DEUTERONOMIO 9:25 - Dios Rimashcata Quillcashcami

²⁵ Mandac Dios cancunata tucuchisha nicpimi, chuscu chunga punzha, chuscu chunga tutata Mandac Diospac ñaupapi cumurircani.

DEUTERONOMIO 9:25 ပူးပေါင်းရင်းမြစ်များ

SALMOS 106:23

Chaimantami Diosca tucuchinata munarca. Pai acllashca Moisés paipac ñaupapi mañashpa mana jarcashca cacpica, tucuchinmanmi carca. Paimi ama tucuchichun paipac ñaupapi mañashpa jarcarca.

ÉXODO 34:28

Moisesca mana micushpa, mana yacuta ubiashpami, chaipica chuscu chunga punzhata, chuscu chunga tutata Mandac Dios-huanca carca. Chaipimi Moisesca tabla rumicunapi ari nishca chunga mandashcacunata quillcarca.

DEUTERONOMIO 9:16

Chashna cutimushpaca, Mandac Diosta piñachishpa juchallishcatami ricurcani. Mandac Dios mandashcacunata utca saquishpami, curita nuyuchishpa, beci diosta ruhuashca carcanguichic.

DEUTERONOMIO 9:18

Chai quipaca cancuna Mandac Diosta piñachingacaman paipac ñaupapi mana allita ruhuashpa, juchallishcanmantami utcapi shina, chuscu chunga punzhata, chuscu chunga tutata mana micushpa, mana yacuta ubiashpa, Mandac Diospac ñaupapi cumurircani.