ESTER 9:20 - Dios Rimashcata Quillcashcami

²⁰ Mardoqueoca tucui chaicunatami quillcashpa jatun mandac Asuero mandacuc tucui llactacunapi cuchullapi causac, carupi causac Judá gentecunaman cacharca.

ESTER 9:20 ပူးပေါင်းရင်းမြစ်များ

1 CRÓNICAS 16:12

Pai mancharina allicunata, sumaimanacunata, paipac shimihuan mandashpa ruhuashcatapish yuyarichic.

ESTER 1:1

Jatun mandac Asueroca India llactamanta, Etiopía llactacamanmi patsac ishcai chunga uchilla llactacunata mandacurca.

ESTER 1:22

Chashnami jatun mandacca pai tucui llactacunapi tiyac uchilla llactacunaman, pueblocunaman paicunapac quiquin quillcacunahuan quillcashca shinallatac quiquin rimaipi quillcashpa cacharca. Chai quillcapica, tucui cusaccunami cancunapac huasipica alli cazuchina canguichic. Chaitaca tucui llactacunapi causaccunapac rimaipimi huillana canguichic nishpami cacharca.

ESTER 3:12

Shina nicpimi, Amanca huata callari quilla chunga quimsa punzhapi jatun mandacpac quillcaccunata cayarca. Jatun mandac churashca sátrapas nishca mandaccunata, tucui llactapi soldadocunata mandaccunata, tucui gentecunata mandaccunata Amán mandashca shinallatacmi tucui llactapi ima shina quillcanata yachashca shinallatac tucui gentecunapac rimaipi quillcachirca. Jatun mandac Asueropac shutipi quillcashpami, jatun mandacpac sortejas-huan sellarca.

ESTER 8:9

Chaimantami Siván nishca quimsa quilla ishcai chunga quimsa punzhapi jatun mandacpac quillcaccunata cayarca. Chai quillcaccunami Judá llacta gentecunaman, soldadocunata mandaccunaman India llactamanta Etiopía llactacaman patsac ishcai chunga canchis llactacunaman quillcarca. Cada llacta ima shina quillcac shinallatacmi paicunapac rimaipi quillcarca. Judá llacta gentecunamanpish paicuna quillcac shinallatacmi paicunapac rimaipi quillcarca.

ESTER 9:19

Chaimantami uchilla llactacunapi tiyac, muyundita mana pircashca uchilla pueblocunapi causac Judá gentecunaca Adar quilla chunga chuscu punzhapi jatun micuita ruhuashpa, ladollapi causaccunaman ima charishcacunata carashpa yallita cushicuncuna.

ESTER 9:21

Chai quillcacunapica Adar quilla chunga chuscu punzhapipish, chunga pichca punzhapipish huatanta fiestata ruhuachunmi mandashpa cacharca.

ESTER 9:26

Pur nishca suerteta ruhuashcamantami chai punzhacunataca Purim nishpa shutichirca. Chashnallatac ima shina quillcashpa cachashcamanta, caicunata paicuna yachashcamanta, paicuna causacushca punzhacunapi ima tucushcata ricushcamantami,

ESTER 9:27

Judá gentecunaca chai ishcai punzhacunapica paicunaman quillcashca shinallatac paicunapac huahua huahuacunamanpish, paicunapura tandanacushcamanpish, mana cungarishpa pactachingapac, shinallatac ima punzhacunapi ruhuana cashca shinallatac huatanta ruhuangapacmi ari nircacuna.

ESTER 9:29

Abihailpac ushi jatun mandac Esterpish, Judá llactamanta Mardoqueopish Purim nishca punzhacunata mana cungarishpa yuyarichunmi cutin mandashpa cai quipa quillcata quillcarcacuna.

ÉXODO 17:14

Chaimantami Mandac Diosca Moisestaca: —Caipi ima tucushcata yuyaringapac shuc libropi quillcai. Shinallatac Josuemanca: “Amalecitacunataca tucuimi cai pachapica tucuchigrini” nishpa allita huillangui— nirca.

JEREMÍAS 29:1

Nabucodonosor Jerusalenmanta Babilonia llactaman prezu apashca pushac yuyaccunaman, curacunaman, Dios ima nishcata huillaccunaman, shuctac gentecunamanmi Dios ima nishcata huillac Jeremiasca shuc cartata quillcashpa cacharca. Chaitaca Jerusalenmantami cacharca.