ESDRAS 7:10 - Dios Rimashcata Quillcashcami

¹⁰ Esdrasca Mandac Dios mandashcata allita yachacushpa, cazushpa imata ruhuachun mandashcata pactachichun cushca shimicunata, Israel llactapi yachachinatami tucui shunguhuan munarca.

ESDRAS 7:10 ပူးပေါင်းရင်းမြစ်များ

1 CRÓNICAS 29:18

Ñucanchic ñaupa taita Abrahampac, Isaacpac, Israelpac Mandac Dioslla, cai alli yuyaicunataca can acllashcacunapac shungupi tucui munaihuan canta servichun huiñaita charingui. Canta yuyarishpa causachun paicunapac shungupi yuyachingui.

2 CRÓNICAS 12:14

Roboamca, tucui shunguhuan Mandac Diosta mana mashcana yuyaita charishcamantami mana allita ruhuarca.

2 CRÓNICAS 19:3

Shina cacpipish, Asera huarmi diosta yuyarina yuracunata anchuchishpa cambac tucui shunguhuan Mandac Diosta mashcashcamantami can alli cashcata ricushca— nirca.

2 CRÓNICAS 30:22

Ezequiasca Mandac Diosta servingapac tucui alli yuyaita charic levitacunatami paicunapac shungupi chayacta rimarca. Jatun fiesta punzhapi micungapac huañuchishca aichataca canchis punzhacamanmi micurcacuna. Dios-huan alli tucungapac animalcunata cushpa huañuchishca shinallatac paicunapac ñaupa taitacunata Mandac Diosta pagui nishpami micurcacuna.

ESDRAS 7:11

Esdrasca Mandac Dios mandashcata, israelcunaman mandashcacunata, pactachichun cushca shimicunata alli yachac quillcacmi carca. Jatun mandac Artajerjes Esdras curaman quillcashpaca:

ESDRAS 7:25

Shinallatac can Esdrasca cambac Diosmanta yachac cashca shinallatac, jatun yacu chimba ladopi causaccunata, Dios mandashcata tucui yachaccunata mandachun juezcunata, mandaccunata churangui. Chai mandashcacunata maijan mana yachacpica yachachingui.

ESDRAS 7:6

Esdrasca israelcunata Mandac Dios Moisesman cushca mandashcata allita yachacmi carca. Jatun mandac Artajerjesca Esdras Mandac Diospac poderhuan cacpimi, pai ima mañashcata cuc carca.

JOB 11:13

Cambac shungupi allichirishpaca cambac maquita paipacman chutai pudinguimi.

SALMOS 1:2

Chaipac randica Mandac Dios mandashcata pactachishpami cushicun. Pai mandashcapimi tutapish, punzhapish yuyaricunlla.

SALMOS 10:17

Mandac Dioslla, yangalla runacuna mañashcataca uyashcanguimi. Paicuna mañashcata uyashpami, paicunapac shungutapish cushichingui.

SALMOS 119:112

Can mandashcacunata huañungacaman punzhanta ñuca shungupica pactachina yuyaillami cani.

SALMOS 119:45

Can mandashcacunata tucui yuyaihuan mashcashcamantaca, pi mana llaquichishcami purisha.

SALMOS 19:7

Mandac Dios mandashcacunaca cashcata ruhuac cashpami almatapish mushucyachin. Mandac Dios yachachishca shimicunaca imatapish pactachic cashpami, yanga runacunatapish allita yachachin.

SALMOS 57:7

Dioslla, ñuca shunguca canta alabana yuyaillami. Shungupica chai yuyaillami cani. Salmocunahuanmi cantasha nini.

MALAQUÍAS 2:7

Paicunaca tucuita Mandac Diospac huillaccunami. Chaimantami paicunaca allillata huillancuna. Chashna huillacpimi, gentecunaca mandashcamanta yachanata munanga.

SAN MATEO 5:19

Maijanpish cai mandashcacunamanta uchilla mandashcata mana cazushpa, gentecunaman yachachicca, jahua pacha Dios mandacucpica uchilla nishcami canga. Maijanpish cai mandashcacunata cazushpa shuccunamanpish yachachicca, jahua pacha Dios mandacucpica, alli nishcami canga.

SAN MATEO 7:24

Maijanpish cai nishcata uyashpa cazucca, shuc alli yuyaiyuc, sinchi rumi allpapi huasichic runa shinami.

SAN JUAN 13:17

Caicunata entendishpa, chaitatac ruhuashpaca, mai cushicuimi canguichic.

HECHOS 1:1

Cuyashca Teófilo, punta quillcashcapimi Jesús imacunata ruhuashcatapish, yachachishcatapish callarimanta pacha quillcashpa cacharcani.

DEUTERONOMIO 16:12

Egiptopi servic cashcataca yuyaringuichic. Chaimanta cai mandashcacunata yuyarashpa cazunguichic.

DEUTERONOMIO 33:10

Paicunami Jacobomanca mandanata allita yachachinga. Israelcunaman mandashcacunatapish yachachingami. Inciensotapish, tucui rupachinatapish, cambac altar ñaupapimi churanga.

1 TIMOTEO 3:2

Ashtahuanpish tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, alli nishca, huasiman chayaccunatapish alli chasquic, yachachinatapish alli yachachic,

2 TIMOTEO 4:2

Alli huillaitaca uyasha nicpi, mana uyasha nicpimi huillacuilla. Mana piñarishpa, rimacuilla, alli yachachicuilla, cunacuilla.

TITO 2:1

Can yachachicushpaca, Diosmanta allitac yachachishca shinallatac yachachingui.

TITO 2:15

Cai ñuca nishcacunataca poderhuan yachachingui, cunangui, shinallatac mana allita ruhuaccunataca sinchita rimangui. Ama pi canta mana alli nishpa rimachun saquinguichu.

APOCALIPSIS 22:14

Maijanpish causaita cuc yuramanta micungapacpish, chai puebloman punguta yaicungapacpish churanata tacshariccunamanca, ¡mai cushicuimi canga!

1 SAMUEL 7:3

Chaimantami Samuelca israelcunataca: —Mandac Diosman tucui shunguhuan cutirishpaca ruhuashcalla shuctac dioscunata, Astarot huarmi diostapish cancunamanta anchuchinguichic. Chai quipaca shungumanta allichirishpa Mandac Diosllatac servishpa causanguichic. Chashna causacpimi, filisteocunapac maquimantaca cacharichinga— nirca.