ECLESIASTÉS 5:2 - Dios Rimashcata Quillcashcami

² Diospac ñaupapica manarac alli yuyarishpa ama rimaichu. Manarac alli yuyarishpaca ama imatapish ruhuashami nichu. Diosca jahua pachapimi, canca allpapimi cangui. Shina cashcamanta can imata ruhuaipacllata ari ningui.

ECLESIASTÉS 5:2 ပူးပေါင်းရင်းမြစ်များ

GÉNESIS 18:27

Shina nicpimi Abrahamca: —Riqui, ñucaca ñuto allpa shina, uchupa shina cashpapish ñucata Mandac Dios-huanmi parlai callarini.

GÉNESIS 18:30

Shina nicpimi Abrahamca: —Ñuca Mandac Dioslla, cutin parlai callaricpica, ama piñaringuichu. ¿Caipi quimsa chungallapish tiyacpica?— nirca. Shina nicpimi paica: —Quimsa chunga tiyacpipish, mana imata ruhuashachu— nirca.

GÉNESIS 18:32

Shina nicpimi, cutinllatac Abrahamca: —Ñuca Mandac Dioslla, ama piñaringuichu, ña caillahuanmi tapugrini. ¿Chungallapish tiyacpica?— nirca. Shina nicpimi, Mandac Diosca: —Chungallapish tiyacpica, paicunata llaquishcamanta mana chingachishachu— nirca.

GÉNESIS 28:20

Chaipimi Jacoboca: «Dioslla, can ñucahuan cashpaca, ñuca rina ñanpi micunatapish, churanatapish cushpa, alli pushangui.

GÉNESIS 28:22

Ricunalla cachunmi, pilarta shina, cai ñuca shayachishca rumica Diospac huasi canga. Shinallatac tucui can imalla cushcacunamantaca chungamanta shucta chicanyachishpami canmanca cusha» nirca.

SALMOS 115:3

¡Ñucanchic Diosca jahua pachapimi! ¡Pai munashcatami tucuita ruhuashca!

PROVERBIOS 10:19

Yallita rimaric runaca yallitami pandarin. Ashtahuanpish jarcarishpa rimacca alli yuyaiyucmi.

PROVERBIOS 20:25

Shuc runa manarac alli yuyarishpa Diosman imata cushami nishpaca, tucllapi urmac shinami tucun.

ECLESIASTÉS 10:12

Yuyaisapa runa rimashcaca sumacmi. Ashtahuanpish mana entendic runa rimashcaca paillatatacmi llaquichin.

ECLESIASTÉS 10:13

Pai rimari callarishpaca mana entendipactami rimarin. Tucuchinamanca yalli mana allicunata rimashpami tucuchin.

ECLESIASTÉS 5:3

Yallita yuyaricucpica, sueñuimi shamun. Shinallatac yallita rimarishpaca, mana entendic runa shinami riman.

ECLESIASTÉS 5:7

Chaica, muscuc shina imatapish yuyacucpica, yanga yuyaicunapish, yanga rimaicunapish llucshinmi. Ashtahuanpish canca Diosta manchai.

ISAÍAS 55:9

Ima shinami jahua pachaca cai pachamanta jahuaman tiyacun, chashnallatacmi ñuca imata ruhuashcapish yalli can. Shinallatac ñuca yuyaipish cancunapac yuyaicunataca yallimi.

LEVÍTICO 5:4

Maijanpish alli cashcata, mana alli cashcata manapish yachashpa, quiquin shimihuan ari nishpa, quipata yachac chayashpaca, juchayucmi tucunga.

SAN MATEO 6:7

Diosta mañashpaca, ama chai Diosta mana ricsiccuna shina cutin cutin chaillatatac rimashpa mañaichicchu. Paicunaca “Chashna mañacpica Diosca uyangami” yuyashpami, chashnaca mañancuna.

SAN MATEO 6:9

Cancuna mañashpaca: “Jahua pacha ñucanchic Taitalla, cambac shutitaca, tucuilla alli nishca cachun.

MARCOS 6:23

Ñucami: Can mañacpica, ñuca mandacushcamanta chaupi llactatapish cushami— nishpa, ari nini.

SANTIAGO 3:2

Tucuimi tauca cutin imapipish pandarinchic. Maijan imata rimashpa mana pandaricca, mana juchanchipac alli runami. Chashnaca, paipac cuerpotapish ima mana allimantaca jarcarinmi.

JUECES 11:30

Chaipimi Mandac Diosman cungapac Jefté ari nishpaca: «Can ciertotac cai amonitacunata ñuca maquipi churacpica,