ECLESIASTÉS 3:5 - Dios Rimashcata Quillcashcami

⁵ Rumicunata shic-huangapacpish, montonangapacpish punzha tiyanmi. Ucllangapacpish, mana ucllangapacpish punzha tiyanmi.

ECLESIASTÉS 3:5 ပူးပေါင်းရင်းမြစ်များ

2 REYES 3:25

Pueblocunata llaquinayaita tucuchishpami, tarpuna allpacunapica rumicunata tucui jundachirca. Yacu llucshic junducunatapish tucuimi taparca. Alli yuracunatapish pitircami. Kir-hareset pueblollami mana ima tucushpa saquirirca. Shina cashpapish, huaracahuan macanacuccuna muyundita shayarishpami tucui tucuchirca.

ÉXODO 19:15

Moisesca israelcunataca: —Cancunaca quimsa punzhapacca allichirishca caichic. Shinallatac huarmicunapipish mana chayarinachu canguichic— nirca.

ECLESIASTÉS 3:4

Huacangapacpish, asingapacpish punzha tiyanmi. Duelo cangapacpish, bailangapacpish punzha tiyanmi.

ECLESIASTÉS 3:6

Mashcangapacpish, chingachingapacpish punzha tiyanmi. Huacaichingapacpish, shitangapacpish punzha tiyanmi.

JOEL 2:16

¡Tucui gentecunata tandachishpa, Diospacllata ruhuaichicyari! ¡Pushac yuyaccunatapish, huahuacunatapish, chuchucuc huahuacunatapish tandachicchicyari! ¡Cunanlla cazarashca noviacunata sueñuna ucumanta pushamuichicyari!

1 CORINTIOS 7:5

Chaimanta caishucpish, chaishucpish ama misarinacuichicchu. Shina cashpapish Diosta tucui shunguhuan mañangapacca, ishcaindita yuyarinacushpami, asha punzhacunacaman chayarinataca saquina canguichic. Chai quipaca Satanás huainayana yuyaita ama cuchun tandaringuichiclla.

JOSUÉ 10:27

Ña inti tigracucpimi, Josueca chai huañushcacunataca yuramanta uricuchishpa paicuna miticushca jutcullapitac shitachun mandarca. Chaipi shitashpami chai jutcu pungutaca jatun rumicunahuan taparca. Chai rumicunaca cunan punzhacamanmi tiyacun.