DEUTERONOMIO 9:19 - Dios Rimashcata Quillcashcami

¹⁹ Mandac Dios cancunahuan yallita piñarishpa, cancunata tucuchigricucpimi, ñucaca yallita manchaihuan carcani. Shina cacpipish, Mandac Diosca cutinllatacmi ñuca mañashcata uyarca.

DEUTERONOMIO 9:19 ပူးပေါင်းရင်းမြစ်များ

SALMOS 106:19

Horeb urcupica curita yacuyachishpa, ruhuashca becipac ñaupapimi cungurircacuna.

SALMOS 106:23

Chaimantami Diosca tucuchinata munarca. Pai acllashca Moisés paipac ñaupapi mañashpa mana jarcashca cacpica, tucuchinmanmi carca. Paimi ama tucuchichun paipac ñaupapi mañashpa jarcarca.

SALMOS 78:59

Chaita ricushpami Diosca israelcunahuan yallita piñarishpa mana chasquisha nirca.

SALMOS 99:6

Moisespish, Aaronpish paipac curacunapurami carca. Samuelpish paita mañaccunapurallatacmi carca. Paicuna mañashcataca Mandac Diosca uyacmi carca.

ÉXODO 32:14

Chaimantami Mandac Diosca pai acllashca gentecunata llaquichisha nicushpapish mana llaquichishpa saquirca.

ÉXODO 33:17

Shina nicpimi, Mandac Diosca Moisestaca: —Ñucami cambac alli ricsishca cani. Ñuca ñahuipica allimi ricurishcangui. Ñuca nishcatapish canmanca ricuchishami— nirca.

ÉXODO 34:10

Mandac Diosca Moisestaca: «Riqui, ñucaca tucuipac ñaupapimi ari ninacuita ruhuani. Cai pachapipish, mai llactacunapipish mana ruhuashca jatun mancharinacunatami ruhuashpa ricuchisha. Tucui canhuan cac gentecunami chashna Mandac Dios mancharinacunata ruhuashcata ricunga. Ñuca ruhuashcacunaca mai sumacmi canga.

NÚMEROS 11:2

Chaimantami israelcunaca Moisesta caparishpa mañarca. Shina mañacpi, Moisés paicunamanta Mandac Diosta mañacpica, ninaca huañurcami.

DEUTERONOMIO 10:10

Punta punzhacunapi shinallatacmi ñucaca chuscu chunga punzhata, chuscu chunga tutata urcupi carcani. Mandac Dios cutinllatac ñuca mañashcata uyashpami, cancunataca mana tucuchirca.

DEUTERONOMIO 11:17

Chashna mana allita ruhuacpica, Mandac Dios nina japiric shina piñarishpami, pai cusha nishca sumac llactapica jahua cielota huichcac shina mana tamyachinga. Allpacunapish mana pucucpica, utcami tucuringuichic.

DEUTERONOMIO 9:20

Shinallatac Aaronhuanpish Mandac Diosca yallita piñarishpami, paitapish tucuchigrirca. Paimantapish chai punzhapica mañarcanimi.

DEUTERONOMIO 9:8

Horeb urcupica Mandac Diosta yallitami piñachircanguichic. Chaimantami Mandac Diosca cancunahuan piñarishpa llaquichirca.

HEBREOS 12:21

Chaipi ricushca yalli manchaipac cacpimi, Moisesca: «Manchaihuan chucchucunimi» nirca.