DEUTERONOMIO 7:2 - Dios Rimashcata Quillcashcami

² Mandac Dios chai llactapi causaccunata cancunapac maquipi churacpimi, tucuita tucuchinguichic. Paicunahuan ama ari ninacunguichicchu, paicunata ama llaquinguichicchu.

DEUTERONOMIO 7:2 ပူးပေါင်းရင်းမြစ်များ

GÉNESIS 14:20

Canta piñaccunata cambac maquipi churac, jahua pachapi causac Diosca alli nishca cachun» nirca. Chaimantami Abramca tucui quichushcacunamanta chungamanta shucta Melquisedecman curca.

2 SAMUEL 21:2

Chashna nicpimi, jatun mandacca gabaonitacunata cayashpa parlarca. Gabaonitacunaca mana israelpuramantachu carca. Paicunaca amorreopuramanta ashalla saquirishcacunami carca. Paicunatami israelcunaca: ‘Mana llaquichishunchu’ nishpa ari nishca carca. Shina cashpapish Saulca israelcunaman, Judá gentecunaman allita ruhuasha nishpami tucuchinata yuyarca.

1 REYES 20:34

Chaipimi Ben-adadca: —Ñuca taita, cambac taitamanta quichushca pueblocunataca canmanmi cutichigrini. Samaria pueblopi ñuca taita catuna plazacunata churashca shinallatac, canpish Damasco pueblopi catunacunata churailla— nirca. Shina nicpimi Acabca: —Chaita ruhuasha nishcamantami ñucapish cantaca richun saquigrini— nirca. Chaita pactachingapac paihuan ari nishcamantaca richun saquircallami.

ESDRAS 10:3

Chaimanta cunanca, Dios mandashcata manchaccuna yuyashca shina, mandashcapi nishca shina tucui mana Israel huarmicunatapish, paicunapac huahuacunatapish llucchishpa cachangapac ñucanchic Dios-huan ari ninacushun.

SALMOS 106:34

Mandac Dios tucuchichun nishca gentecunatapish mana tucuchircacunachu.

ÉXODO 22:20

Maijanpish Mandac Diosman animalcunata huañuchishpa, mana cushpa, shuctac dioscunaman cucca huañunami can.

NÚMEROS 21:2

Chaimantami israelcunaca Mandac Diostaca: «Chai llactapi causaccunata ñucanchic maquipi churacpica, tucui llactacunatami tucuchishun» nirca.

NÚMEROS 31:17

Cunanca, tucui cari huahuacunata, carihuan chayarinacushca huarmicunata huañuchichic.

NÚMEROS 33:52

chai llactapi causaccunataca tucuita llucchishpa cachanguichic. Chashnallatac rumimanta ruhuashca dioscunata chingachinguichic. Lomacunapi ruhuashca altarcunatapish tucuita chingachinguichic.

DEUTERONOMIO 13:8

Paicunataca mana uyanachu canguichic, mana ricunachu canguichic. Ama llaquinguichicchu, paicunamantaca amatac shungupi nanaringuichicchu. Shinallatac paicunata ricushpa, ama upalla saquiringuichicchu.

DEUTERONOMIO 13:9

Ashtahuancarin huañuchinatacmi cangui. Huañuchingapac japishpaca canracmi rumihuan shitana cangui. Quipataca tucui gentecunami rumihuan shitashpa huañuchina can.

DEUTERONOMIO 19:13

Chai runataca ama llaquinguichicchu. Chashna ruhuacpimi, israelpurapica manapish faltayucpac yahuarta jichacca mana tiyanga. Shinallatac cancunapish allita causanguichic.

DEUTERONOMIO 2:33

Shina cacpipish, ñucanchicta Mandac Diosmi paicunataca ñucanchic maquipi churarca. Chaimantami chai jatun mandactapish, paipac churicunatapish, tucui gentecunatapish tucui huañuchircanchic.

DEUTERONOMIO 2:34

Tucui llactacunata quichushpami, tucui tucuchircanchic. Shucllatapish mana saquishpami caritapish, huarmitapish, huahuacunatapish tucui huañuchircanchic.

DEUTERONOMIO 23:14

Mandac Diosmi cancunata ayudashpa, piñaccunata cancunapac maquipi churangapac, carpa huasi chaupipi purin. Chaimantami carpa huasica Diospaclla, shinallatac chuyaclla cana can. Mapa cacpica, Mandac Diosca anchuringami.

DEUTERONOMIO 25:12

huarmitaca mana llaquishpa, maquita pitinguichic.

DEUTERONOMIO 3:3

Ñucanchicta Mandac Dios Basán llactata mandac Ogtapish, paipac gentecunatapish ñucanchic maquipi churacpimi, shucllatapish mana saquishpa, tucui huañuchircanchic.

DEUTERONOMIO 31:5

Mandac Dios chai llactapi causaccunata cancunapac maquipi churacpimi, cancunaca ñuca mandashca shina ruhuanguichic.

DEUTERONOMIO 33:27

Canta cuidacca huiñaita causac Diosmi. Huiñaita causac Diospac rigrapish, cai pachacamanmi can. Paimi canta piñaccunataca catishpa cachacushpaca: “¡Tucurichic!” ninga.

