ECLESIASTÉS 3:19 - Dios Rimashcata Quillcashcami

¹⁹ Chaica gentecunapish, animalcunapish chai shinallatacmi tucurincuna. Gentecunapish, animalcunapish huañunmi. Causaita cuc samaitapish tucuimi charin. Ima shina causashcapish yangallami. Chashna cashcamanta gentecunaca mana animalcunamanta yallichu.

ECLESIASTÉS 3:19 ပူးပေါင်းရင်းမြစ်များ

2 SAMUEL 14:14

Ñucanchicca tucuimi huañunalla canchic. Pambapi tallirishca yacu shina maita mana tandaipacmi canchic. Shina cashpapish, Diosca pimantapish mana causaita quichunchu. Chaipac randica llactamanta llucchishpa cachashcacuna paimanta ima shinapish ama ashtahuan caruyachunmi munan.

SALMOS 104:29

Can mana micunata caracpica imata mana micui pudincunachu. Can samaita quichucpica ña mana causancunachu. Chashnami allpaman cutincuna.

SALMOS 49:12

Runaca mashnata charic cashpapish mana huiñaita causai pudinchu. Ashtahuanpish animalcuna shinami tucurinlla.

SALMOS 49:13

Chashnami quiquin charishcahuan cushicuccunaca tucun. Paicunata caticcunapish paicuna yuyashcallatatac catishpami cushicuncuna. Chashnami paicunallatac allimi cani niriccunaca tucun.

SALMOS 49:20

Tucuita charic cashpapish, yuyai illac runaca chingaric animalcuna shinami huañun.

ECLESIASTÉS 1:14

Cai pachapi causaccuna imata ruhuashcataca tucuimi ricurcani. Riqui chaicunaca yangallami. Chaicunaca huairata caticuc shinallami.

ECLESIASTÉS 1:17

Tucui shunguhuanmi allita yachanatapish, allita entendinatapish, yuyai illac canatapish, imapish yangata ruhuac canatapish utca yachacurcani. Tucui chai yachashcacunaca, yuyaita yanga shaicuc shinalla cashcatami ricurcani.

ECLESIASTÉS 2:14

Alli yachac runaca allita ricushpami purin. Ashtahuanpish mana entendic runaca purapi shinami purin. Shina cacpipish tucuripica tucuimi chashnallatac tucuna cashcatami entendircani.

ECLESIASTÉS 2:16

Yachac runapish, mana entendic runapish huañungallatacmi. Yachac runatapish, mana entendic runatapish asha huatacuna quipaca pi mana yuyaringachu.

ECLESIASTÉS 7:2

Jatun micuiman rinapac randica, duelopac huasiman rinami ashtahuan alli. Huañuimi tucui runacunata tucuchin. Causaccunaca chaitami yuyarina can.

ECLESIASTÉS 9:12

Ashtahuanpish runaca ima horas ima tucunata mana yachanchu. Ima shinami challuacuna mallapi japi tucun, alasyuc animalcuna linchipi japi tucun. Chashnallatacmi runacunapish mana alli punzhapi japi tucun.

ECLESIASTÉS 9:2

Tucuimi chashnallatac tucun. Cashcata ruhuacpish, Diosta mana manchacpish, allipish, millaipish, chuya runapish, mapa runapish Diosman animalta cushpa huañuchicpish, mana animalta cushpa rupachicpish, ari nicpish, ari ninata manchacpish chashnallatacmi tucun.

NÚMEROS 16:29

Cai runacuna, tucui gentecuna huañuc shinallatac huañucpica, Mandac Dios ñucata mana cachashcatami yachanguichic.