DEUTERONOMIO 7:16 - Dios Rimashcata Quillcashcami

¹⁶ Mandac Dios shuctac llactapi causaccunata cancunapac maquipi churacpica, mana llaquishpa tucuchinguichic. Paicunapac dioscunaca mitcachic shinami pandachinga. Chaimanta ama chaicunataca adoranguichicchu.

DEUTERONOMIO 7:16 ပူးပေါင်းရင်းမြစ်များ

SALMOS 106:34

Mandac Dios tucuchichun nishca gentecunatapish mana tucuchircacunachu.

SALMOS 106:36

Chai gentecunapac dioscunata servishcamantami llaqui tucurcacuna.

ÉXODO 23:33

Cambac llactapi causachunpish ama saquinguichu. Paicunaca canta pandachishpa, ñucata piñachingami. Paicuna mitcachishpa pandachicpimi, canca yanga dioscunata servingui» nirca.

JEREMÍAS 21:7

Chai quipaca Judá llactata jatun mandac Sedequiastapish, paita serviccunatapish, shuctac gentecunatapish, chai ungüihuan, yarcaihuan mana huañushpa, cai llactapi saquirishcacunatapish, jatun macanacuipi mana huañushcacunatapish Babilonia llactata jatun mandac Nabucodonosorpac maquipimi churasha. Paicunata piñashpa, huañuchinata munaccunapac maquipi churacpica, mana llaquishpami espadahuan huañuchinga. Shucllatapish mana saquingachu. Shucllatapish mana llaquingachu” ninmi ninguichic.

NÚMEROS 33:55

Ashtahuanpish cancuna chai llactapi causaccunata mana llaquichishpa cachacpica, chai saquirishca gentecunaca ñahuipi astilla yaicushca shina, cuerpopi casha yaicushca shinami cancunataca llaquichinga.

1 CORINTIOS 15:33

Ama pandarichicchu. Maijancunaca: «Mana alli gentecunahuan tandarishpami, alli causaitaca saquincuna» ninmi.

DEUTERONOMIO 13:8

Paicunataca mana uyanachu canguichic, mana ricunachu canguichic. Ama llaquinguichicchu, paicunamantaca amatac shungupi nanaringuichicchu. Shinallatac paicunata ricushpa, ama upalla saquiringuichicchu.

DEUTERONOMIO 13:9

Ashtahuancarin huañuchinatacmi cangui. Huañuchingapac japishpaca canracmi rumihuan shitana cangui. Quipataca tucui gentecunami rumihuan shitashpa huañuchina can.

DEUTERONOMIO 19:13

Chai runataca ama llaquinguichicchu. Chashna ruhuacpimi, israelpurapica manapish faltayucpac yahuarta jichacca mana tiyanga. Shinallatac cancunapish allita causanguichic.

DEUTERONOMIO 19:21

Millaita ruhuaccunataca mana llaquishpami tucuchina canguichic. Maijan ñahuita surcucpica, paitapish ñahuita surcunguichic. Quiruta surcucpica, paitapish quiruta surcunguichic. Maquita, chaquita paquicpica, paitapish paquinguichic.

DEUTERONOMIO 25:12

huarmitaca mana llaquishpa, maquita pitinguichic.

DEUTERONOMIO 7:2

Mandac Dios chai llactapi causaccunata cancunapac maquipi churacpimi, tucuita tucuchinguichic. Paicunahuan ama ari ninacunguichicchu, paicunata ama llaquinguichicchu.

DEUTERONOMIO 7:25

Paicunapac ruhuashca dioscunataca ninapi rupachinguichic. Chai dioscunapi cahuishca curita, cullquita munashpapish ama japinguichicchu. Chaicunata japishpaca, mitcaric shinami pandaringuichic. Mandac Diosca chai dioscunata ruhuaccunataca millashpami mana ricunayachin.

JOSUÉ 11:20

Mandac Diosca Moisesta mandashca shinami paicunataca israelcunahuan macanacuchun, chashna macanacushpaca mana llaquishpa tucuchishca cachun, sinchi shunguta ruhuarca.

JUECES 2:12

Paicunapac ñaupa taitacunata Egipto llactamanta llucchic Mandac Diosta saquishpami manapish diosta catishpa, chai muyundi pueblocunapi tiyac dioscunata servishpa Mandac Diosta piñachircacuna.

JUECES 2:3

Chaimanta ñucapish: “Cai gentecunataca cancunapac chaupimanta mana llucchishpa cachashachu. Ashtahuanpish paicunaca cancunata piñaccunami canga. Paicunapac dioscunapish cancunataca mitcachic shinami pandachinga” nircani» nirca.

JUECES 3:6

Chashna causashpami, israelcunaca paicunapac ushicunahuan cazararca. Shinallatac israelcunapac ushicunapish chai gentecunahuan cazarashpa, paicunapac diosta adorarcacuna.

JUECES 8:27

Chai tandashcahuanca Gedeonca shuc efodta ruhuashpami paipac causana Ofra pueblopi churarca. Chai puebloman rishpa, chai Ofra diosta mañashpami israelcunaca huainayarcacuna. Shinami Gedeontapish, paipac familiatapish tucllapi urmachic shina pandachirca.