ESDRAS 4:20 - Dios Rimashcata Quillcashcami

²⁰ Jerusalenpi sinchi jatun mandac tiyashcata, chai mandac jatun yacu chimba ladopi tiyac tucui llactacunata manchachic cashcata tarishca. Chai llactapi causaccunaca tributotapish, impuestotapish, imamanta cuna cashcatapish cushpa causashcatami tarishca.

ESDRAS 4:20 ပူးပေါင်းရင်းမြစ်များ

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

1 REYES 4:21

Salomonca Eufrates yacu lado llactacunamantaca filisteocunapac llacta ladocaman, chaimantaca Egipto linderocamanmi mandarca. Tucui chai llactapi causaccunami Salomón huañungacaman imatapish cuna cashcata cushpa, paita servishpa causarca.

1 REYES 4:24

Salomonca Eufrates yacumantaca inti tigrana tucui ladota, shinallatac Tifsa pueblomantaca Gaza pueblocaman jatun mandaccunatami mandacurca. Shina cacpimi, muyundi llactapi causaccunapish, mana macanacushpa alli causarca.

1 REYES 5:1

Tiro pueblota jatun mandac Hiramca Davidhuanca tucui causaipimi, apanacuc carca. Chaimantami Salomonta paipac taita Davidpac randi jatun mandac cachun aceitehuan cahuishcata yachashpaca, paita serviccunata cacharca.

1 REYES 5:4

Cunanca, ñucata Mandac Diosmi muyundi llactacunapi mana piñanacushpa, alli causachun churashca. Chaimantami yarcaipish, huañuipish mana tiyanga.

1 CRÓNICAS 18:13

Shina mishashpami, Edom llactapica cuidac soldadocunata churarca. Tucui edomitacunami Davidta servic tucurca. David maiman ricpipish Mandac Diosmi macanacuita mishachirca.

1 CRÓNICAS 18:3

Shinallatac Davidca Soba llactata jatun mandac Hadad-ezertapish Hamat pueblopimi misharca. Chai mandacca Eufrates jatun yacu ladocamanmi mandagricurca.

1 CRÓNICAS 18:6

Chai quipami Davidca, Damasco pueblopi cac Siria llactapi cuidac soldadocunata churarca. Chashnami siriocunaca Davidta servishpa, impuestota cushpa causarca. David maiman ricpipish, Mandac Diosmi macanacuitaca mishachirca.

1 CRÓNICAS 19:19

Hadad-ezerta ayudaccunaca israelcuna paicunata mishacta ricushpami, Davidhuan cushilla causangapac parlanacurca. Shinami Davidta servishpa causarca. Cutin siriocunaca amonitacunataca mana ashtahuan ayudanata munarcachu.

2 CRÓNICAS 17:11

Maijan filisteocunaca tucui caranacunata, impuestota, cullquitami Josafatman apamurca. Arabecunapish canchis huaranga canchis patsac maltón ovejacunata, canchis huaranga canchis patsac cari chivocunatami apamurca.

2 CRÓNICAS 9:14

Randishpa, catushpa puriccuna impuestota cushcacarin mana yupashcachu carca. Arabia llactata jatun mandaccuna, pai mandacuc llactapi churashca mandaccunaca tucuimi curita, cullquita Salomonman apamuccuna carca.

ESDRAS 4:13

Shinallatac can jatun mandacmanca caitapish huillanchicmi: Cai pueblota cutin allichishpa, muyundi pircacunatapish cutin shayachishpaca, tributotapish, impuestotapish, ima shucta cuna cashcatapish mana ashtahuan cungacunachu. Shina mana cucpica, jatun mandacpac huasipica cullquica illai callaringami.

ESDRAS 4:16

Jatun mandaclla, cai pueblota cutin allichicpi, muyundi pircata cutin shayachicpica, jatun yacu lado llactacunaca mana ashtahuan cambacchu canga» nishpami quillcashca carca.

ESDRAS 4:19

Shinallatac ñuca mandacpimi, mashcashpa chai pueblopi causaccunaca ñaupa huatacunamanta pacha jatun mandacta mana cazuc cashcata, tandanacushpa jatun mandacpac contra shayarishcata,

ESDRAS 4:21

Cunanca, ñuca quipata yuyarishpa mandangacaman chai pueblota allichinata shinallatac chai runacuna imata ruhuanata saquichun mandaichic.

ESDRAS 7:24

Caitapish yachanami canguichic: Curacunata, levitacunata, mandaccunata, cantaccunata, pungupi cuidaccunata, Diospac huasipi serviccunata, chaipi imata ruhuaccunataca tributota, impuestota, imamanta cunacunatapish, ama mañanguichicchu.

SALMOS 72:8

Paica shuc lado mama cuchamantaca caishuc ladocaman, jatun yacumantaca cai pacha tucuricamanmi mandanga.

LAMENTACIONES 1:1

¡Achca gentecuna causana Jerusalenca shitashcami saquirishca! Tucui llactamanta yalli jatun llactaca viuda huarmi shinami saquirishca. Sumac soltera shina llactaca impuestota pagacmi tucushca.

EZEQUIEL 19:11

Chai ramaca jatun mandaccunapac varacunapacmi alli carca. Chai yura yalli jatunta huiñashpami, achca ramacunahuan tucushpa, puyucaman chayashpa, ricunalla carca.

SAN MATEO 9:9

Chaimanta Jesús rishpaca, Mateotami Roma llactaman mizapi impuestota japishpa, tiyacucta ricurca. Chaimantami paitaca: —Ñucata cati— nirca. Chashna nicpimi, Mateoca jatarishpa catishpa rirca.