DEUTERONOMIO 9:7 - Dios Rimashcata Quillcashcami

⁷ Shitashca pambapi cashpa, Mandac Diosta piñachishcataca yuyarichicyari. Ama cungaringuichicchu. Egipto llactamanta llucshishcamanta caiman chayamungacamanmi Mandac Diostaca llaquichircanguichic.

DEUTERONOMIO 9:7 ပူးပေါင်းရင်းမြစ်များ

ÉXODO 14:10

Jatun mandac Faraón ña cuchuyacucpimi, israelcunaca huichailla ricushpa, Egipto runacuna caticucta ricurca. Chaimantami mancharishpa Mandac Diosta caparishpa,

ÉXODO 14:11

Moisestaca: —Cai shitashca pambapi ñucanchic huañungapacca, ¿manachu Egiptopi panteonca tiyarca? ¿Caita ruhuangapacchu Egiptomanta llucchimurcangui?

ÉXODO 16:2

Tucui tandanacushca israelcuna shitashca pambapi cashpaca Moisestapish, Aarontapish piñashpa rimarircacunami.

ÉXODO 17:2

Chaimanta israelcunaca Moisesta rimarishpaca: —¡Ñucanchicman yacuta ubiangapac cui!— nirca. Shina nicpimi Moisesca: —¿Ima nishpatac ñucahuanca piñaringuichicyari? ¿Mandac Dios ñucanchic-huan cashcata, mana cashcatachu ricusha ninguichic?— nirca.

ÉXODO 23:21

Paita cazushpa, pai nishcata uyangui. Can mana cazucpica, paica mana perdonangachu. Ñucallatacmi paihuanca cani.

ISAÍAS 48:8

Caicunata manarac uyashpa, manarac ricsishpami causarcanguichic. Cancunapac ringrica mana alli uyacchu carca. Ñucaca cancuna mana cazugricushcataca yacharcanimi. Chaimantami mamapac huicsapi cacpirac “mana cazuccunami canguichic” nircani.

JEREMÍAS 11:10

Paicunapac ñaupa taitacuna shinallatacmi mana allita ruhuashpa, ñuca rimashcata mana cazushpa, shuctac dioscunata servirca. Israelcunapish, Judá llactapi causaccunapish paicunapac ñaupa taitacunahuan ari nishcatami yangapi churarca.

JEREMÍAS 32:30

Israelcunapish, Judá gentecunapish huambramanta pachami ñucapac ñaupapica allita ruhuana randica, millaita ruhuashpa causarca. Israelcunaca paicunapac maquihuan mana allita ruhuashpami, ñucata piñachishpa causarca.

JEREMÍAS 44:9

¿Cancunapac ñaupa taitacunapish, Judá llactata jatun mandaccunapish, paicunapac huarmicunapish, cancunapish, cancunapac huarmicunapish Judá llactapi, Jerusalén ñancunapi yalli mana allita ruhuashcataca, manachu yuyaringuichic?

EZEQUIEL 20:13

Ashtahuanpish israelcunaca shitashca pambapica ñucata mana cazushpami piñachirca. Ñuca mandashcacunatapish, ñuca imata ruhuachun nishcacunatapish yangapimi churarca. Chaicunata maijanpish pactachishpaca causangami. Samana punzhatapish yangapi churacpimi, ñucaca yallita piñarishpa, shitashca pambapi llaquichinata yuyarircani.

EZEQUIEL 20:43

Chai llactapi causacushpami cancunaca utcapi ima shina causashcata, imata ruhuashpa mapayashcata yuyaringuichic. Shinami cancuna ruhuashca juchacunataca cancunallatac millanguichic.

EZEQUIEL 20:8

Ashtahuanpish paicunaca ñucata mana cazushpami piñachirca. Ruhuashcalla dioscunataca paicunapac ñaupamanta mana anchuchisha nircachu. Egiptopi tiyac ruhuashcalla dioscunatapish mana saquircachu. Chaimantami Egipto llactapi paicunata llaquichishpa, ñuca piñarishcataca pasachinata munarcani.

EZEQUIEL 36:31

Chaimantami cancunaca mana alli causashcatapish, millana juchacunata ruhuashcatapish yuyarishpa, cancunallatac pingaringuichic.

NÚMEROS 11:4

Israelcunahuanca micunallata munac tucuilaya gentecunami chapurishca carca. Chai gentecunapac yuyaita japishpami israelcunaca: «¿Pitac aichata cungayari?

NÚMEROS 14:22

Ñuca poderhuan ricuchishcacunata ricuccunapish, Egipto llactapi, cai shitashca pambapi ruhuashcata ricuccunapish, ñuca nishcata mana cazushpa, chunga cutincaman pandachisha niccunapish

NÚMEROS 17:10

Mandac Diosca Moisestaca: «Aaronpac taunataca israelcuna ñucata mana cazushcata yuyarichun, ari nishca quillcata huacaichina Arca ñaupallapitac churai. Chaica ñucata mana cazushpa rimaccunapac shuc señalmi canga. Shinallatac paicunaca ña mana huañungachu» nirca.

NÚMEROS 21:5

Mandac Diostapish, Moisestapish rimarishpaca: «¿Imapactac ñucanchicta Egiptomanta cai shitashca pambapi huañuchun llucchimurcanguichic? Caipica yacupish, micunapish mana tiyanchu. Cai micunataca ña mana micunayanchu» nirca.

NÚMEROS 25:2

Chai huarmicunami paicunapac yanga diosman animalcunata cushpa, rupachingapac israelcunata cayac carca. Chaipimi israelcunaca micushpa, yanga dioscunapac ñaupapi cumurirca.

1 CORINTIOS 15:9

Ñucaca Diospaclla cac tandanacushca criccunata mana ricunayachishpami yallita llaquichircani. Chaimanta tucui apostolcunamanta yalli yangallami cani. Shinallatac mana apóstol nishcapish cana canichu.

EFESIOS 2:11

Cancuna mana israelcunataca Circuncisionta mana ruhuaccuna, nishpa cayaccuna cashcata yuyarichic. Israelcunaca “circuncisionta ruhuaccunami canchic” nishpami, gentecuna yuyashca shinallatac ruhuancuna.

DEUTERONOMIO 31:27

Cancuna mana cazuc sinchi shungu cashcataca yachanimi. Cunan ñuca cancunahuan pacta causacucpipish, Mandac Diosta mana cazuc cashpaca, ñuca huañushca quipaca, ¡imachari canguichic!

DEUTERONOMIO 8:2

Mandac Dios chuscu chunga huatata shitashca pambata apamushcata yuyaringuichic. Chaitaca cancuna imata yuyac cashcata, mandashcata cazucta, mana cazuc cashcata ricungapacmi ruhuarca.

DEUTERONOMIO 9:24

Ñuca ricsishca punzhamanta pachami Mandac Diosta piñachircanguichic.

DEUTERONOMIO 9:4

Mandac Dios cancunapac ñaupamanta catishpa cachacpica, pacta cancunaca: “Ñucanchic allita ruhuashcamantami Mandac Diosca cai llactata cungapac pushamushca” yuyanguichicman. Ashtahuanpish chai llactapi causaccuna mana allita ruhuashcamantami Mandac Diosca llucchishpa cacharca.