DEUTERONOMIO 7:5 - Dios Rimashcata Quillcashcami

⁵ Paicunataca cashnami ruhuana canguichic: Paicunapac altarcunata tigrachishpa, ruhuashcalla dioscunata yuyarina rumicunatapish polvonguichic. Asera huarmi diosta yuyarina yuracunatapish tigrachishpa, labrashpa ruhuashca dioscunatapish tucui rupachinguichic.

DEUTERONOMIO 7:5 ပူးပေါင်းရင်းမြစ်များ

2 REYES 10:26

Baal diosta yuyarina ucumanta ruhuashcalla dioscunata llucchishpa rupachirca.

1 CRÓNICAS 14:12

Chashna aticpimi, filisteocunaca paicunapac dioscunata shitashpa rircacuna. Davidca chai dioscunata rupachichunmi mandarca.

2 CRÓNICAS 14:3

Paimi mana ricsishca dioscunapac altarcunatapish, lomacunapi tiyac altarcunatapish anchuchirca. Imamanpish riccha dioscunatapish paquishpami Asera huarmi diosta yuyarina yuratapish tucuchirca.

ÉXODO 23:24

Paicunapac dioscunapac ñaupapi ama cumuringuichu. Shinallatac ama servinguichu, ama paicuna shina mana allita ruhuanguichu. Ashtahuanpish diosman riccha rumicunataca ñutuchishpami chingachina cangui.

ÉXODO 32:20

Chashna ruhuashpaca curimanta ruhuashca becita ninapi rupachishpa, ñutuchishpami polvota ruhuarca. Chai polvotaca yacupi churashpami, israelcunaman ubiachirca.

ÉXODO 34:13

Ashtahuanpish paicunapac altarcunata urmachishpa shitangui. Adorana rumi dioscunatapish paquingui. Asera huarmi diosta yuyarina yuracunatapish pitingui.

ISAÍAS 17:8

Paicunapac maquihuan ruhuashca altarcunatapish, Asera huarmi diosta yuyarina yuratapish, paicunapac maquihuan ruhuashca dioscunatapish, inciensota rupachina altartapish mana ricungachu.

LEVÍTICO 26:1

Ama shuctac dioscunatapish, imaman ricchacunatapish ruhuanguichicchu. Cancunapac llactapica ama rumimanta ruhuashca dioscunatapish, pintashca rumicunatapish ruhuanguichicchu. Ama chaicunapac ñaupapi cumuringuichicchu. Ñucami cancunata Mandac Dios cani.

NÚMEROS 33:52

chai llactapi causaccunataca tucuita llucchishpa cachanguichic. Chashnallatac rumimanta ruhuashca dioscunata chingachinguichic. Lomacunapi ruhuashca altarcunatapish tucuita chingachinguichic.

DEUTERONOMIO 16:21

Mandac Diospac altar ladopica Asera huarmi diosta yuyarina yurataca ama tarpunguichicchu.

DEUTERONOMIO 16:22

Mandac Dios mana ricunayachishca dioscunata yuyarina rumicunatapish ama shayachinguichicchu.

DEUTERONOMIO 7:25

Paicunapac ruhuashca dioscunataca ninapi rupachinguichic. Chai dioscunapi cahuishca curita, cullquita munashpapish ama japinguichicchu. Chaicunata japishpaca, mitcaric shinami pandaringuichic. Mandac Diosca chai dioscunata ruhuaccunataca millashpami mana ricunayachin.

DEUTERONOMIO 9:21

Ashtahuanpish cancunata pandachic beci diosta ninapi rupachishpa, ñututa ruhuashpami urcumanta shamuc yacu huaicupi shitarcani.