ECLESIASTÉS 5:15 - Dios Rimashcata Quillcashcami

¹⁵ Ima shinami mamapac huicsamanta lluchulla huacharin, chashnallatacmi tigran. Cai pachaman ima shina shamushca shinallatacmi cutin. Pai trabajashpa imata charishcamantaca imata mana apanchu.

ECLESIASTÉS 5:15 ပူးပေါင်းရင်းမြစ်များ

JOB 1:21

Chashna alli nishpaca: «Ñuca mamapac huicsamantaca lluchullami llucshircani. Lluchullallatacmi allpaman cutina cani. Mandac Diosmi ñucaman curca. Mandac Diosllatacmi quichurca. ¡Mandac Diospac shutica alli nishca cachun!» nirca.

JOB 15:2

«¿Alli yachac runaca imatapish yangata rimangachu? ¿Paipac huicsapica huairatachu jundachin?

SALMOS 49:17

Pai huañushpaca imata mana apangachu. Shinallatac paipac charishca sumaimanacunapish mana paihuan ringachu.

ECLESIASTÉS 5:14

Chai charishcacunataca yangalla tucuchishpami, paicunapac huahuacunamanca imata mana cushpa, chushac maquillata saquincuna.

OSEAS 12:2

Mandac Diosca Judá llactapi causaccunahuanmi piñarishca. Jacobopac huahuacunataca paicuna mana alli ruhuashca shinallatacmi llaquichinga.

SAN LUCAS 12:20

Ashtahuanpish Diosca: “Yuyai illac runa, cunan tutallatacmi huañungui. Cai tucui huacaichishcacunaca, ¿pipactac canga?” nirca.

1 TIMOTEO 6:7

Cai pachapi huacharishpaca, imata mana apamushcanchicchu. Shinallatac huañushpapish, imata mana apashunchu.