DEUTERONOMIO 8:18 - Dios Rimashcata Quillcashcami

¹⁸ Chaipac randica Mandac Diosta yuyaringuichic. Paimi cunan shina, cancunapac ñaupa taitacunahuan ari nishcata pactachingapac imatapish achcata charichun, fuerzata cancunamanca curca.

DEUTERONOMIO 8:18 ပူးပေါင်းရင်းမြစ်များ

GÉNESIS 32:14

Chaica, ishcai patsac huarmi chivota, ishcai chunga pactalla cari chivota, ishcai patsac huarmi ovejata, ishcai chunga cari ovejata,

1 CRÓNICAS 29:12

Canmi ima charinatapish, cushicuitapish cungui. Canmi tucuita mandangui. Can mandanapish, tucui imata ruhuanapish cambac maquipimi. Jatun yachanapish, sinchiyachinapish cambac maquillapitacmi.

2 CRÓNICAS 25:9

Shina nicpi, Amasiasca Mandac Diospac runataca: —Patsac talento cullquita Israel soldadocunaman cushcataca, ¿imatatac ruhuasha?— nirca. Shina nicpimi, Mandac Diospac runaca: —Mandac Diosca chaitapish yallitami cunata pudin— nirca.

SALMOS 144:1

Ñuca miticuna jatun rumi shina Mandac Diosca alli nishca cachun. Paimi ñuca maquitapish, dedotapish jatun macanacuipi macanacuchun yachachin.

SALMOS 44:3

Chai llactataca mana paicunapac espadahuan, mana paicunapac rigrahuan macanacushpachu japirca. Ashtahuanpish can cuyashcamantami paicunapac ñaupaman achiclla shamushpa, cambac poderhuanmi mishachircangui.

PROVERBIOS 10:22

Mandac Dios bendiciashcaca chayucyachinmi. Shinallatac ima llaquipipish mana churanchu.

ECLESIASTÉS 12:1

Huambrarac cai punzhacunaca canta ruhuac Diosta yuyaringui. Manarac llaqui punzhacuna chayamucpi yuyaringui. Chai huatacuna chayacpica: «Cai causaipica mana cushicui tiyanchu» ninguimi.

ECLESIASTÉS 9:11

Inti achicyachicuc cai pachapica caitapish ricurcanimi: Jatun callpaipica mana sinchi callpaccunachu mishan. Macanacuipipish mana sinchicunachu mishan. Micunatapish mana yachaccunallachu micun. Mana yuyaisapacunallachu chayucyan. Mana allita rimaccunallachu alli nishca can. Ashtahuanpish tucuimanmi alli punzhapish, mana alli punzhapish shamun.

JEREMÍAS 23:27

Tucui paicuna muscushcata paicunapac ricsishcacunaman parlashpaca, ñuca acllashcacuna ñaupa taitacuna shina ñuca shutita cungarishpa, Baal dioscunata catichunmi parlashpa purincuna.

OSEAS 2:8

Paica ñucallatac trigota, llullu vinota, aceiteta cuc cashcataca cungarircami. Ashtahuanpish ñuca cushca cullquita, curitaca Baal diosmanmi curca.

DEUTERONOMIO 26:10

Mandac Dioslla, can cushca allpapi punta pucushcatami apamunchic” ninguichic. Chai canashtata Mandac Diospac ñaupapi churashpa, cancunata Mandac Diosta alli nishpa cumuringuichic.

DEUTERONOMIO 6:11

Huasicunaca cancuna mana jundachishca sumaccuna junda, cancuna mana allashca yacu junducunapish, cancuna mana tarpushca uvas chagrapish, olivos yuracunapish tiyangami. Chaicunata mana nicta micushpaca,

DEUTERONOMIO 7:12

Cancuna cai mandashcacunata yuyarashpa cazucpimi, Mandac Diosca cuyashpa, cancunapac taitacunahuan ari nishcataca pactachinga.

DEUTERONOMIO 7:8

Ashtahuanpish Mandac Diosca pai cuyac cashcamanta, cancunapac taitacunahuan ari nishcata mana cungarishcamantami cancuna Egipto llactapi Faraonpac maquipi huatashca shina servicucmanta paipac poderhuan llucchirca.

DEUTERONOMIO 8:1

Mandac Dios ñaupa taitacunaman cungapac ari nishca llactaman yaicushpa, achca tucushpa causangapacca cunan cancunaman mandashcacunata alli yuyarashpa cazunguichic.

JUECES 3:7

Israelcunaca Mandac Diospac ñaupapi mana allita ruhuashpami paicunata Mandac Diosta cungarishpa Baal dioscunata, Aserami diosman ricchacunata servircacuna.

JUECES 7:2

Chaipimi Mandac Diosca Gedeontaca: «Madianitacunata cambac maquipi churangapacca canhuanca yallimana gentecunami. Chashna israelcunaca achca cashpaca: “Ñucanchic alli sinchi cashpami macanacuita mishashcanchic” nishpa, ñucata piñachingacunami.

1 SAMUEL 2:7

Mandac Diosmi huacchatapish, charictapish ruhuan. Paimi yangallatapish, alli nishcatapish ruhuan.