EFESIOS 6:1 - Dios Rimashcata Quillcashcami

¹ Huahuacuna, Apunchic Jesuspac cashcamanta cancunapac taita mamata cazuichic. Chaimi alli.

Nuevo Testamento en Quichua Cañar 1996

¹ Huahuacuna, Apunchic Jesusta c'uyashcamanta cancunapac taita mamata cazuichic. Chaimi alli.

EFESIOS 6:1 ပူးပေါင်းရင်းမြစ်များ

GÉNESIS 28:7

Jacobo paipac taita mamata cazushpa, Padan-aramman rishcatapish yacharcami.

GÉNESIS 37:13

Taita Israelca Josetaca: —Cambac huauquicunaca Siquem ladopimi ovejacunata michicun. Shamui, paicunata ricugringui— nirca. Shina nicpimi paica: —Caipimi cani— nirca.

GÉNESIS 48:12

Joseca ishcai churicunata taitapac changamanta anchuchishpami, pambacaman cumurirca.

GÉNESIS 50:12

Jacobopac churicunaca paipac taita imata nishca shinallatacmi ruhuarca.

NEHEMÍAS 9:13

Sinaí urcuman shamushpami, jahua pachamanta rimarcangui. Chaipimi cashcata nic yachachishcacunatapish, mana llullac mandashcacunatapish, allita pactachinacunatapish, mandashcacunatapish curcangui.

ESTER 2:20

Esterca Mardoqueo mandashca shinallatacmi maimanta cashcatapish, maijan familiamanta cashcatapish mana huillarca. Esterca Mardoqueo alli yachachishca cashpami pai nishca shinallatac ruhuarca.

JOB 33:27

Runaca tucuipac ñaupapi cantashpaca: “Ñucaca juchatami ruhuashcani, allita ruhuanapac randica mana allitami ruhuashcani. Shina cacpipish, ñuca japina cashcataca mana japishcanichu” ninmanmi.

SALMOS 119:128

Chaimantami tucui can mandashcacunataca huacaichircani. Llulla causaitaca piñanimi.

SALMOS 119:75

Mandac Dioslla, can cashcata ruhuashpa taripac cashcataca ricsinimi. Shinallatac ñucataca llaquichina cacpitacmi llaquichishcangui.

SALMOS 19:8

Mandac Dios mandashcacunaca cashcata ruhuac cashpami shungutapish cushichin. Mandac Dios yachachishca mandashcacunaca chuya cashpami ñahuitapish pascan.

PROVERBIOS 1:8

«Ñuca huahualla, alli causachun cambac taita rimashcataca alli uyangui. Alli causachun cambac mama yachachishcataca ama cungaringuichu.

PROVERBIOS 23:22

Cambac quiquin taitataca cazungui. Cambac mama yuyacyacpica ama millanguichu.

PROVERBIOS 30:11

Maijan huahua huahuacunaca paicunapac taitata maldiciashpa, paicunapac mamata mana bendicianchu.

PROVERBIOS 30:17

Taitata burlashpa asic churica mama yachachishcatapish yangapimi churan. Chai churipac ñahuitaca yacu huaicupi causac angacuna surcuchun. Jatun angapac huahuacuna micuchun.

PROVERBIOS 6:20

Ñuca huahualla, cambac taita mandashcata pactachingui. Cambac mama yachachishcata ama cungaringuichu.

JEREMÍAS 35:14

Recabpac churi Jonadab vinota ama ubiachun nicpica, allimi pactachincuna. Paicunapac ñaupa taita mandashcata cazushpami, vinota cunan punzhacaman mana ubiancuna. Shina cashpapish, ñuca cancunata punzhanta rimacucpipish manatac cazunguichicchu.

JEREMÍAS 35:18

Shina cacpimi, Jeremiasca Recabpac huahua huahuacunataca: «Israelcunapac tucuita Mandac Diosca: “Cancunaca, cancunapac taita Jonadab mandashcataca tucuimi cazushcanguichic. Chashnami tucui pai mandashca shinallatac causashcanguichic.

JEREMÍAS 35:8

Recabpac churi ñucanchic ñaupa taita Jonadab mandashcatami cazunchic. Pai mandashca shinallatacmi ñucanchic huarmicunapish, ñucanchic churicunapish, ushicunapish vinotaca mana ubianchic.

OSEAS 14:9

Cai huillashcacunata alli yachangapacca, ¿pitac alli yachac canguichicyari? Caicunata entendingapacca, ¿pitac alli yuyaita charinguichicyari? Mandac Diospac ñancunaca alli ñancunami. Chai ñancunataca cashcata ruhuaccunallami puringa. Ashtahuanpish mana cazuccunaca chaillapitacmi mitcaringa.

LEVÍTICO 19:3

Cancunapac taita mamata cazunguichic. Samana punzhatapish huacaichinguichic. Ñucami cancunata Mandac Diosca cani.

SAN LUCAS 2:51

Jesusca taita mamahuanmi Nazaret puebloman cutimushpa, paicunata alli cazushpa causarca. Paipac mamaca tucui chaicunacata shungupi huacaichishpami causacurca.

ROMANOS 12:2

Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

ROMANOS 16:2

Paica ñucatapish, shuccunatapish ayudacmi carca. Chaimanta criccunapura ima shina chasquic shina, Apunchic Jesuspac shutipi chasquishpa, pai ima minishtishcata cushpa ayudanguichic.

ROMANOS 7:12

Shinaca, mandashcacunaca Dios cushcami. Mandashcacunaca allimi, cashcata nicmi, Dios cachashcami.

1 CORINTIOS 15:58

Chaimanta cuyashca criccuna, pi ama urmachichun, Apunchic Jesusta tucui shunguhuan crishpa catiraichic. Apunchic Jesuspac ruhuaitaca punzhanta ruhuacuichiclla. Apunchic Jesus-huan cancuna imata ruhuashcaca mana yangachu canga.

DEUTERONOMIO 21:18

Shuc runa mana cazuc, sinchi shungu, taita mamatapish mana cazuc, paicuna mashnata macacpipish, mana uyacpica,

1 TIMOTEO 5:4

Ashtahuanpish maijan viuda huahuacunata, nietocunata charicpica, paicunarac ima shina taita mama huiñachishcata yuyarishpa, mamata ayudachun yachachingui. Chaimi alli, shinallatac Diostapish cushichinmi.

1 PEDRO 2:13

Apunchic Jesucristomanta cai pacha tucui mandaccunatapish cazuichic. Llactacunata jatun mandactapish tucuita yalli jatun mandac cashcamanta,

RUT 3:5

Shina nicpimi Rutca: —Can nishca shina tucuita ruhuashallami— nirca.

1 SAMUEL 17:20

Davidca tutamanta utca jatarishpami ovejacunata cuidachunca shucta saquishpa, paipac taita saquimugrichun nishcacunata apashpa rirca. Pai ña chayacpica, tucui soldadocunami macanacungapac caparishpa llucshicurca.