EFESIOS 5:20 - Dios Rimashcata Quillcashcami

²⁰ Ñucanchic Apunchic Jesuspac shutipi punzhanta imamantapish Diostaca pagui nicuichiclla.

Nuevo Testamento en Quichua Cañar 1996

²⁰ Ñucanchic Apunchic Jesuspac shutipi punzhanta imamantapish Taita Diostaca pagui nicuichiclla.

EFESIOS 5:20 ပူးပေါင်းရင်းမြစ်များ

JOB 1:21

Chashna alli nishpaca: «Ñuca mamapac huicsamantaca lluchullami llucshircani. Lluchullallatacmi allpaman cutina cani. Mandac Diosmi ñucaman curca. Mandac Diosllatacmi quichurca. ¡Mandac Diospac shutica alli nishca cachun!» nirca.

SALMOS 34:1

Mandac Diostaca punzhanta alli nicushallami. Ñuca shimihuan cantashpaca manatac upallashachu.

ISAÍAS 63:7

Mandac Dios yallita llaquic cashcata yuyarishami. Shinallatac Mandac Dios ñucanchicman mai sumaccunata ruhuashcamanta alli nina cashcatapish yuyarinimi. Mandac Diosca yallita llaquic cashcamanta, pai yallita cuyac cashcamantami israelcunamanca cai tucui allicunata ruhuashca.

SAN JUAN 15:16

Mana cancunachu ñucataca acllarcanguichic, ashtahuanpish ñucami cancunataca acllarcani. Cancuna rishpaca, allita, huiñaita pucuc yura shina causaichic, Shina causashpa, ñuca shutipi imata mañacpica, ñuca Taitaca cungallami.

HECHOS 5:41

Mandaccuna cacharicpi, apostolcuna llucshishpaca, Jesusta caticushcamanta Dios llaquichichun saquishcamantami yallita cushicushpa rircacuna.

ROMANOS 1:8

Puntaca cancuna crishca tucui llactacunapi uyarishcamantami, Jesucristopac shutipi Diosta pagui nini.

1 CORINTIOS 1:4

Cristo Jesusmanta Dios cancunata cuyashcamantaca, punzhantami Diostaca pagui nicuni.

1 CORINTIOS 15:24

Cristo tucui mandaccunatapish, jatun mandaccunatapish, poderta charic mandaccunatapish chingachishpa, pai mandacushcata Diosman cucpimi, cai pachaca tucuringa.

EFESIOS 5:4

Pinganayaipac, millai shimicunatapish, asichic mapa parlocunatapish ama rimarichicchu. Chaicunata rimarinapac randica, Diosta mañashpa pagui ninami alli.

FILIPENSES 1:3

Cancunata yuyarishpaca, ñuca Diostami pagui nicunilla.

FILIPENSES 4:6

Ama imamanta llaquiricuichicchu. Ashtahuanpish Diosta mañacushpaca, tucuita paiman huillashpa, imamantapish pagui nicuichiclla.

COLOSENSES 3:17

Imata ruhuashpapish, imata parlashpapish, Apunchic Jesuspac shutipimi ruhuana canguichic. Paimantami Diostaca pagui nina canguichic.

1 TESALONICENSES 3:9

Cancuna chashna caticushcamanta yallita cushicushpaca, ¿ima shinatac Diostaca pagui nishunyari?

1 TESALONICENSES 5:18

Tucui imamantapish Diostaca pagui nicuichiclla. Jesucristota criccunataca chashna ruhuachunmi Diosca munan.

2 TESALONICENSES 1:3

Cuyashca criccuna, cancunaca sinchi criccuna tucucushcamanta, caishuc chaishuc-huan cuyanacushpa causacushcamantami pagui nina cashca shinallatac Diostaca pagui nicunchiclla.

2 TESALONICENSES 2:13

Apunchic Jesús cuyashca criccuna, ñucanchicca cancunata yuyarishpaca, punzhantami Diostaca pagui nicunchiclla. Diospac Espíritu Diospacllata ruhuashcamanta, shinallatac cashcata nic huillashcata crishcamantami, cancuna quishpirichun callarimanta pacha Diosca acllarca.

HEBREOS 13:15

¡Chaimantami Diostaca, Jesucristomanta huiñaita alabacunalla canchic! Chaimi Diosman cushca ofrenda shina can. ¡Chaimanta ñucanchic shimihuan Diospac shutita alli nicushunchic!

1 PEDRO 2:5

Chashna chayaricpimi, Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.