DEUTERONOMIO 7:16

Mandac Dios shuctac llactapi causaccunata cancunapac maquipi churacpica, mana llaquishpa tucuchinguichic. Paicunapac dioscunaca mitcachic shinami pandachinga. Chaimanta ama chaicunataca adoranguichicchu.

DEUTERONOMIO 9:3

Cunanmi Mandac Dios cancunapac ñaupata tucuita rupachic nina shina ringa. Chai llactapi causaccunata cumurichingami. Paicunataca Mandac Dios nishca shinami, utca tucuchinguichic.

JOSUÉ 10:28

Josueca chai punzhallatami Maceda pueblota japishpa, chaipi causaccunatapish, chai pueblota jatun mandactapish espadahuan chugrichishpa huañuchirca. Chai pueblopi causaccunata shucllatapish mana saquishpami tucui huañuchirca. Chashna huañuchishpami Maceda pueblota jatun mandactaca Jericó pueblota jatun mandacta shinallatacmi huañuchirca.

JOSUÉ 10:30

Mandac Dios chai pueblopi causaccunatapish, chai pueblota jatun mandactapish israelcunapac maquipi churacpimi, paicunaca chai pueblopi causaccunataca shucllatapish mana saquishpa, tucuita espadahuan chugrichishpa huañuchirca. Chai Libna pueblota jatun mandactaca Jericó pueblota mandacta shinallatacmi huañuchirca.

JOSUÉ 10:32

Mandac Dios Laquis pueblotapish israelcunapac maquipi churacpimi, cayandi punzha chai pueblota japirca. Shina japishpaca, chaipi causaccunataca Libna pueblopi causaccunata shinallatacmi espadahuan chugrichishpa, shucllatapish mana saquishpa tucui huañuchirca.

JOSUÉ 10:40

Chashnami Josueca tucui pueblocunata japirca. Urcucunapi tiyac tucui pueblocunata, Neguev shitashca pambacunata, quingraicunata, chaipi tiyac tucui jatun mandaccunatapish huañuchishpami, shucllatapish mana causacta saquirca. Chashnami israelcunata Mandac Dios mandashca shinallatac shucllatapish mana causacta saquishpa, tucui huañuchirca.

JOSUÉ 10:42

Mandac Dios israelcunamanta macanacucpimi, tucui jatun mandaccunatapish atishpa, paicunapac jatun llactacunatapish japirca.

JOSUÉ 11:8

Israelcunapac maquipi Mandac Dios churacpimi, paicunata atishpa, Sidón jatun pueblocaman, Misrefot-maim pueblocaman inti llucshina ladopi tiyac Mizpa pugru pambacaman catishpa rircacuna. Chashnami shucllatapish mana saquishpa, tucui huañuchircacuna.

JOSUÉ 2:14

Shina nicpimi, chai runacunaca: —Cancuna ñucanchicmanta mana huillashpa, upalla cacpica, ñucanchicca causashunmi, shinallatac cancunapish causanguichicmi. Cai llactata ñucanchicman Mandac Dios cucpica, ñucanchicpish cancunata llaquishpa, mana huañuchishunchu. Chaitaca pactachishuntacmi— nirca.

JOSUÉ 21:44

Mandac Diosca ñaupa taitacunaman ari nishca shinallatacmi tucui chai llacta muyundipi cushilla causaita curca. Shinami tucui israelcunata piñaccunaca maijanpish macanacungapac mana shayarirca. Chai piñaccunataca Mandac Diosmi tucui israelcunapac maquipi churarca.

JOSUÉ 8:24

Israelcunaca, paicunata macangapac catic tucui Hai pueblopi causaccunata shitashca pambapi espadahuan tucui huañuchishca quipaca, Hai puebloman cutishpami, chaipi saquiriccunata espadahuan tucui huañuchirca.

JOSUÉ 9:24

Shina nicpimi, paicunaca Josuetaca: —Canta servic ñucanchicca canta Mandac Dios paita servic Moisesman huillashpa, tucui llactacunapi causaccunata tucuchishpa, chai llactacunata cancunaman cusha nishcatami allita yacharcanchic. Chaimantami cancuna ñucanchicta huañuchinata yallita manchashpa chashna ruhuarcanchic.

JOSUÉ 9:7

Shina nicpimi, israelcunaca heveocunataca: —Cancunaca ñucanchic chaupillapitacmi causanguichic. Shina cacpica, ¿ima shinatac cancunahuanca ari ninacushunyari?— nirca.

JUECES 1:24

Pacalla ricuccunaca chai pueblomanta llucshic runahuan tupashpami: «Chai puebloman maita yaicuna cashcata ricuchi. Chashna ricuchicpica, cantaca mana huañuchishunchu» nirca.

JUECES 1:4

Judá aillu huichai rishpa macanacucpica, Mandac Diosmi cananeocunata, ferezeocunata paicunapac maquipi churarca. Chashna churacpimi, Bezec pueblopi macanacushpa chunga huaranga gentecunata huañuchirca.

JUECES 2:2

Cancunapish cai llactapi causaccunahuan ama imata ari ninacunguichicchu. Paicunapac dioscunapac altarcunatapish tucui urmachinguichic” nircani. Shina cacpipish, cancunaca ñuca nishcataca mana cazushcanguichicchu. ¿Ima nishpatac chashna ruhuarcanguichic?