EFESIOS 4:31 - Dios Rimashcata Quillcashcami

³¹ Shungu ucullapi piñashca canata, imapish llaquichinata, pitapish piñanata, camishpa rimanata, rimashpa caparinata, shinallatac tucui mana allicunataca saquichic.

Nuevo Testamento en Quichua Cañar 1996

³¹ Chaimanta shungu ucullapi p'iñashca canata, imapish llaquichinata, pitapish p'iñanata, c'amishpa rimanata, rimashpa caparinata, shinallatac tucui mana allicunataca saquichic.

EFESIOS 4:31 ပူးပေါင်းရင်းမြစ်များ

GÉNESIS 27:41

Esauca Jacoboman paipac taita bendicionta cushcamantami paita mana ricunayachishpaca: «Ñallami ñuca taita Isaacca huañunga. Pai huañucpica, Jacobotapish huañuchishami» nishpami yuyacurca.

GÉNESIS 37:21

Paicuna chashna parlanacucta Rubén uyashpaca, huauquicunapac maquimanta quishpichisha nishpami: —Ama huañuchishunchic.

GÉNESIS 37:4

Taita Israelpac caishuc churicunata paicunata atishpa, Joseta ashtahuan cuyac cashcamantami Josetaca mana ricunayachishpa, piñashcalla parlac carca.

GÉNESIS 4:8

Cainca paipac huauqui Abeltaca: «Pambaman llucshishunchic» nirca. Ña pambapi puricushpami, Cainca paipac huauqui Abelta macashpa huañuchirca.

2 SAMUEL 13:22

Cutin Absalonca ima allitapish, mana allitapish imata mana nircachu. Shina cashpapish paipac panita chaita ruhuashcamantaca piñacmi carca.

2 SAMUEL 19:27

Ashtahuanpish paimi canta servic ñucataca can jatun mandacpac ñaupapi llullashca. Ashtahuanpish jatun mandacca ángel shinami cangui. Shina cashcamanta cambac ima alli cana cashcata ruhuailla.

2 SAMUEL 19:43

Shina nicpimi, israelcunaca Judá gentecunataca: —Ñucanchicmi jatun mandacmantaca chunga cutin yallita japinata charinchic. Paipac aillupura cashcamantacarin ashtahuanmi japina canchic. Chashna cacpica ¿Ima nishpa ñucanchicta yangalla cashcata yuyanguichic? ¿Manachu ñucanchic jatun mandactaca cutichun nircanchic?— nirca. Shina nicpimi, Judá gentecunaca israelcunataca yallimana sinchita rimarca.

SALMOS 101:5

Maijanta mana alli nishpa huashalla rimactaca ñucami tucuchisha. Ñahuipipish, shungupipish jatun tucushcacunataca manatac ricushachu.

SALMOS 140:11

Imatapish rimaric runaca cai pachapica mana unaita causangachu. Llaquichic runataca millaillatacmi tangac shina apashpa tucuchinga.

SALMOS 15:3

paipac calluhuan mana pita llaquichic, shuccunata ima llaquita mana ruhuac, paipac vecinota mana piñachicmi chaipica causanga.

SALMOS 37:8

Yallita piñarinata cungaringui. Chai piñarina yuyaita saquingui. Mana allita ruhuanataca amatac munanguichu.

SALMOS 50:20

Cambac huauquillatatac huashalla rimangapacmi tiyaringui. Cambac mamapac huahuallatatacmi llaquichingui.

SALMOS 64:3

Paicunapac callucunataca filo espadata shinami allichincuna. Arcota shitac shinami jayac shimicunata parlancuna.

PROVERBIOS 10:12

Piñanacuica macanacuipimi churan. Ashtahuanpish cuyaica mana allita ruhuashcata pacanmi.

PROVERBIOS 10:18

Piñarishca cashpapish mana piñarishca shina shungullapi charicuc runaca llullami. Pitapish yanga juchanchishpa rimac runaca mana entendic runami.

PROVERBIOS 14:17

Utca piñaric runaca yuyai illac shina imatapish ruhuanllami. Mana allita ruhuac runaca tucuipac piñanami canga.

