ESTER 6:14 - Dios Rimashcata Quillcashcami

¹⁴ Amanhuan paicuna parlacucllapitacmi jatun mandacta servic eunuco runacunaca Ester ruhuacushca jatun micuiman Amanta utca pusharingapac chayarca.

ESTER 6:14 ပူးပေါင်းရင်းမြစ်များ

ESTER 5:14

Shina nicpimi, paipac huarmi Zerespish, paipac ricsishcacunapish Amantaca: —Sipingapac ishcai chunga ishcai metro caspita shayachichun mandai. Chai caspipi Mardoqueota sipingapac cayaca jatun mandacman huillai. Chai quipaca jatun mandac-huan chai jatun micuiman cushilla ringuillami— nircacuna. Chai yuyai alli cacpimi, Amanca chai sipina caspita shayachichun mandarca.

ESTER 5:5

Shina nicpimi, jatun mandacca: —Ester ima nishcata ruhuangapac Amanta utca cayamugrichic— nirca. Ña pushamucpimi, jatun mandacca Ester ruhuashca jatun micuiman Amanhuan rirca.

ESTER 5:8

Can jatun mandacpac ñaupapi alli ricuricpi, ñuca mañashcata ruhuasha nishpaca can jatun mandacman ñuca cutin ruhuashca jatun micuiman can jatun mandacpish, Amanpish cutin shamunguichic. Cayami can jatun mandac mandashca shinallatac huillasha— nirca.

ESTER 7:1

Jatun mandac Ester ruhuashca jatun micuimanmi jatun mandacca Amanhuan rirca.