ESDRAS 7:26 - Dios Rimashcata Quillcashcami

²⁶ Cambac Dios mandashcata, jatun mandac ñuca mandashcata maijanpish mana cazucpica, huañuchina cacpi, llactamanta llucchishpa cachana cacpi, cullquita cobrana cacpi, mana cashpaca prezuna cacpica, chai shina llaquichishca cachun» nishpami quillcashca carca.

ESDRAS 7:26 ပူးပေါင်းရင်းမြစ်များ

2 CRÓNICAS 30:12

Shinallatac Judá llactapi causaccunapish Dios paipac poderhuan yuyaita cushcamantami, Mandac Dios mandashca shinallatac jatun mandacpish, caishuc mandaccunapish mandashcata cazurcacuna.

ESDRAS 10:4

Jatari, canmi caita ruhuana cangui. Ñucanchicca canhuanmi cashun. Shina cashcamanta sinchiyai, caitaca utca ruhuailla» nirca.

ESDRAS 10:8

Mandaccuna, pushaccuna nishca shina quimsa punzhacaman mana tandanacucpica, paipac tucui allpacunata quichuchun, shinallatac prezumanta cutimushcapura tandanacuimanta llucchishpa cachachun nishpami huillachirca.

ESDRAS 6:11

Shinallatac maijanpish ñuca mandashcata mana cazucpica, paipac huasipi tiyac viga caspita llucchishpa shayachishpa, chaipi huarcunguichic. Chashnallatac paipac huasica tigrachishcami canga nishpami mandani.

ESDRAS 6:12

Maijan jatun mandacpish, maijan gentecunapish ñuca mandashcata mana cazushpa, Jerusalenpi cac Diospac huasita urmachicpica, paipac shutita chaipi causachun saquic Diosllatac llaquichichun. Jatun mandac Darío ñucami caitaca mandani. Chaitaca utca pactachinguichic» nishpami quillcani.

SALMOS 52:5

Chaimantami Diosca cantaca causaita quichushpa huiñaipac chingachishpa, cambac huasi ucupuramanta anchuchinga. Cai pachapi causaccunapuramanta sapimanta llucchic shinami cantaca chingachinga.

DANIEL 6:26

Ñucaca tucui ñuca mandana llactacunapi causaccuna Danielpac Diospac ñaupapi manchaihuan pagui nichunmi mandani. Paica huiñaita causac Diosmi. Pai mandanaca mana tucuringachu. Huiñaita mandacungallami.

DEUTERONOMIO 27:26

Cutin: “¡Cai mandashcapi ima nishcacunata mana cazushpa, mana pactachicca, llaqui tucushca cachun!” nicpica, tucui gentecunami: “¡Chashna cachun!” ninga.