ESDRAS 5:12 - Dios Rimashcata Quillcashcami

¹² Ashtahuanpish ñucanchic ñaupa taitacuna jahua pachapi causac Diosta yallita piñachishcamantami paica Babilonia llactata jatun mandac caldeocunapuramanta Nabuconodosorpac maquipi churashca. Shina churacpimi, cai huasitaca tucui urmachishpa, gentecunataca Babilonia llactaman prezu apashca.

ESDRAS 5:12 ပူးပေါင်းရင်းမြစ်များ

2 REYES 24:2

Ashtahuanpish Mandac Diosca Joacimhuan macanacuchunmi caldeocunapac, siriocunapac, moabitacunapac, amonitacunapac soldadocunata cacharca. Mandac Diosca pai ima nishcata huillac, paita serviccunaman huillashca shinallatacmi Judá llactapi causaccunata tucuchichun cacharca.

2 REYES 25:1

Sedequías Judá llactata iscun huata chunga quilla chunga punzhata mandacucpimi, jatun mandac Nabucodonosorca paipac tucui soldadocunahuan Jerusalenman shamurca. Chashna shamushpaca, tucui pueblo muyunditami torrecunata macanacungapac shayachirca.

2 CRÓNICAS 36:20

Espadahuan huañuchinamanta miticushpa saquirishcacunataca Babiloniamanmi prezu aparca. Paicunaca Persia llactata jatun mandac tiyangacamanmi Nabucodonosortapish, paipac churicunatapish servishpa causarca.

SALMOS 106:40

Chaimantami Mandac Diosca pai acllashcacunahuan yallita piñarirca. Paipacllatac charicushpapish millanayachircami.

ISAÍAS 47:6

Ñuca acllashcacunahuan piñarishpami ñuca acllashca llactataca cambac maquipi churarcani. Chashna churacpica, mana llaquishpami yuyac runatapish llashac yugota apachic shina llaquichircangui.

JEREMÍAS 5:29

Chaimantaca, ¿manachu llaquichina cani? Chashna millaita ruhuac llactataca, ¿manachu paicuna mana allita ruhuashca shinallatac llaquichina cani?

JEREMÍAS 51:59

Judá llactata jatun mandac Sedequias-huan Babilonia llactaman ricucpimi, Dios ima nishcata huillac Jeremiasca Neriaspac churi, Maasiaspac nieto Seraiasman shuc quillcata mingashpa cacharca. Sedequiasca ñami chuscu huatata mandacurca. Seraiasca Sedequiaspac sueñuna ucuta allichicmi carca.

JEREMÍAS 52:12

Jatun mandac Nabucodonosorca Babilonia llactata chunga iscun huata, pichca quilla, chunga punzhata mandacushpami paipac ñaupapi servishpa causac soldadocunapac mandac Nabuzaradanhuan Jerusalenman rirca.

DANIEL 9:5

Ñucanchicca juchallishcanchicmi, millaita ruhuashcanchicmi, canta mana cazushpa cariyashcanchicmi. Mandashcacunatapish, mandashpa quillcashcacunatapish saquishcanchicmi.

DEUTERONOMIO 31:17

Chaimantami chai punzhapica paicunahuanca nina japiric shina piñarisha. Paicunata saquishpa, mana tigra ricucpimi tucuringa. Paicunataca achca llaquicuna, manchaicunami japinga. Chai llaquicunahuan cashpami: “¿Manachu chai llaquicunaca ñucanchic Dios mana ñucanchic-huan cacpi japicunga?” ninga.

DEUTERONOMIO 32:30

Jatun Rumi shina Diosllatac mana mishachishca cacpica, ¿ima shinatac shuclla runa huaranga genteta callpachinga? ¿Ima shinatac ishcailla runa chunga huaranga genteta catishpa cachanga?

JUECES 2:14

Chaimantami Mandac Diosca nina japiric shina piñarishpa israelcunataca imatapish shuhuashpa puriccunapac maquipi churarca. Shinallatac chai muyundipi causac paicunata piñac gentecunapac maquipi churacpimi, israelcunaca paicunataca mana ati pudirca.

JUECES 4:2

Chaimantami Mandac Diosca Canaán llactata jatun mandac Jabinpac maquipi churarca. Paica Hazor pueblopimi mandacurca. Paipac macanacuc runacunata mandacca Sisarami carca. Paica Haroset-goim pueblopimi causarca.

JUECES 6:1

Israelcuna Mandac Diosta mana allita ruhuashpa piñachishcamantami Mandac Diosca madianitacunapac maquipi canchis huatata churarca.