ESTER 1:20 - Dios Rimashcata Quillcashcami

²⁰ Jatun Mandac can mandashpa quillcashcataca can mandana tucui llactapimi uyangacuna. Can mandana llacta jatun cacpipish tucui llactapimi uyaringa. Shina cacpimi, tucui huarmicunaca paicunapac cusacunata alli nishca cacpipish, yangalla nishca cacpipish cazungacuna— nirca.

ESTER 1:20 ပူးပေါင်းရင်းမြစ်များ

ESTER 1:21

Jatun mandacpac yuyaipipish, caishuc mandaccunapac yuyaipipish Memucán nishcaca allimi carca. Chaimantami jatun mandacca Memucán nishca shinallatac ruhuarca.

ESTER 2:1

Chashna ruhuashca quipami, jatun mandac Asueroca rabiata pasachishpa Vasti huarmita ima ruhuashcata, paita llaquichingapac quillcashcatapish yuyarirca.

EFESIOS 5:22

Huarmicuna, Apunchic Jesusta cazuc shina cancunapac cusacunata cazuichic.

EFESIOS 5:33

Shina cacpica quiquinllatac cuyaric shina, cancunapac huarmicunata cuyaichic. Shinallatac huarmicunapish, cancunapac cusacunata alli nishpa cazuichic.

DEUTERONOMIO 17:13

Shina ruhuacpimi, tucui israelcuna manchashpa, mana quiquin munashcata ruhuanga.

DEUTERONOMIO 21:21

Chashna huillacpimi, chai llactapi tucui causaccuna rumihuan shitashpa huañuchinga. Chashnami cancunapac chaupimanta juchata anchuchinguichic. Chaita tucui israelcuna uyashpaca manchangami.

COLOSENSES 3:18

Huarmicuna, Apunchic Jesusta cric cashcamanta cancunapac cusacunata alli cazuichic.