DEUTERONOMIO 8:4 - Dios Rimashcata Quillcashcami

⁴ Cancuna chuscu chunga huatata puricucpica, churanapish mana maucayarcachu. Chaquipish mana punguircachu.

DEUTERONOMIO 8:4 ပူးပေါင်းရင်းမြစ်များ

NEHEMÍAS 9:21

Canca shitashca pambapi, chuscu chunga huatata cacpipish cuidarcanguimi. Imapish mana illarcachu, paicunapac churanacunapish, mana maucayarcachu. Chaquicunapish mana punguillircachu.

ÉXODO 16:35

Israelcuna causana llactaman chayangacamanmi chuscu chunga huatata maná shuti tandata micurca. Chaica Canaán llactaman yaicungacamanmi micurca.

NÚMEROS 14:33

Cancunapac huahuacunaca chuscu chunga huatatami cai shitashca pambapica michishpa puringa. Paicunami cancuna millaita ruhuashcamantaca cai shitashca pambapi cancuna huañushpa tucuringacaman llaquita apanga.

DEUTERONOMIO 2:7

Mandac Diosca cancuna imata ruhuacpipish bendiciashcami. Cai shitashca pambata ricucpica, paimi tucuipi cuidarca. Mandac Diosca chuscu chunga huatatami cancunahuan cashca. Cancunamanca imapish mana illashcachu.

DEUTERONOMIO 29:5

Ñucaca chuscu chunga huatatami shitashca pambataca cancunata pushamurcani. Chai huatacunaca cancunapac churanapish mana maucayarcachu, ushutapish mana tucurircachu.