EFESIOS 4:25 - Dios Rimashcata Quillcashcami

²⁵ Tucui criccuna shuc shinalla cashcamantaca ña ama ashtahuan llullashpa, caishuc chaishuc-huan imapish cashcallatac nichic.

Nuevo Testamento en Quichua Cañar 1996

²⁵ Tucui criccuna shuc shinalla cashcamantaca ña ama ashtahuan llullashpa, caishuc chaishuchuan imapish cashcallatac nichic.

EFESIOS 4:25 ပူးပေါင်းရင်းမြစ်များ

1 REYES 13:18

Shina nicpimi, caishuc runaca: —Ñucapish can shinallatac Dios ima nishcata huillacmi cani. Mandac Dios cachashca shuc ángel shamushpami ñucataca: “Tandata micuchun, yacutapish ubiachun, cambac huasiman pushamugri” nishpa cacharca— nirca. Cai rimaicunataca llullashpami nirca.

SALMOS 119:29

Llulla causaimanta anchuchishpa, can mandashcacunata yachachiyari.

SALMOS 15:2

Ima pandata mana ruhuac, imatapish cashcata ruhuac, paipac shungupi mana llullac,

SALMOS 52:3

Allita ruhuanapac randica mana allitaracmi cuyac shina ruhuashcangui. Cashcata ninapac randica llullanatami ashtahuan munangui.

ÉXODO 23:7

Ama llullashpa rimanguichu. Cashcata ruhuac, mana faltayuc runata ama huañuchinguichu. Ñucata mana manchac runataca mana cashcata ruhuacmi nishachu.

PROVERBIOS 12:17

Mana llullac runaca cashcatami huillan. Ashtahuanpish llullashpa huillacca umashpami parlan.

PROVERBIOS 12:19

Cashcata huillac runaca huiñaitami causanga. Ashtahuanpish llulla calluca ashacamanllami canga.

PROVERBIOS 12:22

Llulla shimicunataca Mandac Diosca mana ricunayachinchu. Ashtahuanpish mana llullac runacunahuanmi cushicun.

PROVERBIOS 21:6

Llullashpa jahualla chayucyashpaca huañuitami mashcacun. Chai yalli valishcacunaca samai shina chingarinllami.

PROVERBIOS 24:28

Ama pitapish llullashpa, huillashpa llaquichinguichu. Cambac shimihuanpish ama llullanguichu.

PROVERBIOS 6:17

Jatun tucushpa puricta, llulla calluta, mana faltayuc runata huañuchishpa yahuarta jichacta,

PROVERBIOS 8:7

Ñuca shimihuanca mana llullashpami yachachigrini. Ñuca shimica llullanataca millanayachinmi.

ISAÍAS 63:8

Paica: «Paicunaca ñuca acllashca, mana llullac ñuca huahuacunami» nishpami, paicunataca quishpichirca.

ISAÍAS 9:15

Umaca pushac yuyaccuna, alli nishca runacunami. Chupaca llullashpa yachachiccunami.

OSEAS 4:2

Ashtahuanpish llaquichina, llullana, huañuchina, shuhuana, huainayana yuyaillami tiyan. Punzhantami huañuchin.

LEVÍTICO 19:11

Ama shuhuanguichicchu. Ama llullanguichicchu shinallatac caishuc chaishuc ama umanacunguichicchu.

ZACARÍAS 8:16

Cancunaca caicunatami ruhuana canguichic: Caishuc-huan chaishuc-huan cashcallata parlaichic. Cashcallata ruhuashpa taripaichic. Chashna ruhuashpami cushilla causanguichic.

ZACARÍAS 8:19

«Judá llactapi causaccuna chuscu quillapi, pichca quillapi, canchis quillapi, chunga quillapi ayunanaca yallita cushicuna fiesta punzhacunami tucunga. Chaimanta cashcata ninata, cushi causaita munaichic» nirca.

SAN JUAN 8:44

Cancunaca diablopac huahuacunami canguichic. Chaimantami pai munashcata ruhuanguichic. Diabloca callarimanta pachami huañuchic, llullac cashca. Paica jaicapi mana cashcata ninchu. Paica llullapac taitami. Pai llullashpaca, pai ima shina cashca shinallatacmi ricuchin.

