ESDRAS 7:12 - Dios Rimashcata Quillcashcami

¹² «Jatun mandaccunata mandac Artajerjesmi: Jahua pachapi causac Dios mandashcata alli yachac quillcac Esdras curataca sumac causaita charingui nini.

ESDRAS 7:12 ပူးပေါင်းရင်းမြစ်များ

1 REYES 20:1

Siria llactata jatun mandac Ben-adadca tucui paipac soldadocunata tandachishpami, quimsa chunga ishcai jatun mandaccunata paicunapac caballocunandi, carretacunandi tandachirca. Chashna tandachishpaca, Samaria puebloman huichai rishpami, chai pueblopi causaccunahuan macanacungapac muyushpa shayarirca.

1 REYES 4:24

Salomonca Eufrates yacumantaca inti tigrana tucui ladota, shinallatac Tifsa pueblomantaca Gaza pueblocaman jatun mandaccunatami mandacurca. Shina cacpimi, muyundi llactapi causaccunapish, mana macanacushpa alli causarca.

ESDRAS 1:2

Persia llactata jatun mandac Ciroca: «Jahua pachata Mandac Diosmi tucui cai pachapi tiyac llactacunata mandachunpish, shinallatac Judá llactapi cac Jerusalenpi Diospac huasita shayachichunpish mandarca.

ESDRAS 4:17

Chaimantami jatun mandac quillcashpaca: «Mandac Rehumtapish, quillcac Simsaitapish, Samaria llactapi causac caishuc cancunapac huauquicunatapish, jatun yacu chimba ladopi causaccunatapish sumac causaita charichun ninimi.

ESDRAS 7:1

Jatun mandac Artajerjes, Persia llactata mandacui punzhacunami Seraiaspac churi Esdras curaca Babilonia llactamanta chayamurca. Seraiasca Azariaspac churi, Azariasca Hilciaspac churi

ESDRAS 7:11

Esdrasca Mandac Dios mandashcata, israelcunaman mandashcacunata, pactachichun cushca shimicunata alli yachac quillcacmi carca. Jatun mandac Artajerjes Esdras curaman quillcashpaca:

ESDRAS 7:6

Esdrasca israelcunata Mandac Dios Moisesman cushca mandashcata allita yachacmi carca. Jatun mandac Artajerjesca Esdras Mandac Diospac poderhuan cacpimi, pai ima mañashcata cuc carca.

ISAÍAS 10:8

Paica: “Ñuca churashca mandaccunaca, ¿manachu tucui jatun mandaccuna?

EZEQUIEL 26:7

Mandac Dios ñucaca: Tiro llactata llaquichichunca, jahua Babilonia llactata jatun mandac Nabucodonosortami pushamusha. Paica jatun mandaccunatapish jatun mandacmi. Paimi achca caballocunahuan, carretacunahuan, caballopi ric soldadocunahuan, achca runacunahuan shamunga.

DANIEL 2:37

Jatun mandaclla, canca jatun mandaccunatapish mandacmi cangui. Chaica, jahua pacha Diosmi, llactata mandanatapish, fuerzatapish, mandangapac yuyaitapish canman curca.

DANIEL 2:47

Shinallatac jatun mandacca Danieltaca: —Cancunapac Diosca, dioscunapac Diosmi, jatun mandaccunapac Jatun Mandacmi. Pipish mana yachashcata ricuchinmi. Chaimantami pipish mana yachashcata canca huillangui— nirca.

1 TIMOTEO 6:15

Diosca pai acllashca punzha pactacpimi, Apunchic Jesucristotaca cutin cachanga. Diosca mai sumacmi. Paica tucuita Mandacmi. Jatun mandaccunapacpish Jatun Mandacpish, amocunapacpish Jatun Amomi.

APOCALIPSIS 17:14

Chaicunaca Pactalla Ovejahuanmi macanacunga. Shina cacpipish, amocunapac Amo, jatun mandaccunapac Jatun Mandac cashcamantami Pactalla Ovejaca Dios cayashpa acllashca, paita allita caticcunahuan tucushpa, paicunata mishanga» nirca.

APOCALIPSIS 19:16

Paipac churanapipish, changapipish “Amocunapac Amo, Jatun Mandaccunapac Jatun Mandac” nishca quillca apashcami carca.