EFESIOS 6:17 - Dios Rimashcata Quillcashcami

¹⁷ Umata jarcachun cascota umapi churarishca shina, quishpirishca cashcataca yuyaichic. Shinallatac Diospac Espíritu cushca Dios rimashca shimitaca espadata shinata charichic.

Nuevo Testamento en Quichua Cañar 1996

¹⁷ Umata jarcachun cascota umapi churarishca shina, quishpirishca cashcataca yuyaichic. Shinallatac Diospac Espíritu cushca Dios rimashca shimitaca espadata shinata charichic.

EFESIOS 6:17 ပူးပေါင်းရင်းမြစ်များ

2 SAMUEL 22:36

Quishpirina escudotami ñucaman curcangui. Cambac cuyaihuanmi ñucata jatunyachishcangui.

ISAÍAS 49:2

Ñuca rimashcataca filosapa espadata shinami ruhuarca. Paipac maquihuanmi ñucataca llandurca. Ñucataca puntasapa flechata shina ruhuashpami, flechata huacaichinapi huacaichirca.

ISAÍAS 59:17

Cashcata ruhuanataca fierro churanata shina, quishpirinataca cascota shinami, umapi churarirca. Paita mana cazushca shinallatac llaquichinataca churanata churaric shinami churarirca. Yallita cuyaihuanmi jahualla churaric shina taparirca.

OSEAS 6:5

Chaimantami ñuca ima nishcata huillaccunata cachashpa, cancunataca chingachircani. Ñuca rimashcahuanmi huañuchircani. Ñuca cashcata ruhuashcaca luz shinami canga.

ZACARÍAS 4:6

Shina nicpimi paica: «Tucuita Mandac Diosca Zorobabeltaca: “Caitaca mana soldadocunahuan, mana sinchi cashcahuanchu mishangui. Ashtahuanpish ñuca Espirituhuanmi mishangui.

SAN MATEO 4:4

Chashna nicpimi Jesusca: —Dios quillcachishcapica: “Gentecunaca mana tandallahuanchu causanga, ashtahuanpish Dios rimashcahuanmi causanga” ninmi— nirca.

SAN MATEO 4:7

Chashna nicpimi Jesusca: —Dios quillcachishcapica: “Canta Mandac Diosta ama pandachisha nichun” ninmi— nirca.

EFESIOS 5:26

Diospaclla tucushpa causachunmi Cristoca tandanacushca criccunataca yacuhuanpish, pai rimashca shimihuanpish chuyayachirca.

1 TESALONICENSES 5:8

Ashtahuanpish ñucanchicca punzhapac cashcamantaca, alli yuyaihuanmi catina canchic. Fierro churanata churaric shinaca, Apunchic Jesusta crishpa, cuyaihuan causanami canchic. Umapi fierro cascota churaric shinaca, quishpirina yuyaihuanmi shuyana canchic.

HEBREOS 4:12

Dios rimashca shimica causacmi. Tucui imatapish ruhuacmi. Ishcai filoyuc espadatapish yallimi. Chaimantami almatapish, espiritutapish, mucucunatapish, tullu ñutcutapish chaupishpa, yaicui pudin. Shinallatac shungu imata munashcatapish, yuyashcatapish yachanmi.

HEBREOS 6:5

Diospac sumac rimashcatapish, shamuc punzhapi Dios imata ruhuana cashcatapish yachac chayashca jahua,

APOCALIPSIS 1:16

Paipac alli maquipica canchis lucerocunatami charicurca. Paipac shimimantaca ishcai filoyuc puntasapa espadami llucshicurca. Shinallatac paipac ñahuica inti tucuita achicyachicuc shinami carca.

APOCALIPSIS 12:11

Paicunaca Pactalla Oveja huañushpa yahuarta jichashcamanta, alli huillaita huillashcamantami chai llaquichictaca mishashca. Huañuna cacpipish, mana mancharcacunachu.

APOCALIPSIS 19:15

Cai pachapi causaccunata llaquichingapacmi, paipac shimimantaca puntasapa espada llucshicurca. Fierro varahuanmi paica mandanga. Tucui poderta charic Diosca munai piñarishcamantami, uvasta chaquihuan sarushpa llapishpa, vinota ubiachic shina llaquichinga.

APOCALIPSIS 2:16

Shina cashcamanta Diosman llaquirishpa cutiri. Chaita can mana ruhuacpica, utca cambacman shamushpami, ñuca shimimanta llucshicuc espadahuan chaicunahuanca macanacusha.

1 SAMUEL 17:5

Paipac umapica bronce cascota churarishca, paipac cuerpopipish broncellamantatac ruhuashca churanata churarishcami carca. Chai churanaca pichca chunga canchis kilotami llasharca.

1 SAMUEL 17:58

Chaipimi Saulca: —¿Canca pipac churitac cangui?— nishpa tapurca. Shina tapucpi Davidca: —Ñucaca Belén pueblomanta canta servic Isaipac churimi cani— nirca.