PROVERBIOS 18:8

Huashalla parlacpac shimica mishquilla micui shinami, ucu shungucaman chayan.

PROVERBIOS 19:12

Jatun mandac piñarishpaca león huacac shinami manchachin. Pai alli ruhuashcaca garua quihuapi urmashca shinami.

PROVERBIOS 25:23

Jahua ladota huaira shamushpaca, tamyatami apamun. Imatapish rimac runaca piñachishpami saquin.

PROVERBIOS 26:20

Yanta illacpica, ninapish huañunmi. Huashalla parlaccuna illacpica, piñanacuipish tucurinmi.

PROVERBIOS 29:22

Jahualla piñaric runaca piñanacuillapimi churan. Yallita piñaric runaca yalli juchacunatami ruhuan.

PROVERBIOS 29:9

Yachaisapa runa yuyai illac runahuan piñanacushpaca, burlashpa asishca, piñashcallami canga. Imapish mana allichiringachu.

PROVERBIOS 6:19

manapish yachashpa llullashpa huillacta shinallatac huauquindipura piñanacuipi churactami yallita piñan.

ECLESIASTÉS 7:9

Piñarina atichunca ama saquinguichu. Mana entendic runapac yuyaipimi piñarina yuyaica tiyan.

JEREMÍAS 6:28

Tucui paicunami ñucata mana cazushpa, huashalla parlanacushpa purincuna. Paicunaca bronce shina, fierro shinami tucushca. Paicunaca ismushca shina millaicunami.

JEREMÍAS 9:4

Huauquicunapish umaccunami. Ricsishcacunaca juchanchiccunami. Chaimanta tucui ricsishcacunamantapish, huauquicunamantapish cuidaringuichic.

HECHOS 21:30

Tucui Jerusalenpi causaccunami Diosta mañana huasiman bullashpa yaicurca. Chashnami Pablota japishpa pambata aisashpa, ucumanta llucchishpa pungucunata huichcarca.

ROMANOS 3:14

Paicunaca llaquichic, millai rimaicunallatami riman.

1 CORINTIOS 14:20

Cuyashca criccuna, ama huahuacuna shina yuyaichicchu. Ashtahuanpish mana allita ruhuangapac llullu huahuacuna shina yuyaichic. Allita yuyaringapacca, yuyaccuna shina caichic.

1 CORINTIOS 5:8

Chashnami levadura illac tandata micuc shina, imatapish cashcata ruhuashpa, Pascua punzhapi micunataca micuna canchic. Ashtahuanpish mana alli levadurahuan ruhuashca tandata micuc shina, millai yuyaihuan juchallishpa purinachu canchic.

2 CORINTIOS 12:20

Ñuca ricungapac rishpaca, cancuna mana ñuca munashca shina tupana cashcata, shinallatac ñucapish mana cancuna munashca shina chayana cashcatami manchani. Cancuna chicanyarinacushpa, envidianacushpa, piñanacushpa, maldicianacushpa, huashalla parlanacushpa, caminacushpa, jatun tucushpa shinallatac maipish cachun causashpa puricuctami manchani.

GÁLATAS 5:20

ruhuashcalla dioscunata adoraccunami, brujocunami, pitapish mana allichu nishpa piñaccunami, macanacuccunami, celaccunami, imamantapish jahualla piñariccunami, piñanacuipi churaccunami, gentecunata chicanyachiccunami, ñucanchiclla cashun niccunami,

EFESIOS 4:22

Chaimantami cancunaca ñaupa ima shina causacushcataca saquina canguichic. Chai yuyaicunaca cancunata pandachishpa, mana allillata ruhuachishpami, ismuchic shina tucuchicurca.

EFESIOS 4:25

Tucui criccuna shuc shinalla cashcamantaca ña ama ashtahuan llullashpa, caishuc chaishuc-huan imapish cashcallatac nichic.

EFESIOS 4:26

Imamanta piñarishpapish, ama juchallichicchu. Piñarishpapish, ama tucui punzha piñashcalla caichicchu.

