DEUTERONOMIO 8:15 - Dios Rimashcata Quillcashcami

¹⁵ Paimi huañuchic culebracuna, alacrancuna tiyac, maipipish mana yacu tiyac, shitashca pambata pushamurca. Yacunayachicpipish, paimi sinchi rumimanta yacuta llucchirca.

DEUTERONOMIO 8:15 ပူးပေါင်းရင်းမြစ်များ

SALMOS 105:41

Rumi quingraita chaupishpami yacuta llucchirca. Chai yacuca chaquishca allpacunatami jatun yacu tucushpa callparca.

SALMOS 114:8

Paimi chaquishca rumi quingraitaca yacu junduta ruhuarca. Jatun rumitaca yacu tucyacuctami ruhuarca.

SALMOS 136:16

Pai acllashcacunata shitashca pambapi michic shina pushac Diosta alabaichicyari. ¡Paica huiñaita llaquicmi!

ISAÍAS 30:6

Neguevpi tiyac sacha animalcunata Dios llaquichinamanta huillashpaca: «Llaquihuan huacana pambata, leoncuna, millai culebracuna, alasyuc manchana culebracuna causana pambatami paicunapac charishcacunata, sumac valishcacunata burrocunapi, camellocunapi cargashpa, manapish ayudai pudic runacunaman cungapac apancuna.

ISAÍAS 35:7

Chaquishca rupacuc tiyupish yacu cuchami tucunga. Chaquishca allpacunataca yacumi callpacunga. Chacal animalcuna causanapica carrizocuna, totoracunami huiñanga.

ISAÍAS 43:19

Ñucaca cancuna mana ricushca mushuctami ruhuacuni Chaitaca ñallami ricuchisha. Chaitaca, ¿manachu ricunguichic? Cutinmi shitashca pambata ñanta pascashpa, chaquishca pambacunapica jatun yacucunata llucchisha.

JEREMÍAS 2:6

Paicunaca: “¿Maipitac Egiptomanta ñucanchicta llucchimuc Mandac Diosca? Paica shitashca pambapipish, huañui japina amsapipish, chaquishca pambacunata, pipish mana purishca, pipish mana causashca llactatami ñucanchictaca pushamurca” nishpaca mana nircacunachu.

OSEAS 13:5

Ñucami shitashca pambapi cancunata ayudarcani.

NÚMEROS 20:11

Chashna nishpami, Moisesca maquita alzashpa, paipac varahuan ishcai cutin rumi quingraipi huactarca. Chashna huactacpica, achca yacumi llucshirca. Chai yacutami tandanacushca israelcunapish, paicunapac animalcunapish ubiarca.

NÚMEROS 21:6

Shina nicpimi, Mandac Diosca israelcunapac chaupiman huañuchic culebracunata cacharca. Chai culebracuna canicpimi, tauca israelcuna huañurca.

1 CORINTIOS 10:4

Dios cushca ubianatami ubiarcacuna. Paicunahuan ricuc Rumimanta llucshicuc yacutami ubiarcacuna. Chai Rumica Cristomi carca.

DEUTERONOMIO 1:19

Ñucanchicta Mandac Dios mandashca shinami, Horeb urcumanta llucshishpaca, cancuna ricushca jatun manchaipac pambata pasashpa, amorreocunapac urcu ñanta rishpa, Cades-barneaman chayarcanchic.

DEUTERONOMIO 32:13

Jahua urcucunata pushashpami, campopi pucushca granocunata cararca. Paimi quingraimanta abeja mishquita, sinchi rumimanta aceiteta cararca.