DEUTERONOMIO 9:11 - Dios Rimashcata Quillcashcami

¹¹ Chuscu chunga punzha, chuscu chunga tuta tucucpica, Mandac Diosca cancunahuan ari nishcata quillcashca ishcai tabla rumita curcami.

DEUTERONOMIO 9:11 ပူးပေါင်းရင်းမြစ်များ

ÉXODO 31:18

Sinaí urcupi Mandac Dios Moises-huan parlanacushpaca, chunga mandashcacunatami paipac maqui dedohuan ishcai tabla rumipi quillcashpa, Moisesman curca.

ÉXODO 32:1

Moisés urcumanta mana utca shamucpimi, israelcuna Aaronpacman cuchuyashpaca: —Egiptomanta llucchicmuc Moisesca, imachari tucurca. Mana yachanchicchu. Jatari, ñucanchicta pushachun, shuc diosta ruhuai— nirca.

NÚMEROS 10:33

Mandac Diospac urcumanta israelcuna rishpaca, quimsa punzhatami purirca. Mandac Dios-huan ari nishca quillcata huacaichina Arcahuanca ñaupashpami quimsa punzhata maipi samarinata mashcashpa purirca.

DEUTERONOMIO 9:9

Mandac Dios cancunahuan ari nishca tabla rumita urcumanta apamungapac rishpaca, chuscu chunga punzha, chuscu chunga tutatami mana micushca, yacuta mana ubiashca carcani.

HEBREOS 9:4

Chaica, inciensota rupachina curi altarmi tiyarca. Dios-huan ari nishcata huacaichina, muyundita curimanta ruhuashca cajonpish tiyarcami. Chai cajonpica maná shuti tandapish, curimanta ruhuashca mangapish, Aaronpac huiñacuc verdinlla taunapish, Dios mandashcacunata quillcashca ishcai tabla rumipish tiyarcami.