ESDRAS 5:5 - Dios Rimashcata Quillcashcami

⁵ Ashtahuanpish Diosllatac Judá llacta pushaccunata cuidacucpimi, Persia llactata jatun mandac Darioman huillacpi, pai imatapish quillcangacaman mana jarcai pudircacuna.

ESDRAS 5:5 ပူးပေါင်းရင်းမြစ်များ

2 CRÓNICAS 16:9

Mandac Diosca alli shunguhuan allita ruhuashpa, paita cazuccunaman tucui imatapish ruhuashpa ayudangapacmi tucui cai pachata ricucun. Canca mana yuyaita charic shinami ruhuashcangui. Chashna ruhuashcamantaca cunanmanta pachami ashtahuan canhuan macanacungapac shamungacuna» nirca.

ESDRAS 7:28

Shina alli yuyaita cucpimi, jatun mandacpish, paita cunaccunapish, paita servic sinchi mandaccunapish yallita ayudarca. Mandac Dios ñucahuan cacpimi, sinchiyashpa israelcunata mandaccunatapish Jerusalenman ñucahuan cutimuchun tandachircani.

ESDRAS 7:6

Esdrasca israelcunata Mandac Dios Moisesman cushca mandashcata allita yachacmi carca. Jatun mandac Artajerjesca Esdras Mandac Diospac poderhuan cacpimi, pai ima mañashcata cuc carca.

ESDRAS 8:22

Utcapi ñucanchicca jatun mandactaca: «Ñucanchic Diosca paita tucui shunguhuan caticcunataca imamantapish cuidanmi. Ashtahuanpish paimanta caruyaccunataca yallita piñashpa, paipac poderhuan llaquichinmi» nircanchic. Chaimantami ñucanchicta ñanpi cuidachun soldadocunata, caballopi ric soldadocunata jatun mandacman mañanataca pinganayarca.

SALMOS 32:8

Canmi: «Allita entendichishpa yachachishpa can purina ñanta ricuchisha. Ñuca ñahuihuanmi cantaca ricurasha.

SALMOS 33:18

Ashtahuanpish Mandac Diospac ñahuica paita manchaccunata, pai llaquichun nishpa shuyacuccunatami ricucun.

SALMOS 34:15

Mandac Diosca cashcata ruhuaccunataca paipac ñahuihuanmi ricuracun. Paicuna caparishpa mañashcatapish uyaracunmi.

SALMOS 76:10

Gentecuna piñaricpica, canca alli nishcami cangui. Piñashpa llaquichishcamanta saquirishcacunataca canmi tucuchingui.

FILIPENSES 1:28

Cancunata piñaccunataca ama manchanguichicchu. Cancuna mana manchashpa huillashpaca, paicunaca chingarinalla cashcata, shinallatac cancunaca quishpirishca cashcatami ricuchinguichic. Tucui chaica Diosmantami.

1 PEDRO 3:12

Mandac Diosca cashcata ruhuaccunataca cuidanmi, shinallatac mañashcata uyangapacpish shuyaracunmi. Ashtahuanpish mana allita ruhuaccunataca piñanmi» ninmi.