ECLESIASTÉS 2:14 - Dios Rimashcata Quillcashcami

¹⁴ Alli yachac runaca allita ricushpami purin. Ashtahuanpish mana entendic runaca purapi shinami purin. Shina cacpipish tucuripica tucuimi chashnallatac tucuna cashcatami entendircani.

ECLESIASTÉS 2:14 ပူးပေါင်းရင်းမြစ်များ

SALMOS 19:10

Sumaimana curitapish yalli munanami. Ashtahuan alli bunga mishquitapish yalli mishquimi.

SALMOS 49:10

Yachaccunapish huañunllatacmi. Rumi shungu runapish, mana entendic runapish chingarinllami. Paicuna charishcacunaca shuccunapacmi saquirin.

SALMOS 49:11

Paicunapac allpata paicunapac shutipi churacpipish, paicunapac huiñaita causana huasica enterrarina jutcumi. Chaimi huahua huahuacunapac causana huasica can.

PROVERBIOS 14:8

Allita yachac runaca pai ima shina causashcatami yuyarin. Ashtahuanpish yuyai illac runaca yuyaita mana charishcamantami llullallapi causan.

PROVERBIOS 17:24

Alli yuyaita charic runa alli yachac cashcataca ñahuipimi ricunalla. Ashtahuanpish yuyai illac runaca tucui cai pacha muyunditami ricucun.

ECLESIASTÉS 2:16

Yachac runapish, mana entendic runapish huañungallatacmi. Yachac runatapish, mana entendic runatapish asha huatacuna quipaca pi mana yuyaringachu.

ECLESIASTÉS 3:19

Chaica gentecunapish, animalcunapish chai shinallatacmi tucurincuna. Gentecunapish, animalcunapish huañunmi. Causaita cuc samaitapish tucuimi charin. Ima shina causashcapish yangallami. Chashna cashcamanta gentecunaca mana animalcunamanta yallichu.

ECLESIASTÉS 6:6

Chai runa ishcai huaranga huatata causashca cashpapish, pai ima charishcacunahuan mana cushicushca cashpaca, ima allita cangayari. ¿Manachu tucui mashna chaillamantac rincuna?

ECLESIASTÉS 6:8

¿Alli yachac runaca mana entendic runata yallichu? Cai pacha causaccunapurapi alli allita causac huaccha runaca, ¿imapactac valin?

ECLESIASTÉS 7:2

Jatun micuiman rinapac randica, duelopac huasiman rinami ashtahuan alli. Huañuimi tucui runacunata tucuchin. Causaccunaca chaitami yuyarina can.

ECLESIASTÉS 8:1

¿Pitac yuyaisapa shina runaca tiyan? ¿Pitac tucuita entendishpa huillacca tiyan? Alli yachaica runapac ñahuitami achicyachin. Piñashca cactapish alliyachinmi.

ECLESIASTÉS 9:11

Inti achicyachicuc cai pachapica caitapish ricurcanimi: Jatun callpaipica mana sinchi callpaccunachu mishan. Macanacuipipish mana sinchicunachu mishan. Micunatapish mana yachaccunallachu micun. Mana yuyaisapacunallachu chayucyan. Mana allita rimaccunallachu alli nishca can. Ashtahuanpish tucuimanmi alli punzhapish, mana alli punzhapish shamun.

ECLESIASTÉS 9:16

Chaimantami ñucaca: «Yallita sinchi canapac randica, alli yachac canami ashtahuan alli. Huaccha runataca alli yachac cacpipish, yangapi churashpami, pai alli yuyaita cushcataca mana uyanayachirca» nircani.

1 JUAN 2:11

Ashtahuanpish huauquita maijanpish piñacca amsapimi puricun, shinallatac amsallapitacmi causacun. Chai amsallatac ñahuita mana ricucta ruhuacpimi maiman ricushcatapish mana yachashpa causacun.