ROMANOS 12:5

Chai shinallatacmi ñucanchicca tauca cashpapish, Cristohuan shuc shinalla canchic. Shinallatac tucui ñucanchicpish shuc cuerpo shinallami canchic.

1 CORINTIOS 10:17

Taucacuna cashpapish, tucui mashna chai tandallatatac micushpaca, tucui criccunami shuc cuerpo shina canchic.

2 CORINTIOS 7:14

Cancunamantaca ñami utcaman Titomanca allicunami nishpa parlarcani. Ñucanchicca ima shinami cancunaman cashcatatac parlarcanchic, chashnallatacmi, Titoman parlashcapish carca.

EFESIOS 4:15

Chaipac randica imapish cashcata huillashpa, caishuc chaishuc-huan cuyanacushpami, Cristohuan shuc shinalla causana yuyailla cana canchic. Cristoca tandanacushca criccunapac uma shinami.

EFESIOS 4:22

Chaimantami cancunaca ñaupa ima shina causacushcataca saquina canguichic. Chai yuyaicunaca cancunata pandachishpa, mana allillata ruhuachishpami, ismuchic shina tucuchicurca.

EFESIOS 4:31

Shungu ucullapi piñashca canata, imapish llaquichinata, pitapish piñanata, camishpa rimanata, rimashpa caparinata, shinallatac tucui mana allicunataca saquichic.

EFESIOS 5:30

Ñucanchicca Jesucristopac cuerpo, partecunami canchic.

COLOSENSES 3:8

Ashtahuanpish cunanca piñanacunata, mana allita ruhuana yuyailla purinata, millai canata, caminata, shinallatac maipish cachun rimanata saquinami canguichic.

COLOSENSES 3:9

Jucha munashcata ruhuashpa, ñaupa ima shina causacushcata saquishcamantaca, caishuc chaishuc-huan ama llullanacuichicchu.

1 TIMOTEO 1:10

huaclliriccunata, caripura huarmipura chayariccunata, genteta shuhuaccunata, llullaccunata, llullashpapish mana llullanichu niccunata, shinallatac tucui alli yachachishcacunata mana cazuccunata llaquichichunmi can.

1 TIMOTEO 4:2

mishqui shimi jayac shungu, llullaccuna, ima nishcata uyashpami crishcatapish saquishpa ña mana catishun ningacuna. Chai gentecunaca shungupi diablo unanchishcamantami ima allita ruhuana yuyaitapish mana charincuna.

TITO 1:12

Creta llactapi causaccunapuramanta shuc huillacca: «Cretapi causaccunaca llullaccuna, sachapi causac animalcuna shina, imata mana ruhuasha nic, micunallata munaccunami» nircami.

TITO 1:2

shinallatac ñucanchic cushicushpa shuyacushca huiñai causaita chasquichunmi huillani. Chai causaitaca cashcata nic Diosmi cai pacha manarac tiyacpi ña cusha nirca.

HEBREOS 12:1

Chaimanta ñucanchic muyundipi crinamanta huillaccuna puyu shina tiyashcamantaca, ima jarcaccunatapish, pandachic juchacunatapish saquishpa, ñucanchic chayana cashcaman cushicushpa rishunchiclla.

SANTIAGO 1:21

Chashna cashcamanta tucui mapamanta, shinallatac tucui mana allicunamanta anchurishpa, cancunapac shungupi tarpushca alli huillaitaca cuyac shunguhuan chasquichic. Chai alli huillaimi cancunataca quishpichinata pudin.

1 PEDRO 2:1

Chaimanta tucuilaya millaicunatapish, llullashpa crichinatapish, shuccuna shina casha ninatapish, mishqui shimi canatapish, shinallatac tucuilaya mana allita parlanacunatapish saquishpa,

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.

JUECES 16:11

Shina nicpimi Sansonca: —Manapish ucupashca mushuc huascahuan sinchita huatacpica, irquiyashpa shuctac runacuna shinami casha— nirca.