DEUTERONOMIO 7:15 - Dios Rimashcata Quillcashcami

¹⁵ Mandac Diosca cancunamantaca nanaicunatapish, Egipto llactapi cancuna ricushca, manchana ungüicunatapish anchuchingami. Chai ungüicunaca cancunataca mana japingachu, ashtahuanpish cancunata mana ricunayachic gentecunatami japinga.

DEUTERONOMIO 7:15 ပူးပေါင်းရင်းမြစ်များ

SALMOS 91:10

Chashna cashcamantaca ima llaquipish, ima ungüipish cambac huasimanca mana yaicungachu.

ÉXODO 15:26

Chaimantami paica: —Cancunapac Mandac Dios ñuca nishcata alli uyashpa, ñucapac ñaupapi imatapish cashcata ruhuashpa, mandashcacunata tucui shunguhuan uyashpa, tucuita ruhuacpica, Egiptoman cachashca shina ungüitaca cancunapacmanca manatac cachashachu. Ñucaca cancunata jambic Mandac Diosmi cani— nirca.

ÉXODO 23:25

Canta Mandac Diosta servingui. Ñucami tandatapish, yacutapish bendiciasha. Shinallatac ñucami tucui ungüicunata canmanta anchuchisha.

ÉXODO 9:11

Chai brujocunapish Egipto runacuna shinallatac sisu ungüihuan cashpami, Moises-huanca mana ashtahuan chimbapurai pudirca.

DEUTERONOMIO 28:27

Mandac Diosmi cancunataca Egipto llactapi causaccunata llaquichishca shina, sisu ungüihuanpish, chupu ungüihuanpish, shicshi ungüihuanpish llaquichinga. Cancunaca mana jambiri pudinguichicchu.

DEUTERONOMIO 28:60

Egipto llactapi llaquichishca shina manchana plagacunahuan llaquichinga. Chai plagacunaca cancunamantaca mana anchuringachu.

DEUTERONOMIO 30:7

Mandac Diosca cancunata piñashpa, mana ricunayachishpa llaquichiccunatami llaquichinga.