DEUTERONOMIO 7:3 - Dios Rimashcata Quillcashcami

³ Paicunahuan churita, ushita cazarachishpa, ama familia tucunguichicchu.

DEUTERONOMIO 7:3 ပူးပေါင်းရင်းမြစ်များ

GÉNESIS 24:3

Ñuca causacuc cananeocunapac ushita ñuca churipac huarmi cachun mana apamungapac jahua pachata, cai pachata Mandac Diospac shutipi ari ni.

1 REYES 11:2

Mandac Diosca israelcunataca: «Paicunahuanca ama cazaranguichicchu, paicunapish cancunahuanca mana cazaranachu can. Paicunahuan cazaracpica, paicunapac dioscunata catichun pandachingami» nishpami mandashca carca. Ashtahuanpish Salomonca chai huarmicunallatacmi cuyashpa, paipac huarmicuna cachun japirca.

1 REYES 16:31

Paica Nabatpac churi Jeroboam shinallatac juchacunata ruhuashpapish, ima juchata mana ruhuanichu nishpami yuyarca. Paica Sidón llactata jatun mandac Etbaalpac ushi Jezabelhuanmi cazararca. Ña cazarashpaca Baal diosta alli nishpa, servishpa causangapacmi rirca.

ESDRAS 10:3

Chaimanta cunanca, Dios mandashcata manchaccuna yuyashca shina, mandashcapi nishca shina tucui mana Israel huarmicunatapish, paicunapac huahuacunatapish llucchishpa cachangapac ñucanchic Dios-huan ari ninacushun.

ESDRAS 9:12

Chaimanta cunanca, cancunapac ushicunata paicunapac churicunahuan, paicunapac ushicunata cancunapac churicunahuan ama cazarachinguichicchu. Cancuna chai llactapi pucushca micunacunata micushpa sinchita causangapac, allpacunatapish cancunapac huahua huahuacunaman tucui causaipi saquingapacca paicunaman alli tucushpa causanata, paicunapac ima allitapish ama ruhuanguichicchu” nircanguimi.

NEHEMÍAS 10:30

Shinallatac ñucanchic ushicunata cai llacta ladopi causaccunapac churicunahuan, ñucanchic churicunatapish paicunapac ushicunahuan mana cazarachingapac.

JUECES 14:3

Shina nicpimi, paipac taita mamaca: —¿Can manapish circuncisionta ruhuashca, filisteopuramanta huarmihuan cazaranapac randica manachu ñucanchic aillupurapi, ñucanchic pueblopica huarmi tiyan?— nirca. Shina nicpimi, Sansonca taitataca: —Chai huarmitami munani, paihuan cazarachilla— nirca.