DEUTERONOMIO 8:8 - Dios Rimashcata Quillcashcami

⁸ Trigopish, cebadapish, uvaspish, higopish, granopish tiyac, sumac aceiteta cuc olivospish tiyac, sumac mishquicunapish tiyac llactatami cunga.

DEUTERONOMIO 8:8 ပူးပေါင်းရင်းမြစ်များ

GÉNESIS 49:11

Mama burropac huahua cari burrotaca uvas chagrapimi huatanga. Paipac churanataca vinopimi tacshanga. Pucanlla uvasta capishca yacupimi jahualla churanataca tacshanga.

2 SAMUEL 4:6

Huasita cuidacca trigotami huairachicurca shina cashpapish sueñushpami saquirirca. Chaipimi Recabpish paipac huauqui Banaapish ucuman yaicurcacuna.

1 REYES 5:11

Shinallatac Salomonpish, Hirammanca ishcai chunga huaranga coro trigota, ishcai chunga huaranga bato ashtahuan alli aceitetami huatanta curca.

2 REYES 18:32

Ñucaca cancunapac llacta shinallatac alli granota pucuc, vinopish, tucuilaya micunapish, uvas chagracunapish, olivospish, aceitepish, bunga mishquipish tiyac llactaman pushac shamungacamanmi chashna causanguichic. Chashnami mana yarcaihuan huañunguichic. Ezequiastaca mana uyanachu canguichic. Paica llullashpami: ‘Mandac Diosca ayudangami’ nicun.

SALMOS 147:14

Cambac llactapi cushi causaita cushpami, micuchunpish alli trigota mana nicta caran.

SALMOS 81:16

Diosca ashtahuan alli trigotapish, rumipi tiyac bunga mishquitapish mana nictami caranman carca.

ISAÍAS 7:23

Chai huatapica chunga shuc kilo yalli pezac cullqui valic huaranga uvas yuracunata tarpuna pambapica cashacuna, cardos yuracunami huiñanga.

JEREMÍAS 2:7

Ñucami allita micushpa causachun alli grano pucuc allpaman pushamurcani. Ashtahuanpish cancuna chaiman yaicushpaca ñuca llactata mapayachircanguichicmi. Millanatami ruhuarcanguichic.

JEREMÍAS 5:17

Paicunami cancunapac granotapish, ovejacunatapish, huagracunatapish, uvas chagracunatapish, higo yuracunatapish tucuchishpa, cancunapac churicunatapish, ushicunatapish micunga. Chashna ruhuashpami, cancuna shunguta churashpa, causana muyundita pircashca llactacunatapish espadacunatapish tucuchinga» ninmi.

EZEQUIEL 27:17

Judá llacta gentecunapish, israelcunapish canhuanmi catushpa, randishpa causac carca. Paicunaca plazacunapica trigohuan, mirrahuan, mishquihuan, aceitehuan, resinahuanmi randic carca.

OSEAS 2:22

Chaimantami allpapica trigopish, uvaspish, olivospish pucunga. Tucui chai granocunaca Jezreelpacmi canga.

OSEAS 2:8

Paica ñucallatac trigota, llullu vinota, aceiteta cuc cashcataca cungarircami. Ashtahuanpish ñuca cushca cullquita, curitaca Baal diosmanmi curca.

MIQUEAS 4:4

Tucui runacunami quiquin uvas yura ucupi, higo yura ucupi pipish mana manchachishca cushilla samaringa. Chaitaca tucuita Mandac Diosmi nin.

HABACUC 3:17

Higo yuracuna mana sisacpipish, uvas yuracunapi grano mana tiyacpipish, olivos mana pucucpipish, allpacuna mana cucpipish, oveja manada mana tiyacpipish, vacacuna corralpi mana tiyacpipish,

NÚMEROS 13:23

Chaimantaca Escol yacu huaicu pambacamanmi chayarca. Chaimantami ramandi uvasta pitishpa, shuc caspipi huandushpa apamurca. Shinallatac granadacunatapish, higocunatapish apamurcami.

SAN JUAN 6:13

Paicuna tandachishpaca, chunga ishcai taza jundatami chai pichca cebada tandamanta puchushcataca tandachirca.

SAN JUAN 6:9

—Caipimi shuc huambra pichca cebada tandata, ishcai challuata charicun. Caillaca cai tucui gentecunamanca, ¿imatac pactangayari?— nirca.

DEUTERONOMIO 32:13

Jahua urcucunata pushashpami, campopi pucushca granocunata cararca. Paimi quingraimanta abeja mishquita, sinchi rumimanta aceiteta cararca.

DEUTERONOMIO 32:14

Vaca leche mantequillatapish, oveja lechetapish, maltón oveja huirahuan, cari oveja huirahuanmi cararca. Basanmanta cari chivohuan, tucuimanta yalli alli trigohuanmi cararca. Sumac uvas vinotami ubiachirca.

DEUTERONOMIO 6:3

Israelcunalla uyaichicyari. Lechepish, mishquipish yacu shina callpacuc llactapi tucui imata cancuna ruhuashca alli llucshichunca caicunata yuyarashpami, pactachina canguichic. Chashnami ñaupa cancunapac taitacunaman Mandac Dios nishca shina achca tucushpa causanguichic.

DEUTERONOMIO 8:7

Mandac Diosca sumac yacu caita chaita callpacuc, allpa ucutapish yacu callpacuc, pambacunapish, urcucunapish yacu llucshicuc llactatami cancunamanca cunga.

DEUTERONOMIO 8:9

Chai llactapica mana ashallatachu micunguichic. Chaipica imapish mana illangachu. Chai llacta rumimantaca fierromi llucchicunga. Urcucunamantaca cobretami llucchinguichic.