DEUTERONOMIO 8:17 - Dios Rimashcata Quillcashcami

¹⁷ Chaimanta pacta cancunapac shungupi: “Ñucanchic sinchi cashcamanta, ñucanchic sinchi maquimantami caicunataca charinchic” ninguichicman.

DEUTERONOMIO 8:17 ပူးပေါင်းရင်းမြစ်များ

JOB 31:25

Ñuca charishcacuna achca cashcamanta, ñuca maquihuan achcata japishcamanta cushicushca cashpa,

SALMOS 44:3

Chai llactataca mana paicunapac espadahuan, mana paicunapac rigrahuan macanacushpachu japirca. Ashtahuanpish can cuyashcamantami paicunapac ñaupaman achiclla shamushpa, cambac poderhuanmi mishachircangui.

ECLESIASTÉS 3:6

Mashcangapacpish, chingachingapacpish punzha tiyanmi. Huacaichingapacpish, shitangapacpish punzha tiyanmi.

ECLESIASTÉS 9:11

Inti achicyachicuc cai pachapica caitapish ricurcanimi: Jatun callpaipica mana sinchi callpaccunachu mishan. Macanacuipipish mana sinchicunachu mishan. Micunatapish mana yachaccunallachu micun. Mana yuyaisapacunallachu chayucyan. Mana allita rimaccunallachu alli nishca can. Ashtahuanpish tucuimanmi alli punzhapish, mana alli punzhapish shamun.

JEREMÍAS 9:22

Mandac Diosca: «Huañushcacunaca huanuta pambapi shitashca shinami siricun. Trigota cosechashca quipa trigo umata pipish mana japishca shinami siricun» nirca.

EZEQUIEL 28:5

Catunata, randinata alli yachashpami, yallita chayucyarcangui. Chaimantami cambac shungupica jatun tucushcangui.

DANIEL 4:27

Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.

DANIEL 4:30

«¿Manachu cai jatun Babilonia llactataca ñuca alli nishca cangapac, ñuca fuerzahuan shayachircani?» nirca.

OSEAS 12:8

Chaimantami Efraín ailluca: «Ñucanchicca yallita japishpami yallita chayucyashcanchic. Pipish ñucanchictaca mana juchanchingachu. Ñucanchicca ima mana allita mana ruhuashcanchicchu» ninmi.

HABACUC 1:16

Chaimantami paicunapac linchiman animaltapish, inciensotapish rupachinga. Chai linchihuanmi ima charinacunata yallita mirachirca. Shinallatac sumac micunatami micurca.

1 CORINTIOS 4:7

¿Pitac cantaca shuccunamanta yallita ruhuarca? ¿Imatatac Diosmantaca mana chasquircangui? Chashna tucuita chasquishpaca, ¿ima nishpatac Diosmanta mana chasquishca shina jatun tucungui?

DEUTERONOMIO 7:17

Cancunapac shungupica: “Cai llactapi causaccunaca ñucanchicta yalli achcami. ¿Ima shinatac llucchishpa cachashunyari?” ninguichicmi.

DEUTERONOMIO 9:4

Mandac Dios cancunapac ñaupamanta catishpa cachacpica, pacta cancunaca: “Ñucanchic allita ruhuashcamantami Mandac Diosca cai llactata cungapac pushamushca” yuyanguichicman. Ashtahuanpish chai llactapi causaccuna mana allita ruhuashcamantami Mandac Diosca llucchishpa cacharca.

JUECES 7:2

Chaipimi Mandac Diosca Gedeontaca: «Madianitacunata cambac maquipi churangapacca canhuanca yallimana gentecunami. Chashna israelcunaca achca cashpaca: “Ñucanchic alli sinchi cashpami macanacuita mishashcanchic” nishpa, ñucata piñachingacunami.

1 SAMUEL 2:7

Mandac Diosmi huacchatapish, charictapish ruhuan. Paimi yangallatapish, alli nishcatapish ruhuan.

1 SAMUEL 30:23

Shina nicucpimi Davidca: —Ñuca huauquicunalla, ama chashna ruhuaichicchu. Caicunataca Mandac Diosmi ñucanchicman curca. Paillatacmi ñucanchicta cuidashpa shuhuac runacunatapish ñucanchic maquipi churarca.