DEUTERONOMIO 9:9 - Dios Rimashcata Quillcashcami

⁹ Mandac Dios cancunahuan ari nishca tabla rumita urcumanta apamungapac rishpaca, chuscu chunga punzha, chuscu chunga tutatami mana micushca, yacuta mana ubiashca carcani.

DEUTERONOMIO 9:9 ပူးပေါင်းရင်းမြစ်များ

1 REYES 19:8

Shina nicpimi, Eliasca jatarishpa micurca, yacutapish ubiarca. Chaita micushpaca, ña sinchiyashpami, chuscu chunga punzha, chuscu chunga tutata Diospac Horeb urcuman chayangacaman rirca.

2 REYES 6:22

Shina nicpimi paica: —Ama huañuchichu. ¿Cambac espadahuan, cambac arcohuan macanacuita mishashpa prezu japimushcacunataca huañuchinguimanchu? Ashtahuanpish paicunapac amopacman cutichun, micuchun, ubiachun, tandata, yacuta cui— nirca.

ÉXODO 24:12

Mandac Diosca Moisestaca: —Ñucahuan tupangapac urcuman shamushpa, chaipi shuyai. Chaipimi tabla rumipi ñuca mandashcacunatapish, israelcunata yachachishcacunatapish cusha— nirca.

ÉXODO 24:15

Shina nishpa, Moisés urcuman huichai ricpica, puyumi tucui chai urcutaca taparca.

ÉXODO 24:18

Moisés puyu ucuman yacushpa, urcu jahuaman huichai rishpaca, chuscu chunga punzhata shinallatac chuscu chunga tutatami chaipi carca.

ÉXODO 31:18

Sinaí urcupi Mandac Dios Moises-huan parlanacushpaca, chunga mandashcacunatami paipac maqui dedohuan ishcai tabla rumipi quillcashpa, Moisesman curca.

ÉXODO 32:1

Moisés urcumanta mana utca shamucpimi, israelcuna Aaronpacman cuchuyashpaca: —Egiptomanta llucchicmuc Moisesca, imachari tucurca. Mana yachanchicchu. Jatari, ñucanchicta pushachun, shuc diosta ruhuai— nirca.

ÉXODO 34:28

Moisesca mana micushpa, mana yacuta ubiashpami, chaipica chuscu chunga punzhata, chuscu chunga tutata Mandac Dios-huanca carca. Chaipimi Moisesca tabla rumicunapi ari nishca chunga mandashcacunata quillcarca.

SAN MATEO 4:2

Chaipi chuscu chunga punzhata, chuscu chunga tutata mana micushca cashpami, Jesusca yarcachirca.

GÁLATAS 4:24

Caica shuc alli yuyarinatami yuyachin: Ishcai huarmicunaca ishcai ari nishcatami ricuchin. Agar huarmica Sinaí urcupi cushca ari nishcatami ricuchin. Maijanpish chaipac caccunaca huatashca shina cangapacmi huacharin.

DEUTERONOMIO 8:3

Paica chai pambapica yarcaihuanmi llaquichirca. Chaipimi cancunapish, cancunapac taitacunapish jaicapi mana ricsishca maná shuti micunata cararca. Chaitaca runacunaca mana micunallahuan, ashtahuanpish Mandac Diospac rimashca shimicunahuan causana cashcata ricuchingapacmi ruhuarca.

DEUTERONOMIO 9:11

Chuscu chunga punzha, chuscu chunga tuta tucucpica, Mandac Diosca cancunahuan ari nishcata quillcashca ishcai tabla rumita curcami.

DEUTERONOMIO 9:15

Chai rupacuc urcumantaca cancunahuan ari nishca quillcashca ishcai rumita maquipi apashpami cutircani.

DEUTERONOMIO 9:18

Chai quipaca cancuna Mandac Diosta piñachingacaman paipac ñaupapi mana allita ruhuashpa, juchallishcanmantami utcapi shina, chuscu chunga punzhata, chuscu chunga tutata mana micushpa, mana yacuta ubiashpa, Mandac Diospac ñaupapi cumurircani.

HEBREOS 9:4

Chaica, inciensota rupachina curi altarmi tiyarca. Dios-huan ari nishcata huacaichina, muyundita curimanta ruhuashca cajonpish tiyarcami. Chai cajonpica maná shuti tandapish, curimanta ruhuashca mangapish, Aaronpac huiñacuc verdinlla taunapish, Dios mandashcacunata quillcashca ishcai tabla rumipish tiyarcami.