EFESIOS 1:23 - Dios Rimashcata Quillcashcami

²³ Tandanacushca criccunaca Cristopac cuerpomi can. Tandanacushca criccunaca tucui ima illashcatami Cristomanta chasquin. Shinallatac Cristollatacmi maipipish ima illashcacunataca cun.

Nuevo Testamento en Quichua Cañar 1996

²³ Shina cacpica, tandanacushca criccunaca Cristopac cuerpo shinami can. Criccunaca tucui ima illashcatami Cristomanta chasquin. Shinallatac Cristollami maipipish ima illashcacunatapish cun.

EFESIOS 1:23 ပူးပေါင်းရင်းမြစ်များ

SAN JUAN 1:16

Pai Taitapac Churi cashcacunamantami ñucanchicca catinta catinta allicunata chasquicunchic.

ROMANOS 13:5

Mandaccunataca mana llaquichic cashcallamantachu cazuna can, ashtahuanpish quiquinpac yuyaipi alli cashcamantami cazuna can.

1 CORINTIOS 12:6

Tucuilaya ruhuaicunami tiyan. Shina cacpipish, Diosllatacmi tucuita ruhuachicun.

1 CORINTIOS 15:28

Tucuita cazuchishca quipaca, Diospac Churi cristollatacmi tucuita cazuchic Diospac ñaupapi cazuringa. Chashnami Diosca tucuita cazuchic cashcata ricuchinga.

EFESIOS 2:16

Cristoca cruzpi huañushpami, israelcunahuan mana israelcunahuan piñanacushcata allichishpa, shuc shinallatac ruhuashpa, Dios-huan alli tucuchun saquirca.

EFESIOS 3:10

Cunanca jahua pachapi mandaccunapish, poderta chariccunapish tandanacushca criccuna ima shina cashcata ricushpa, Dios imatapish yachac cashcata yachachunmi, chashnaca ruhuarca.

EFESIOS 3:19

Cristopac cuyaica tucui yachaicunamantapish ashtahuan yallimi. Chai cuyaitami cancunataca ricsichun munani. Chai cuyaita ricsishpami, Dios cancunapac shungupi causacushcatatac yachac chayanguichic.

EFESIOS 4:10

Shina shamushca cashpami, paillatac tucui maipipish cangapacca jahua cielomanta ashtahuan jahuaman rirca.

EFESIOS 4:12

Chashna ruhuashpaca, Dios acllashcacuna paipacta ruhuachun, Cristopac cuerpo shina tandanacushca criccunata ashtahuan sinchiyachichun,

EFESIOS 4:13

tucui paita criccuna shuc shinalla tucushpa, Diospac Churita ricsishpa, Cristo shinallatac mana pandaric, alli yuyaiyuc tucungacaman yachachichunmi acllarca.

EFESIOS 4:4

Diospac Espirituca shucllami. Tandanacushca criccunapish shuc cuerpo shinami can. Diospish cancunata shuclla japina cashcata cushicushpa shuyachunmi cayarca.

COLOSENSES 1:24

Cunanca, cancunamanta llaquita apacushcamantaca cushicunimi. Chashnami, Cristo paipac cuerpo shina criccunamanta llaquita apashca shina, ñucapish ñuca cuerpopi llaquita apana cashcataca llaquita apacuni.

COLOSENSES 2:19

Paicunaca Apunchic Jesucristohuanca mana shuc shinallachu cancuna. Apunchic Jesucristo tandanacushca criccunapac uma shina cashcamantami, micunata carashpa huiñachic shina tucuita tandachishpa, Dios munashca shina pushan.

COLOSENSES 3:11

Chashna cashcamantami israelcuna cashpa, mana israelcuna cashpa, circuncisionta ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

COLOSENSES 3:15

Cristollatac cancunapac shungupica, apanacushpa causana yuyaita cushca cachun. Chai shina apanacushpa causachunmi, Diosca cancunata acllashpa, shuc cuerpo shinallatac ruhuarca. Chaimantami paita pagui nina canguichic.