DEUTERONOMIO 9:1 - Dios Rimashcata Quillcashcami

¹ ¡Israelcuna uyaichic! Cunanmi Jordán yacuta pasashpa, cancunata yalli achca, sinchi gentecunamanta allpata quichushpa, llucchishpa cachagringuichic. Muyundita alto pircashca llactacunatapish quichunguichicmi.

DEUTERONOMIO 9:1 ပူးပေါင်းရင်းမြစ်များ

GÉNESIS 11:4

Chai quipaca: «Cunanca, shuc pueblotapish, jahua pachaman alto shuc torretapish chayachingapac jacuchic. Shina ruhuashpami, mana caita chaita rishpa, cai pachapica tucui gentecunapac alli nishca causashun» ninacurca.

ÉXODO 32:1

Moisés urcumanta mana utca shamucpimi, israelcuna Aaronpacman cuchuyashpaca: —Egiptomanta llucchicmuc Moisesca, imachari tucurca. Mana yachanchicchu. Jatari, ñucanchicta pushachun, shuc diosta ruhuai— nirca.

DANIEL 4:11

Chai yuraca huiñashpami sinchi tucurca. Chai yuraca jahua pachacamanmi carca. Chaimantami cai pachamantaca maimantapish ricunalla carca.

AMÓS 2:9

Ñucami amorreocunataca paicunapac ñaupapi tucuchircani. Paicunaca cedro yura shina jatun, encina yura shina sinchimi carca. Shuc yurata pucushcandi, sapindi tucuchic shinami, paicunataca tucuchircani.

NÚMEROS 13:22

Neguevta huichai rishpaca, Anacpac huahua huahua Ahimán, Sesai, Talmai causana Hebronmanmi chayarca. Hebronca Egiptopi cac Zoán llacta manarac tiyacpi, canchis huata ñaupaman ñami tiyashca.

NÚMEROS 33:51

«Israelcunataca: “Cancuna Jordán yacuta pasashpa, Canaanman yaicushpaca,

DEUTERONOMIO 1:28

¿Maimantac rishun? Ñucanchic huauquicunaca: ‘Chai llactapica ñucanchicta atishpa ashtahuan achca, ashtahuan jatun gentecunami tiyan. Llactacunapish muyundita alto jarcashca, shinallatac Anac runapac huahua huahuacunatami chaipica ricumunchic nishpami manchachirca’ ninmi” nircanguichic.

DEUTERONOMIO 11:23

Chashna pactachicpica, Mandac Diosca chai llactapi causaccunata cancunapac ñaupamanta catishpa cachangami. Cancunata yalli achca, shinallatac sinchi gentecunatami llucchishpa cachashpa, chaipi causai callaringuichic.

DEUTERONOMIO 11:31

Mandac Dios cushca llactata japingapacmi Jordán yacuta pasagringuichic. Chai llactata japishpami, chaipi causanguichic.

DEUTERONOMIO 27:2

Mandac Dios cushca llactaman ringapac Jordán yacuta pasashca punzhapica jatun rumicunata shayachishpami calhuan yuracyachina canguichic.

DEUTERONOMIO 3:18

Chai huatacunapica cancunataca: “Mandac Diosmi cai llactacunata curca. Tucui macanacuc runacunaca cancunapac huauqui israelcunapac ñaupata richic.

DEUTERONOMIO 4:1

Cunanca israelcuna, ñaupa taitacunata Mandac Dios cushca llactaman yaicushpa causangapacca cai mandashcacunatapish, yachachishcacunatapish, imata ruhuachun yachachishcatapish alli uyaichic.

DEUTERONOMIO 4:38

Cancunapac ñaupamanta jatun llactacunata, yalli jatun, sinchi gentecunata llucchishpa cachashpami, chai llactapi cancunaman cunga. Cunanpish chashnallatacmi ruhuacun.

DEUTERONOMIO 6:10

Cancunapac taita Abrahamman, Isaacman, Jacoboman cungapac ari nishca llactaman Mandac Dios cancunata yaicuchicpica, cancuna mana ruhuashca sumac jatun llactacunapimi causanguichic.

DEUTERONOMIO 7:1

Cancuna japina llactaman Mandac Dios pushacpica, cancunata yalli sinchi canchis llactacunamanta heteocunata, gergeseocunata, amorreocunata, cananeocunata, ferezeocunata, heveocunata, jebuseocunata llucchishpa cachanguichicmi.

JOSUÉ 1:11

«Carpa huasicunaman rishpaca: “Quimsa punzha quipaca ñucanchicta Mandac Dios cusha nishca llactaman yaicungapacmi Jordán yacuta pasagrinchic. Chaimanta micunata allichichic” nigrichic» nirca.

JOSUÉ 1:15

Chashnami cancunata Mandac Dios cancunata pasachishca shinallatac, cancunapac huauquicunata samachingacaman, shinallatac paicunapish Mandac Dios cushca allpata japingacaman ayudana canguichic. Chai quipaca Jordán yacumanta inti llucshina ladoman Mandac Diosta servic Moisés cancunaman cushca llactaman cutinguichicllami” nishcata yuyarichic— nirca.

JOSUÉ 14:12

Chai punzhapi Mandac Dios nishca shinallatac chai urcucunataca ñucaman cuiyari. Chai punzhacunapica canllatacmi chai llactapi anaquitacuna causashcata, pueblocunapish muyundi pircashca cashcata, jatun pueblocuna cashcatapish uyarcangui. ¡Shina cacpipish, Mandac Dios nishca shina, pai ñucahuan cashcamantaca chai runacunataca chai pueblocunamanta llucchishpa cachashallami!— nirca.

JOSUÉ 3:14

Israelcunaca Jordán yacuta pasangapac paicunapac carpa huasicunamanta llucshicpica, Dios ari nishca quillcata huacaichina Arcata huanduc curacunaca israelcunapac ñaupatami rirca.

JOSUÉ 3:16

jahuamanta shamuc yacuca Saretán pueblo ladopi tiyac Adam pueblomanta ashtahuan carupimi tandarishpa saquirirca. Shinami Arabá cuchaman, Cachi Cuchaman ric yacuca chaupirishpa chaquirirca. Shina tucucpica, israelcunaca Jericó puebloman pasarcacunallami.

JOSUÉ 3:6

Quipata curacunata Josué rimashpaca: «Dios ari nishca quillcata huacaichina Arcata huandushpa, israelcunapac ñaupata richic» nirca. Shina nicpimi, Arcata huandushpa, israelcunapac ñaupata rircacuna.

JOSUÉ 4:19

Israelcunaca punta quilla, chunga punzhapimi Jordán yacuta pasashpa, Gilgal pueblo lado pambapi carpacunata shayachishpa tiyarirca. Gilgal puebloca Jericó pueblomantaca inti llucshina ladomanmi carca.

JOSUÉ 4:5

Josueca Paicunataca: «Cancunata Mandac Diospac Arca ñaupata rishpa, Jordán yacu chaupicaman richic. Chaimantaca cada Israel aillucunamanta acllashca chunga ishcai runacuna, cada shuc rumita marcashpa apaichic.