ECLESIASTÉS 7:9 - Dios Rimashcata Quillcashcami

⁹ Piñarina atichunca ama saquinguichu. Mana entendic runapac yuyaipimi piñarina yuyaica tiyan.

ECLESIASTÉS 7:9 ပူးပေါင်းရင်းမြစ်များ

GÉNESIS 4:8

Cainca paipac huauqui Abeltaca: «Pambaman llucshishunchic» nirca. Ña pambapi puricushpami, Cainca paipac huauqui Abelta macashpa huañuchirca.

2 SAMUEL 13:22

Cutin Absalonca ima allitapish, mana allitapish imata mana nircachu. Shina cashpapish paipac panita chaita ruhuashcamantaca piñacmi carca.

2 SAMUEL 13:28

Ña utcamanmi Absalonca paita serviccunataca: «Amnón vinota ubiashpa yallita cushilla tiyacucpi, ñuca señata ruhuashpa: “¡Amnonta chugrichichic!” nicpica huañuchinguichiclla. Ñucami mandani. Chaimanta ama manchashpa sinchi sinchi caichic» nishcami carca.

2 SAMUEL 13:32

Chaimantami Davidpac huauqui Simeapac churi Jonadabca: —Jatun mandaclla, tucui cambac churicuna huañushca cashcataca ama yuyaichu. Amnonllami huañushca canga. Paitaca Absalonmi paipac pani Tamarpi chayarishca punzhamanta pacha huañuchisha nicurca.

2 SAMUEL 19:43

Shina nicpimi, israelcunaca Judá gentecunataca: —Ñucanchicmi jatun mandacmantaca chunga cutin yallita japinata charinchic. Paipac aillupura cashcamantacarin ashtahuanmi japina canchic. Chashna cacpica ¿Ima nishpa ñucanchicta yangalla cashcata yuyanguichic? ¿Manachu ñucanchic jatun mandactaca cutichun nircanchic?— nirca. Shina nicpimi, Judá gentecunaca israelcunataca yallimana sinchita rimarca.

PROVERBIOS 14:17

Utca piñaric runaca yuyai illac shina imatapish ruhuanllami. Mana allita ruhuac runaca tucuipac piñanami canga.

PROVERBIOS 14:29

Alli yuyaita chariccunami mana utca piñarin. Ashtahuanpish shungupi utca piñaric runaca yuyai illac cashcatami ricuchin.

PROVERBIOS 16:32

Yallita sinchi runa canapac randica, mana utca piñaric canami ashtahuan alli. Quiquinllatac jarcaric runaca shuc pueblota japic runatapish, ashtahuan yalli allimi.

PROVERBIOS 25:8

Imatapish ricushpaca ama tigrai juezcunaman huillangapac ringuichu. Pacta shuctac huillac mana chashnachu nishpa canta pingaichinman.

ECLESIASTÉS 7:10

Canca ama: «¿Imamantatac punta huatacunaca cai punzhata yalli alli carca?» ninguichu. Chaitaca mana alli yachacmi tapun.

JONÁS 4:3

Cunanca, Mandac Dioslla, ñuca causaita quichuilla. Causanapac randica huañuimi ñucamanca ashtahuan alli— nirca.

JONÁS 4:8

Mandac Diosca inti llucshimucpimi, yallita rupac huairata cachashpa, Jonaspac umata yalli rupachirca. Shina rupachicpimi, huañunalla tucushpaca: —¡Causanapac randica huañuimi ñucamanca ashtahuan alli!— nirca.

JONÁS 4:9

Shina nicpimi, Mandac Diosca: —¿Chai higuera yura chaquishcamantachu yallita piñaringui?— nirca. Shina nicpimi Jonasca: —¡Ari, huañungacamanmi piñarini!— nirca.

MARCOS 6:19

Herodiasca Juantaca huañuchinatami munarca. Shina cashpapish mana huañuchi pudircachu.

MARCOS 6:24

Soltera chaimanta llucshishpaca mamataca: —¿Imatatac mañasha?— nishpa tapurca. Shina tapucpica mamaca: —Bautizac Juanpac umata mañaiyari— nirca.

SANTIAGO 1:19

Ñuca cuyashca criccuna, imapish uyanallataca alli uyaichic. Rimaringapacpish, piñaringapacpish jarcariccuna caichic.