ECLESIASTÉS 6:3 - Dios Rimashcata Quillcashcami

³ Shuc runa patsac churicunata charishca cashpapish, tauca huatacunata, achca punzhacunata causashca cashpapish, pai charishcahuanca mana cushicushcachu. Shinallatac pai huañucpipish, enterrangapac sepulturaca mana tiyashcachu. Chaimantami ñucaca, shullushca huahuami chai runata yalli alli nini.

ECLESIASTÉS 6:3 ပူးပေါင်းရင်းမြစ်များ

GÉNESIS 33:5

Esaú huichailla huarmicunata, huahuacunata ricushpaca: —¿Paicunaca picunatac?— nirca. Shina nicpimi Jacoboca: —Paicunaca canta servic Jacoboman Dios cushca huahuacunami— nirca.

GÉNESIS 47:9

Shina tapucpimi Jacoboca: —Caipi, chaipi purishpa causashca huatacunaca patsac quimsa chunga huatami can. Ñucapac causai huatacunaca asha mana alli huatacunami cashca. Ñuca ñaupa taitacuna causashca shina, unai huatacunataca mana causashachu— nirca.

2 REYES 10:1

Acabca Samaria pueblopica canchis chunga churitami charirca. Chaimantami Jehuca Jezreel pueblota mandaccunaman, pushac yuyaccunaman, Acabpac churicunata yachachiccunaman quillcashpa, Samaria puebloman cacharca. Chai quillcapica:

2 REYES 9:35

Chai huarmita enterrangapac rishpaca, uma tulluhuan, chaquicunahuan, maqui tullullahuanmi tarircacuna.

1 CRÓNICAS 28:5

Mandac Diosca achca churicunatami ñucamanca cushca. Tucui cai ñuca churicunamantami ñuca churi Salomonta Mandac Diosca mandashpa tiyarinapi tiyarishpa, israelcunata mandachun churarca.

2 CRÓNICAS 11:21

Roboamca chunga pusac huarmicunatami charirca. Caishuc huarmicunataca sucta chunga huarmicunatami charirca. Tucui chai huarmicunamantaca Absalonpac ushi Maaca huarmitami ashtahuan cuyarca. Chai tucui huarmicunahuanca ishcai chunga pusac churicunata, sucta chunga ushicunatami charirca.

ESTER 5:11

Chashna cayachun cachashpami Amanca achcata charic cashcatapish, achca churicunata charishcatapish paicunaman parlarca. Shinallatac paita tucui serviccunamanta tucui mandaccunamanta ashtahuan alli nishca cachun churashcatapish parlarca.

ESTER 7:10

Shina mandacpimi, Amantaca Mardoqueota sipingapac paillatac shayachichishca caspipi huarcurca. Chashna ruhuacpimi jatun mandacca yallita piñarishcata pasachirca.

JOB 3:11

Ñucaca, ¿ima nishpatac mana huicsallapitac huañurcani? ¿Ima nishpatac mana huacharishcahuan huañurcani?

JOB 3:16

¿Ima nishpatac ñucataca shullushca huahuata shina, achicta manarac ricuc huahuata shina mana pacarcacunayari?

SALMOS 58:8

Babusa shina chingarichun. Shullushca huahua shina achic punzhata ama ricuchun.

PROVERBIOS 17:6

Yuyaccunapac sumac coronaca nietocunami. Shinallatac huahuacunapac cushicunaca taita mamami.

ECLESIASTÉS 4:3

Shina cacpipish, inti achicyachicuc cai pachapica manarac huacharishca cashpa, chai llaquicunata manarac ricuc gentecunami ashtahuan alli yuyarcani.

ECLESIASTÉS 6:4

Chai shullushca huahuaca cai pachaman yanga shamushpami, pura tutaman rin. Paipac shutitaca pura tutami chingachin.

JEREMÍAS 22:19

Aisashpa apashpami, Jerusalén pungumantaca canzhaman shitanga. Burro huañushcata shinami jutcupi enterranga.

JEREMÍAS 36:30

Chaimantami Mandac Dios Judá llactata jatun mandac Joacimmanta rimashpaca: Paica, David mandashpa tiyanapi tiyarishpa mandachunca, shuc churillatapish mana charingachu. Pai huañucpica, punzhaca rupaipi, tutaca chiri rasupimi shitanga.

JEREMÍAS 8:2

Chaicunataca jahua pachapi tiyac inti, quilla, lucerocuna ucupimi tendishpa churanga. Paicuna causacushpaca chaicunatami cuyashpa, alli nishpa causarca. Shinallatac chaicunamanmi tapuc carca. Tullucunataca pi mana tandashpa enterrangachu. Ashtahuanpish allpapimi huanu tucunga.

SAN MATEO 26:24

Runa Tucungapac shamushca ñucataca, Dios quillcachishcapi nishca shinami huañuchinga. Ashtahuanpish ñucata japichic runaca, ¡aij, imachari tucunga! Chai runaca mana huacharishca cashpachari alli canman carca— nirca.