DEUTERONOMIO 9:5 - Dios Rimashcata Quillcashcami

⁵ Mana cancuna cashcata ruhuac, shungupi allita yuyac cashcamantachu cai llactata japigringuichic, ashtahuanpish chai llactapi causaccuna mana allita ruhuashcamantami llucchishpa cacharca. Mandac Dios cancunapac ñaupa taita Abrahamman, Isaacman, Jacoboman cungapac ari nishcata pactachingapacmi chashnaca ruhuagrin.

DEUTERONOMIO 9:5 ပူးပေါင်းရင်းမြစ်များ

GÉNESIS 12:7

Chaipimi Mandac Dios Abramman ricurishpaca: «Cambac huahua huahuacunamanmi cai allpataca cusha» nirca. Chaipimi Abramca paiman ricurishca Mandac Diosman shuc altarta ruhuarca.

GÉNESIS 13:15

Tucui can ricushca allpataca tucui causaipacmi canmanpish, cambac huahua huahuacunamanpish cusha.

GÉNESIS 15:16

Cambac huahua huahuacunaca chuscu cutincaman huahua huahuacuna tucushca quipami, caiman cutimunga. Chaicamanca amorreocunaca manarac yalli millai tucungachu— nirca.

GÉNESIS 15:7

Shina chashquishpaca: —Ñucaca canta Mandac Diosmi cani. Ñucami cai allpata canman cungapac caldeocuna causana Ur llactamanta llucchircani— nirca.

GÉNESIS 17:8

Can causacushca tucui Canaán llactatami canmanpish, cambac huahua huahuacunamanpish, cambac quipa miraicunamanpish huiñaipac cusha. Ñucaca paicunapac Diosmi casha— nirca.

GÉNESIS 19:29

Chashna chai pueblocunata, pambacunata tucuchishpapish Diosca Abrahamta yuyarishpami, Lotta chingarigricuc pueblomanta llucchishpa quishpichirca.

GÉNESIS 26:4

Cambac huahua huahuacunataca jahua pacha lucerocunata shinami mirachishpa, tucui cai allpacunata cusha. Cambac huahua huahuacunamantami tucui cai pachapi causaccunataca bendiciasha.

GÉNESIS 28:13

Shinallatac Mandac Dios chai escalera jahuamantaca: «Ñucami cambac taita Abrahampac, shinallatac Isaacpac Mandac Dios cani. Can sueñushpa siricuc allpataca canman, shinallatac cambac huahua huahuacunamanmi cusha.

ÉXODO 32:13

Canta servic Abrahamman, Isaacman, taita Israelman: “Cancunapac huahua huahuacunataca jahua pachapi tiyac lucerocunata shinami mirachisha. Cancunapac huahua huahuacunaman cusha nishca cai llactapish cushami. Caica huiñaitami paicunapac canga” nishpa, cambac shutipi ari nishcataca yuyariyari— nirca.

EZEQUIEL 20:14

Shina cashpapish, ñuca shuti shuctac llactacunapi causaccunapac ama mana alli nishca cachunmi, mana llaquichircani. Paicunataca chai gentecuna ricucucpimi llucchimurcani.

EZEQUIEL 36:22

Chaimanta canca israelcunataca: “Mandac Diosca: Israelcunalla, shuctac llactapica jucha illac ñuca shutitaca yangapimi churarcanguichic. Chaimanta caitaca mana cancunamantachu ruhuagrini. Ashtahuanpish jucha illac ñuca shutimantami ruhuagrini.

EZEQUIEL 36:32

Mandac Dios ñucami nini: ¡Israelcunalla, caitaca mana cancunamantachu ruhuani! ¡Chaitaca allita yachaichic! ¡Cancuna mana allita ruhuashcamantaca cancunallatac pingarishpa upayaichic!

LEVÍTICO 18:24

Caicunata ruhuashpa, imapipish ama mapayanguichu. Cancunapac ñaupamanta llucchishpa cachashca gentecunaca caicunata ruhuashpami, llactata mapayachirca.

LEVÍTICO 18:25

Paicuna causacuc llactapish yallitami mapa tucurca. Chaimantami ñuca chai llactata llaquichingapac shamucpica, allpapish arcadac shina llucchishpa shitarca.

MIQUEAS 7:20

Canca ñucanchic ñaupa taitacunahuan ari nishca shinami, Jacobopac huahuacunamanpish pactachingui. Taita Abrahamtapish llaquinguimi.

HECHOS 3:25

Cancunaca Dios ima nishcata huillaccunata huillachishcatapish, ñaupa taitacunahuan Dios ari nishcatapish chasquiccunami canguichic. Dios Abrahamhuan ari nishpaca: “Cambac huahua huahuacunamantami tucui cai pachapi causaccunaca bendiciashca canga” nishcami.

ROMANOS 11:28

Mana israelcunapac allipacmi, israelcunaca alli huillaita mana cazushpa, Dios piñashca tucushcacuna. Shina cacpipish, Diosca paicunapac ñaupa taitacunata acllashcamantami cuyacun.

ROMANOS 15:8

Cristoca, Dios ñaupa taitacunaman cusha nishcata pactachic cashcata ricuchingapacmi israelcunata servingapac shamurca.

DEUTERONOMIO 1:8

Riquichic, ñucami cai llactacunata cancunapac maquipi churani. Mandac Dios ñucami chai llactacunataca cancunapac taita Abrahamman, Isaacman, Jacoboman, paicunapac huahua huahuacunaman cungapac ari nircani. Chai llactacunata japishpa tiyarigrichic” nirca.

DEUTERONOMIO 12:31

Mandac Dios-huanca ama chashna ruhuanguichicchu. Mandac Diosca paicuna ruhuashcataca mana ricusha ninchu. Paicunapac dioscunamanca millana mana allicunatami ruhuarca. Paicunapac churicunatapish, ushicunatapish paicunapac dioscunaman cushpami rupachirca.

DEUTERONOMIO 18:12

Chai shina millaita ruhuaccunaca Mandac Diospac millanayachinmi. Chaimantami Mandac Diosca chai llactamanta llucchishpa cachanga.

DEUTERONOMIO 18:9

Cancuna Mandac Dios cushca llactaman yaicushpaca, ama chai llactapi causaccuna shina, millaita ruhuashpa causanguichicchu.

DEUTERONOMIO 20:18

Chashna ruhuacpimi, paicunapac dioscunata adorashpa millana juchacunataca cancunaman mana yachachinga. Cancuna chashna ruhuashpami, mana Mandac Diospac ñaupapi juchallinguichic.

TITO 3:5

ñucanchicta quishpichirca. Mana ñucanchic ima allita ruhuashcamanta, ashtahuanpish ñucanchicta llaquishcallamantami quishpichirca. Diosca tucui juchacunata jahuashpami cutin huacharishcata ruhuarca. Paipac Espirituta cushpami mushuc causaiyucta ruhuarca.