DEUTERONOMIO 9:28 - Dios Rimashcata Quillcashcami

²⁸ Egipto llactapi causac gentecunaca: “Mandac Diosca pai cusha nishca llactaman mana yaicuchi pudishcachu, ashtahuanpish paicunataca shitashca pambapi huañuchingapacmi caimanta llucchishpa rishca” ningacunami.

DEUTERONOMIO 9:28 ပူးပေါင်းရင်းမြစ်များ

ÉXODO 32:12

Egipto runacunaca: “Israelcunapac Diosca urcucunapi huañuchishpa, cai pachamanta chingachingapacmi israelcunataca llucchishca” ningacunamari. Chaimanta ama ña ashtahuan piñarichu. Paicunata llaquichinataca cungarilla.

EZEQUIEL 20:9

Shina cashpapish, shuctac llactacunapi causaccunapac ñuca shuti ama mana alli nishca cachunmi, mana llaquichircani. Chai llactacunapac chaupipimi paicunaca causarca. Ñucaca Mandac Dios cashcata ricsichishpami, israelcunataca Egipto llactamanta llucchimurcani.

NÚMEROS 14:16

“Mandac Diosca, pai cungapac ari nishca llactaman mana yaicuchi pudishpami, shitashca pambapi huañuchishca” ningami.

DEUTERONOMIO 1:27

Chashnami cancunapac carpa huasi ucupica: “Mandac Diosca ñucanchictaca mana ricunayachishpami, Egipto llactamanta llucchimushpaca, amorreocunapac maquipi churashpa tucuchigrin.

DEUTERONOMIO 32:27

Shina yuyacushpapish paicunata piñaccuna jatun tucushpa: ‘Caicunataca mana Mandac Dioschu ruhuan, ashtahuanpish ñucanchicmi ruhuanchic’ ama nichunmi mana chashna ruhuarcani” nirca.

DEUTERONOMIO 9:27

Canta servic Abrahamta, Isaacta, Jacobota yuyariyari. Cai gentecunapac sinchi shungutapish, canta mana cazushpa juchata ruhuashcatapish ama ricuichuyari” nirca.

JOSUÉ 7:9

Chashna tucushcata cananeocunapish, cai llactapi tucui causaccunapish yachashpaca, ñucanchicta muyunacushpami, ñucanchic shuticunatapish cai pachamanta chingachinga. Chashna ruhuacpica, cambac jatun shuti alli nishca catichunca, ¿imatatac ruhuagringuiyari?— nirca.