DEUTERONOMIO 7:25 - Dios Rimashcata Quillcashcami

²⁵ Paicunapac ruhuashca dioscunataca ninapi rupachinguichic. Chai dioscunapi cahuishca curita, cullquita munashpapish ama japinguichicchu. Chaicunata japishpaca, mitcaric shinami pandaringuichic. Mandac Diosca chai dioscunata ruhuaccunataca millashpami mana ricunayachin.

DEUTERONOMIO 7:25 ပူးပေါင်းရင်းမြစ်များ

2 REYES 23:14

Ruhuashcalla dioscunatapish, Asera diosta yuyarina yuratapish ñutuchishpami shitarca. Chai pushtucunapica gentecunapac tullucunatami jundachirca.

1 CRÓNICAS 14:12

Chashna aticpimi, filisteocunaca paicunapac dioscunata shitashpa rircacuna. Davidca chai dioscunata rupachichunmi mandarca.

ÉXODO 20:17

Ama shucpac huasita munangui. Shucpac huarmitapish, servicpac huarmitapish, canta servic huarmitapish, shucpac huagratapish, shucpac burrotapish, ima shuctac charishcatapish ama munangui» nishpami mandarca.

ÉXODO 32:20

Chashna ruhuashpaca curimanta ruhuashca becita ninapi rupachishpa, ñutuchishpami polvota ruhuarca. Chai polvotaca yacupi churashpami, israelcunaman ubiachirca.

ÉXODO 8:26

Shina nicpimi Moisesca: —Mana chai shina ruhuanachu canchic. Chashna animalta huañuchishpa, Mandac Diosman cushpaca, Egipto runacunamanca millanatami ruhuashun. Chai shina paicunapac ñaupapi ruhuacpica, ¿manachu rumicunahuan shitashpa huañuchinga?

ISAÍAS 30:22

Cullquimanta ruhuashca cancuna ruhuashcalla dioscunata, jahuata curihuan llutashpa ruhuashca dioscunatapish millaichic. Chaicunataca millana mapa llachapata shina: «¡Caimanta llucshi!» nishpa, caruta shitaichic.

ISAÍAS 41:24

Riquichic, cancunaca imapish mana canguichicchu. Cancuna maipi imata ruhuashcapish mana ricurinchu. Cancunata acllashpa charictaca millanayanmi.

LEVÍTICO 13:52

Ima churanapi, lino puchca aullishcapi, mana cashpaca millma puchca ahuashcapi, mana cashpaca caramanta ruhuashcacunapi mapa lepra ungüi cashcamantaca tucuimi ninapi rupachina can.

LEVÍTICO 19:4

Ama ruhuashcalla dioscunata alli ninguichicchu. Ama fierrota yacuyachishpa dioscunata ruhuanguichicchu. Ñucami cancunata Mandac Diosca cani.

SOFONÍAS 1:3

Gentecunatapish, animalcunatapish, volac animalcunatapish, mama cuchapi causac challuacunatapish, ñucata mana manchaccunatapish, cai pachapi causac gentecunatapish, tucuitami chingachisha.

DEUTERONOMIO 12:3

Altarcunatapish, adorana rumicunatapish tigrachinguichic. Asera huarmi diosta yuyarina yuracunatapish ninapi rupachishpa, polvoshpa, paicunapac shuticunata chai llactapi chingachinguichic.

DEUTERONOMIO 13:16

Tucui chaipi japishcacunataca plazapi tandachishpa, chai japishcacunandi, Mandac Diosman cuc shina rupachinguichic. Chashnami chai llactaca huiñaita rumi montón shina tucushpa, jaicapi mana cutin shayachishca saquiringa.

DEUTERONOMIO 17:1

Mandac Diosmanca alli huagrata, alli ovejata cunguichic. Chai shina animalcunataca Mandac Diosca millanayachinmi.

DEUTERONOMIO 23:18

Mandac Diospac huasimanca ama huainayashpa japishca cullquita apamunguichicchu. Caripura chayarinacushpa japishca cullquitapish ama apamunguichicchu. Mandac Diosca ishcaitatacmi millanayachin.

DEUTERONOMIO 27:15

“Caspimanta, mana cashpaca fierrota yacuyachishpa imamanpish riccha, Mandac Dios millanayachishca diosta ruhuashpa, pacallapi churacca, llaqui tucushca cachun” nishpa caparicpica, tucui gentecunami: “¡Chashna cachun!” ninga.

DEUTERONOMIO 7:16

Mandac Dios shuctac llactapi causaccunata cancunapac maquipi churacpica, mana llaquishpa tucuchinguichic. Paicunapac dioscunaca mitcachic shinami pandachinga. Chaimanta ama chaicunataca adoranguichicchu.

DEUTERONOMIO 7:5

Paicunataca cashnami ruhuana canguichic: Paicunapac altarcunata tigrachishpa, ruhuashcalla dioscunata yuyarina rumicunatapish polvonguichic. Asera huarmi diosta yuyarina yuracunatapish tigrachishpa, labrashpa ruhuashca dioscunatapish tucui rupachinguichic.

JOSUÉ 7:1

Ashtahuanpish israelcunaca Mandac Dios tucuchingapac chicanyachishcata pacalla japishpami pandarircacuna. Judapac aillupuramanta Acanmi chaitaca ruhuarca. Paica Carmipac churi, Zabdipac nieto, Zerapac bisnietomi carca. Chaimantami Mandac Diosca israelcunahuan nina japiric shina piñarirca.

JOSUÉ 7:21

Tucui japishcapurapimi Babilonia llactamanta randishca jahualla sumac ishcai patsac kilo pezac cullquita, pichca chunga siclos pezac curi barrata munashpa pacalla japircani. Chaicunaca ñuca carpa huasi ucu chaupi allpapimi pambashca. Cullquipish, chai ucullapitacmi can— nirca.

APOCALIPSIS 17:5

Frentepica pipish mana ricsishca quillcami tiyacurca. Chaipica: «¡Jatun Babilonialla! Cullquimanta huainayashpa causaccunapacpish, cai pachapi imatapish millaita ruhuaccunapacpish mamami cangui» nishcami carca.