COLOSENSES 3:19

Cusacunapish, cancunapac huarmicunata cuyashpa, ama llaquichichicchu.

COLOSENSES 3:8

Ashtahuanpish cunanca piñanacunata, mana allita ruhuana yuyailla purinata, millai canata, caminata, shinallatac maipish cachun rimanata saquinami canguichic.

1 TIMOTEO 3:11

Shinallatac huarmicunapish tucuipac alli nishca, mana huashalla parlac, alli yuyaita charic, imapipish allita ruhuaccunami cana can.

1 TIMOTEO 3:3

mana machac, piñanacunatapish mana munac, cullquita charingaraicu ima mana allitac mana ruhuac, chaipac randica pitapish llaquic, ima piñanacui tiyacpipish allichic,

1 TIMOTEO 5:13

Shinallatac huasi huasi purishpami, yanga siriccuna tucun. Chashnallapish mana canchu, ashtahuanpish huashalla parlaccuna, tucuipi satirishpa manapish cashcata parlaccunami tucuncuna.

2 TIMOTEO 2:23

Imapish mana alli parlocunataca ama uyanguichu. Chaicuna piñanacuipi churac cashcataca canllatac yachanguimi.

2 TIMOTEO 3:3

cuyaita mana chariccuna, mana llaquiccuna, mapa yuyaicuna shamucpi mana jarcariccuna, imatapish parlariccuna, shuccunata mana allichu niccuna, imapish allicunata piñaccuna,

TITO 1:7

Maijanpish tandanacushca criccunata pushac cashpaca, Dios mingashcata ruhuac cashcamanta pi mana juchanchishca, mana utca piñaric, mana machac, pihuanpish mana piñanacuc, mana jatun tucushca, cullquita charingaraicu ima mana allita mana ruhuacmi cana can.

TITO 2:3

shinallatac ñaupa huiñai huarmicunatapish alli nishca cachun, mana huashalla parlaric, mana machac, ashtahuanpish allita yachachic cachun yachachingui.

SANTIAGO 1:19

Ñuca cuyashca criccuna, imapish uyanallataca alli uyaichic. Rimaringapacpish, piñaringapacpish jarcariccuna caichic.

SANTIAGO 3:14

Shina cashpapish shuccuna shina casha nishpa shungupi canirishpa, quiquinlla imata ruhuashpaca ama ñucaca yachacmi cani nichicchu, shinallatac, cashcata nic huillashcatapish mana cazucunguichicchu.

SANTIAGO 4:11

Cuyashca criccuna, ama caishuc chaishuc huashalla rimanacuichicchu. Maijanpish shuc huauquita mana allichu nishpa rimashpa, mana cashpaca juchanchishpaca, Dios mandashcatami mana alli nishpa juchanchin. Mandashcata mana allichu nishpa juchanchishpaca mana cazushpami, juez shina tucungui.

1 PEDRO 2:1

Chaimanta tucuilaya millaicunatapish, llullashpa crichinatapish, shuccuna shina casha ninatapish, mishqui shimi canatapish, shinallatac tucuilaya mana allita parlanacunatapish saquishpa,

1 JUAN 3:12

Ama Caín shina cashunchic. Paica diablopac cashpami, paipac huauquitaca huañuchirca. ¿Imamantatac huañuchirca? Pai ruhuashcacuna mana alli cacpi, cutin paipac huauquipac ruhuashcacunaca alli cacpimi chashnaca ruhuarca.

1 JUAN 3:15

Maijanpish paipac huauquita piñacca huañuchicmi. Maijanpish huañuchicca huiñai causaitaca mana charinchu. Chaitaca cancunallatac yachanguichicmi.

APOCALIPSIS 12:10

Shina tucushca quipami jahua pachamanta sinchita caparishpaca: «Cunanmi quishpirinapish, Diospac imata ruhuanapish, Dios mandanapish, pai cachashca Quishpichic Cristo mandanapish chayamushca. Tutapish, punzhapish Diospac ñaupapi ñucanchic huauquicunata juchanchishpa llaquichictaca ñami caimanta llucchishpa shitashca.