuashcamantami, allicunata japina cashcata cungui.

ESTER 3:6

Shina piñarishpapish Mardoqueollatac llaquichinataca mana munarcachu. Ashtahuanpish jatun mandac Asuero mandacuc llactacunapi causac tucui Judío gentecunatami huañuchinata yuyarirca.

ESTER 7:10

Shina mandacpimi, Amantaca Mardoqueota sipingapac paillatac shayachichishca caspipi huarcurca. Chashna ruhuacpimi jatun mandacca yallita piñarishcata pasachirca.

ESTER 7:4

Ñucatapish, ñuca llacta gentecunatapish huañuchishpa tucui tucuchichun catushcami canchic. Servic caricuna, huarmicuna cachun catushca cacpica, mana imata nishpa upallami caiman carcani. Ashtahuanpish tucui ñucanchicta huañuchicpica, can jatun mandacmanca yalli llaquimi canga— nirca.

ESTER 7:5

Shina nicpimi, jatun mandac Asueroca jatun mandac Estertaca: —¿Pitac chaita ruhuanata yuyarishcayari? ¿Chai runaca maipitac?— nishpa tapurca.

SALMOS 140:8

Mandac Dioslla, canta mana manchaccuna paicuna munashcata pactachichunpish, paicuna yuyashcata ruhuashpa, jatun tucuchunpish ama saquichu.

SALMOS 140:9

Ñucata llaquichingapac catic gentecuna yuyashca llaquicunaca paicunallatatac japichun.

SALMOS 141:10

Canta mana manchaccunaca paicuna churashca linchillapitac urmachun. Paicuna chashna cacpica ñucaca ñaupaman rishpami catisha.

SALMOS 7:16

Paicuna millaita ruhuashcaca paicunallatatacmi llaquichinga. Paicuna llaquichingapac yuyarishcapish paicunapac jahuallapitacmi urmanga.

SALMOS 7:17

Cashcata ruhuac Diostaca alabashami. Jahua pachapi causac Mandac Diospac shutitaca cantacushallami.

SALMOS 94:23

Paimi, paicuna millaita ruhuashcamantaca paicuna ima shina ruhuashca shinallatac llaquichinga. Paicuna millaita ruhuashcamantami chingachinga. Ñucanchicta Mandac Diosmi tucuchinga.

PROVERBIOS 26:27

Ucuta jutcuc runaca chaillapitacmi urmanga. Jatun rumita singuchicpica, paipac jahuallatatacmi shamunga.

PROVERBIOS 5:22

Diosta mana manchactaca pai mana allita ruhuashcacunallatacmi llaquichinga. Pai ruhuashca juchallatacmi tuclla shina japishpa urmachinga.

ISAÍAS 22:25

Chai punzhapimi sinchi pushtupi clavashca clavoca urmanga. Paipi huarcushcacunapish urmashpa tucuimi ñuturinga. Chaitaca Mandac Dios ñucami nini” ninmi ningui» nirca.

ABDÍAS 1:15

Tucui llactacunata yallita llaquichina punzhaca ñami chayamucun. Ima shinami shuccunata yallita llaquichircangui, chashnallatacmi cantapish llaquichinga. Chashna llaquichishcamantaca canpish llaquichishcami cana cangui.

SAN MATEO 21:44

Maijanpish cai rumipi mitcaricca polvoringami. Cai rumi maijanpac jahuapi urmashpaca, tucui ñutuchingami— nirca.

1 SAMUEL 25:39

Nabal huañushcata David yachashpaca: «¡Mandac Diosca alli nishca cachun! ¡Nabaltaca ñucata rimashpa pingaichishcamantami llaquichishca! ¡Mandac Diosmi paita servic ñuca mana allita ruhuanamantaca jarcarca! ¡Mandac Diosllatacmi, Nabal mana allita ruhuashcamantaca paillatatac llaquichirca!» nirca. Chai quipami Davidca Abigaíl huarmihuan cazarangapac rimachun cacharca.