DEUTERONOMIO 9:23 - Dios Rimashcata Quillcashcami

²³ Mandac Dios Cades-barneamanta cancunata cachashpaca: “Huichaiman rishpa, ñuca cushca llactata japigrichic” nicpipish, pai mandashcata mana cazurcanguichicchu. Chashnami cancunaca paita mana crishpa, pai nishcata mana uyarcanguichic.

DEUTERONOMIO 9:23 ပူးပေါင်းရင်းမြစ်များ

SALMOS 78:22

Diosta mana crishcamanta, pai quishpichina cashcapi shunguta mana churashcamantami chashnaca piñarirca.

ISAÍAS 63:10

Ashtahuanpish paicunaca mana cazushpami, paipac jucha illac Espirituta piñachirca. Chaimantami Diosca paicunata piñashpa, paicunahuan macanacurca.

NÚMEROS 13:1

Mandac Dios Moisesta rimashpaca:

NÚMEROS 14:1

Chai tutaca tucui israelcunami tandanacushpa caparishpa huacarca.

NÚMEROS 14:2

Israelcuna Moisestapish, Aarontapish rimashpaca: «¡Egipto llactallapitac huañushca cashpachari alli canchicman carca! ¡Mana cashpaca cai shitashca pambapi huañushpachari alli canchicman!

NÚMEROS 14:9

Chaimanta Mandac Diosta ama piñachichicchu. Chai llactapi causaccunatapish mana manchanachu canchic. Ñucanchicca paicunataca tandata micuc shinami tucuchishun. Paicunata llaquishpa ayudacpish, mana tiyanchu. Cutin ñucanchicca Mandac Diostami charinchic. ¡Chaimanta ama manchaichicchu!— nirca.

DEUTERONOMIO 1:2

Horeb urcumanta Seir urcuta rishpa, Cades-barneaman chayangapacca chunga shuc punzhatami purina carca.

DEUTERONOMIO 32:20

Chaimantami: “Paicuna ima tucucta ricungapac, paicunata mana tigra ricushachu. Paicunaca huahua huahua millaita ruhuaccunami.

HEBREOS 4:2

Ñucanchicmanpish paicunaman shinallatacmi alli huillaita huillarca. Shina cashpapish, paicunaca mana crircachu, criccunhuan mana tandanacurcachu. Chaimantami paicuna uyashcaca yangalla carca.