ESDRAS 4:24 - Dios Rimashcata Quillcashcami

²⁴ Chaimantami Diospac huasita Jerusalenpi shayachinaca jarcarirca. Persia llactata jatun mandac Darío ishcai huatata mandangacamanmi chaipi saquirirca.

ESDRAS 4:24 ပူးပေါင်းရင်းမြစ်များ

ESDRAS 3:8

Jerusalenpi causac Diospac huasiman cutimushca ishcai huata callari ishcai quilla tucucpimi, Salatielpac churi Zorobabelpish, Josadacpac churi Jesuapish, caishuc huauquicunapish, curacunapish, levitacunapish, tucui prezu cashcamanta Jerusalenman cutimushcacunapish Mandac Diospac huasita shayachi callarircacuna. Diospac huasita shayachiccunata pushachunca ishcai chunga huata yallita charic levitacunatami churarca.

ESDRAS 4:23

Jatun mandac Artajerjes cachashca quillcataca Rehumpac, quillcac Simsaipac, paicunapac huauquicunapac ñaupapimi rezarca. Chaita uyashpami, paicunaca Jerusalenpi causac Judá llactamanta runacuna huasichicushcaman rishpa, sinchita llaquichishpa jarcarca.

ESDRAS 4:5

Chashna ruhuashca jahuapish huasita tucuchingapac yuyarishcata saquichunmi yuyaita cushpa ayudaccunaman pacalla cullquita curca. Chashnami Persia llactata jatun mandac Ciro mandacui tucui huatacunapi Persia llactata jatun mandac Darío mandai callaringacaman chashna ruhuarca.

ESDRAS 5:1

Hageohuan, Iddopac churi Zacarias-huanmi Dios ima nishcataca Judá llactapi, Jerusalenpi causaccunaman israelcunapac Diospac shutipi huillarca. Diosca paicunahuanmi carca.

ESDRAS 5:5

Ashtahuanpish Diosllatac Judá llacta pushaccunata cuidacucpimi, Persia llactata jatun mandac Darioman huillacpi, pai imatapish quillcangacaman mana jarcai pudircacuna.

ESDRAS 6:1

Shina nicpimi, jatun mandac Darioca quillcacunata huacaichina huasipi mashcachun mandarca. Shina mandacpimi, Babilonia llactapi cac huasipi imapish yalli valishcacunata huacaichinapi mashcarca.

ESDRAS 6:14

Cutin Judá llactapi causaccunata mandaccunaca Dios ima nishcata huillac Hageopish, Iddopac churi Zacariaspish, huillashca shinallatacmi chai huasita shayachishpa, tucui alli ruhuarcacuna. Chashnami israelcunapac Dios, shinallatac Persia llactata jatun mandac Ciro, Darío, Persia Artajerjes mandashca shinallatac chai huasita shayachirca.

ESDRAS 6:15

Chai huasica jatun mandac Darío sucta huatata mandacucpi, Adar quilla quimsa punzhapimi tucurirca.

NEHEMÍAS 6:3

Chaimantami ñucapish huillaccunata cachashpaca: «Ñucaca shuc jatun trabajotami ruhuacuni. Ñuca caita saquishpa cancunapacman ricpica, chai ruhuacushcaca chaipimi saquiringa. Chaimanta mana ri pudinichu» nichun cacharcani.

NEHEMÍAS 6:9

Tucui paicunami ñucanchicta manchachingapacca: «Chai jatun pircata ruhuacushpapish paicunapac maqui shaicucpica, mana tucuchingacunachu» nircacuna. Chaimantami ñucaca: «¡Dioslla, ñuca maquita sinchiyachiyari!» nishpa mañarcani.

JOB 20:5

Mana allita ruhuaccunapac cushicuica utcami tucurin, Diosta mana manchac runapac cushicuipish ashacamallami can.

DANIEL 11:2

Cunanca, ñucaca chashnatac cashcatami huillagrini. Persia llactapica ashtahuan quimsa jatun mandaccuna mandangaracmi. Cutin chuscuniqui jatun mandacca paicunata yalli chayucmi canga. Paica chashna chayuc cashcamanta sinchi cashpami, Grecia llactata jatun mandac-huan macanacungapac tucuita jatarichinga.

DANIEL 9:25

Shinallatac caitapish allita uyashpa entendiyari. Chaica Jerusalenta allichichun mandashca punzhamanta Dios cachashca Quishpichic shamungacamanca canchis semana, canchis chunga ishcai semanami tucunga. Canzha pambatapish, llacta muyundi pircacunatapish llaqui punzhacunapimi allichinga.

HAGEO 1:1

Jatun mandac Darío ishcai huata, sucta quilla, shuc punzhata mandacucpimi, Mandac Diosca pai ima nishcata huillac Hageota Salatielpac churi Judá llactata mandac Zorobabelman, Josadacpac churi curacunata mandac Josueman huillachirca. Chashna huillachishpaca:

HAGEO 1:15

Chaitaca jatun mandac Darío ishcai huata, sucta quilla, ishcai chunga chuscu punzhata mandacucpimi, allichic callarirca.

HAGEO 2:15

Chaimanta cunan punzhamanta pacha, Mandac Diospac huasita manarac pircai callarishpa cancunapac shungupi allita yuyarichic.

HAGEO 2:18

Cunan punzhamanta pacha cancunapac shungupica allita yuyarichic. Cai iscun quilla, ishcai chunga chuscu punzhapi Mandac Dios ñucapac huasita ruhuashpa, rumicunata churai callarishca punzhamanta pacha cancunapac shungupi allita yuyarichic.

ZACARÍAS 1:1

Jatun mandac Darío Persia llactata ishcai huata, pusac quillata mandacucpi, Mandac Dios Berequiaspac churi, Iddopac nieto Zacariasman huillashpaca:

1 TESALONICENSES 2:18

Ricuc shamushun nishpapish mana pudircanchicchu. Ñucaca tauca cutinmi ricuc shamusha nircani. Shina cacpipish Satanasca jarcarcami.