ECLESIASTÉS 5:14 - Dios Rimashcata Quillcashcami

¹⁴ Chai charishcacunataca yangalla tucuchishpami, paicunapac huahuacunamanca imata mana cushpa, chushac maquillata saquincuna.

ECLESIASTÉS 5:14 ပူးပေါင်းရင်းမြစ်များ

1 REYES 14:26

Shina shamushpami, Mandac Diospac huasimanta, jatun mandacpac huasimantapish sumac allicunata llucchishpa, shinallatac Salomón ruhuashca curi escudocunatapish tucui aparca.

JOB 1:21

Chashna alli nishpaca: «Ñuca mamapac huicsamantaca lluchullami llucshircani. Lluchullallatacmi allpaman cutina cani. Mandac Diosmi ñucaman curca. Mandac Diosllatacmi quichurca. ¡Mandac Diospac shutica alli nishca cachun!» nirca.

JOB 5:5

Paipac granocunataca, yarcaihuan caccunami micunga. Casha chaupipi cacpipish, llucchishpami apangacuna. Paicuna charishcataca yacunayaihuan shinami tucuchinga.

SALMOS 39:6

Runaca shuc llandu shinallami. Yangami imatapish charinata munan. Pai charishcacunata pi japina cashcatacami mana yachanchu.

SALMOS 49:18

Pai causacushpa shungupi cushilla cashpapish, pai chayuc cashcamanta tucuipac alli nishca cashpapish

PROVERBIOS 23:5

¿Charic tucunaca yangalla cashcataca, manachu ricungui? Chaicunaca alas huiñacpi, anga jatarishpa jahuata ric shinami, cungailla chingarinlla.

ECLESIASTÉS 2:26

Diosca, paipac ñaupapi alli causac runallamanmi alli yuyaita, alli yachaita, cushicuita cun. Ashtahuanpish juchayuc runamanca charishca jahuapish, ashtahuan tandachichunmi cun. Chai huacaichishcacunataca Diospac ñaupapi alli causac runaman cungapacmi chashnaca cun. Chaicunapish huairata caticuc shina yangallami.

ECLESIASTÉS 5:13

Inti achicyachicuc cai pachapica yalli llaquitami ricurcani. Runa huacaichishca charishcacunaca, paipac llaquipacllatacmi.

ECLESIASTÉS 5:15

Ima shinami mamapac huicsamanta lluchulla huacharin, chashnallatacmi tigran. Cai pachaman ima shina shamushca shinallatacmi cutin. Pai trabajashpa imata charishcamantaca imata mana apanchu.

HAGEO 1:9

Cancunaca achcata cosechanata munashpapish, ashallatami japinguichic. Cancunapac huasicunapi huacaichishcataca pucushpami tucui chingachisha. ¿Imamantatac chashna ruhuasha? Chaica, ñuca huasi llaquinayaita siricucpipish, cancunapac huasicunatarac sumacta allichishcamantami chashna ruhuasha.

1 SAMUEL 2:36

Ashtahuanpish cambac huasi ucupuramanta saquirishca runa, asha cullquita, asha micunata charingaraicu chai runapac ñaupapi cungurishpaca: ‘Asha micunata charingapac curacuna ruhuana cashcapi ayudangapac ñucata churaiyari’ nishpa mañangami” ninmi» nirca.