EFESIOS 5:4 - Dios Rimashcata Quillcashcami

⁴ Pinganayaipac, millai shimicunatapish, asichic mapa parlocunatapish ama rimarichicchu. Chaicunata rimarinapac randica, Diosta mañashpa pagui ninami alli.

Nuevo Testamento en Quichua Cañar 1996

⁴ Pinganayaipac shimicunatapish, mapa yangalla pandachic shimicunatapish ama rimarichicchu. Chaicunata rimarinapac randica, Diosman mañashpa pagui ninami alli.

EFESIOS 5:4 ပူးပေါင်းရင်းမြစ်များ

SALMOS 33:1

Cashcata ruhuaccuna Mandac Diosmanta cushicuichicyari. Mana pandaric runacunamanca paita alabanaca mai sumacmi.

SALMOS 92:1

Mandac Diosta jatunyachishpa cantanaca mai sumacmi. Jahua pachapi causac Dioslla, canta salmocunahuan cantana sumacmari.

PROVERBIOS 12:23

Alli yuyaiyuc runaca pai yachacushcataca shungupimi huacaichin. Ashtahuanpish yuyai illac runaca yuyai illac cashcatami ricuchin.

PROVERBIOS 15:2

Yuyaisapacunapac rimashcaca alli yachaicunatami riman. Ashtahuanpish yuyai illac runaca manapish canatami rimarin.

PROVERBIOS 26:19

paihuan apanacucta imatapish nishpa pandachin. Chai quipaca: «¡Asingapacllami chashna ruhuarcani!» ninmi.

ECLESIASTÉS 10:13

Pai rimari callarishpaca mana entendipactami rimarin. Tucuchinamanca yalli mana allicunata rimashpami tucuchin.

DANIEL 6:10

Danielca chai mandashpa quillcashcapi jatun mandacpac shutita churashcata yachashpami paipac huasiman rishpa, Jerusalén ladoman ventanata pascashpa utcapi ima shina mañac cashca shinallatac cada punzha quimsa cutin paipac Diosta pagui nishpa mañarca.

MARCOS 7:22

shuhuancuna, charicyanata munancuna, pitapish llaquichincuna, umancuna, mana pingancuna, envidiancuna, llullancuna, jatun tucuncuna, yuyai illac tucuncuna.

SAN JUAN 6:23

Chaimanmi Tiberias pueblomanta canoacuna shamushpa chai yacu patapi shayarirca. Chaipimi Jesusca Diosta pagui nishpa, tandata carashca carca.

ROMANOS 1:28

Diosca, paimanta yachanata mana munacpimi, manapish caipaccunata ruhuachun, paicunapac yuyaipi millai junda cachun saquirca.

2 CORINTIOS 1:11

Cancuna Diosta mañashpa ayudacpimi, ñucanchictaca huacaichishpa catinga. Achcacuna ñucanchicmanta mañacpica, achcacunami Dios allicunata ñucanchicman cushcamantaca paita alli ningacuna.

2 CORINTIOS 9:15

¡Ima shina mana pagui nipac allicunata Dios cushcamantami, paitaca pagui nicunchiclla!

EFESIOS 1:16

Diosman ñuca mañashpaca, mana cungarishpa cancunamanta Diosta pagui nicunilla.

EFESIOS 4:29

Imapish mana alli rimaicunata ama rimashpa, ashtahuanpish yuyaita cuc rimaicunallatac rimaichic. Chashna rimacta uyashpami, shuccunapish yuyaita japingacuna.

FILIPENSES 4:6

Ama imamanta llaquiricuichicchu. Ashtahuanpish Diosta mañacushpaca, tucuita paiman huillashpa, imamantapish pagui nicuichiclla.

COLOSENSES 3:8

Ashtahuanpish cunanca piñanacunata, mana allita ruhuana yuyailla purinata, millai canata, caminata, shinallatac maipish cachun rimanata saquinami canguichic.

1 TESALONICENSES 3:9

Cancuna chashna caticushcamanta yallita cushicushpaca, ¿ima shinatac Diostaca pagui nishunyari?

1 TESALONICENSES 5:18

Tucui imamantapish Diostaca pagui nicuichiclla. Jesucristota criccunataca chashna ruhuachunmi Diosca munan.

FILEMÓN 1:8

Ñucaca Cristo acllashca huillac cashcamantaca, can imapish alli caipactaca ruhuachun mandai pudini.

HEBREOS 13:15

¡Chaimantami Diostaca, Jesucristomanta huiñaita alabacunalla canchic! Chaimi Diosman cushca ofrenda shina can. ¡Chaimanta ñucanchic shimihuan Diospac shutita alli nicushunchic!

2 PEDRO 2:18

Paicunaca yanga mapa rimaicunallatac caparishpa rimashpami, quiquin munashca mapacunata ruhuashpa, mana alli causaccunapuramanta cunanlla anchurishcacunataca cutin pandachincuna.

2 PEDRO 2:7

Shina cashpapish millaita ruhuashpa causac gentecunata ricushpa, llaquirishpa cashcata ruhuashpa causac Lotllatami quishpichirca.

SAN JUDAS 1:10

Shina cacpipish chai llullashpa yachachiccunaca manapish chashna cacta yachashpami, mana allita rimancuna. Imata yachashpapish, animalcuna shina yuyai illac cashcamantami, paicunallatac llaqui tucungapac millaita ruhuancuna.

SAN JUDAS 1:13

Paicunapac pinganayaita mana allita ruhuashcacunaca, mama cuchata huaira caiman chaiman shitacpi, puscuta shitashca shinami can. Lucerocuna ñanta chingachishca shinami cancuna. Paicunamanca yallita amsa pachami huiñaicaman huacaichishca tiyacun.